ينشرون غسيل بيتنا بره

[Baby^Bop]

السلام عليكم

بنات انا عيالي بعمر 5 و3 سنين اسم الله عليهم مشكلتي معاهم حدهم ايفشلوني اذا شافوا احد يعرفونه او حتى ما يعرفونه بالسوق او اي مكان يقولون قصة حياتهم حدهم ايفشلوني واخاف لا يفشلوني اكثر :rgewrg:

عيزت احاجيهم اقولهم ماما اذا شفتوا احد من الناس لا تقولون كل شي ماكو فايده

فضحوني الله يصلحهم ويهديهم

الي عندها نفس اعيالي شلون اقدرت تتعامل مع اعيالها شلون فهمتهم ان ما يسولفون بكل شي وان في اشياء ما تنقال للناس


شكرا بعد عمري كلكم والله يخليلكم اعيالكم

 

[Tosta M7mSha]

الله يحفظهم لج حبيبتي هههه
ماعندي خبره ولله اتوقع يستوعبون عقب لا اكبروا انتي لا تهدينهم احسن شي خلج معاهم ومن يتكلمون تليهم معاج هههه
سوي بحث بقوقل عنالتربيه وجذي يمكن تستفيدين؟

 

[الأميرة جوري]

صغار يمكن عال6 او 7 يفهمون وانتى اذا في شغلات ماتبينها تطلع لايشوفونها او يسمعونها يعني شغلات السريه ,,

 

[حرم راشد الماجد]

حبيبتي شوفي مره انا حضرت دوره حق الدكتوره منى الغريب تقول ان احسن علاج للطفل من عمر 3 سنين الى عمر 10 هو الحرمان مثلا اذا كررروها قولي لهم انتو عشان سويتو جذي ماكو الشغله الفلانيه


بنت خالتي كانت تحرم بنتها من البي اس بي بس كان عمرها 9 سنوات

واختها اللي اصغر منها مره حرمتها من الزواره لانها طقت اخوها الصغير ودتها مع الخدامه البيت وردت صج كان قلبها يعورها بس والله البنيه منها مامدت ايدها على احد من خوانها وهم عمرها 4 سنين

جربي وقوي قلبج

 

[Baby^Bop]

بعد عمري ما قصرتوا على الرد



حرم راشد الماجد بجرب طريقه الحرمان يمكن تنفع

 

[حبـ admant ـك]

طريقه حرم عن الحرمان تنفع
لان ماشاءالله اليهال مايسكتون
خالتي مدرسه بابتدائي تقول اليهال ايونها ويقولون ابوي طق امي
وامي تهاوشت مع ابوي عشان جذي وجذي
ف الافضل الام والابو يتعلمون مايقولون شي ولا يتناقشون جدام اليهال
عشان ماينفضحون

 

[الليدي فراوله]

مالج الا الحرمان

 

[%F&R%]

صح الحرمان وعاقيبهم "(تايم اوت) اتقعدينهم بمكان وماتخلينهم يقومون منه انا هالطريقه وايد فادت مع بنتي