ينات طلبتكم ضروري تفيدوني(الحجامــــــه)!!!

[Hello_kitty]

بنوتـــــــــــــــــات عفيه طالبتكم....

تعرفون وحده او واحد يسوي حجامه ثقه وزين وايده خفيفه

واللي جربتها تعور او لأ؟؟


وشنو تغير معاج بعد الحجامه؟؟


ياليت تفيدوني وتساعدوني لان مادحينها لي حق الإنجاب

 

[Swan]

انا جربت ام بلال قبل سنه وكانت وايد زينه وايدها خفيفه واهي ترى لبنانيه صغيره بس ملتزمه
وريلها يسوي حق الرياييل واهي تييج البيت وتاخذ منج 15 على الحجامه اذا ما عندج عده الحجامه واذا عندج تاخذ 10

انا لما جربتها كان عندي هرمون حليب مرتفع بس انا ما قلت لها شي عنه
وكنت حزتها ماخذه ادويه تنشيط جم شهر
ولما سوت لي الحجامه قالت لي انتي تستخدمين وايد ادويه صح
قلت لها اي شدراج قالت لي ان الدم بجتوفج اسود
وعقبها بشهر حللت للهرمون وطلع طبيعي مع انه كان مرتفع وما خذيت له دوا

وقالت حق خالتي انها تسوي خلطه عسل طبيعي مع غذاء الملكات حق الحمل بس ما خذيت منها
واذا تبين تسوي لج الكاسات صوب المبايض حق تنشيط المبايض
انا قالت لي بس ما رضيت لاني كنت ابي اتبع اماكن السنّه

سوري قرقت عليج بس كنت ابيج تعرفين تجربتي
واذا تبين تجربينها هذا رقمها 9721017

 

[Hello_kitty]

مشكوووووره حبيبتي والله يرزقج الذريه الصالحه ويفرح قلبج ويفرج همج يااااااااااااااارب

انتي سويتها بأي يووووم من الدوره؟؟

وباي مكان بالضبط؟؟

 

[نــور1]

لها ايام محددة يا بنات وهي:

هي ايام 17 و 19 و 21 من الشهر العربي .
مواضعها :

الكاهل(اعلى الظهر)
-الاخدعين(جانبي الرقبة)فقط للرجل
-الظهر على منطقة اليمين التي تقابل الكبد
-منطقة البطن حجامة واحدة بموازاة اخر ضلع يقابل الكبد من امام
-الساق ممكن عمل حجامة واحدة على الجزء الخارجي من الساق.


المرأة لا تكثر من عمل الحجامة لان الدرورة الشهرية كفيلة بتخفيف الدم لديها .

 

[انا والدنيا]

مرحبا
انا سويتها عند ام عمر وحده مصريه بس انا سويتها بالظهر والحجامه يقولون انها زينه حق كل شي والله يرزقج انشالله

 

[PINK*LIPS 81]

شوفي موضوعي في قسم تاخر الانجاب
بدوره واحطه لج حبوبه



مركز الليثي للحجامه تلفونهم 6063406 او 9325837 مكانهم الفروانيه ..... دقو عليهم واخذو العنوااان عدل منهم انا ما اعرف اشرح
ترا واااااايد زيييينين وفاهمين
على فكرة الدكاتره الموجودين في حرمه وفي ريال يعني راح ترتاحووون لان اللي بتسويلكم حرمه

http://www.q8yat.net/showthread.php?t=144276

 

[Hello_kitty]

مشكوووووووووووووورين بنات ما قصرتو

جزاكم الله كل خير

 

[قهوة برية]

لها ايام محددة يا بنات وهي:

هي ايام 17 و 19 و 21 من الشهر العربي .
مواضعها :

الكاهل(اعلى الظهر)
-الاخدعين(جانبي الرقبة)فقط للرجل
-الظهر على منطقة اليمين التي تقابل الكبد
-منطقة البطن حجامة واحدة بموازاة اخر ضلع يقابل الكبد من امام
-الساق ممكن عمل حجامة واحدة على الجزء الخارجي من الساق.


المرأة لا تكثر من عمل الحجامة لان الدرورة الشهرية كفيلة بتخفيف الدم لديها .

حبوبة اثبت العلم ان الدورة مالها شغل بعلاج الحجامة

دماء الدورة ماهي إلا بويضات لم يحصل لها تخصيب سبحان الله

اما الحجامة فهي شئ آخر ...


للمعلومية ...

 

[الحديق السريه]

ام اهلال عجيبه لوول

 

[Swan]

مشكوووووره حبيبتي والله يرزقج الذريه الصالحه ويفرح قلبج ويفرج همج يااااااااااااااارب

انتي سويتها بأي يووووم من الدوره؟؟

وباي مكان بالضبط؟؟

جزاج الله خير ولج مثله ان شاء الله

انا سويتها صوب الجتوف

بس ما تسوينها بأيام الدورة تسوينها بأيام معينه بالتاريخ العربي

انتي اتصلي عليها واهيه تقولج عن اليوم المناسب

 

[PINK*LIPS 81]

حبيبتي (كيدي عظيم) اشصار معاااج سويتي الحجامه والا لأ ... طمنيني علييييييج

 

[Hello_kitty]

لا حبيبتي ما سويتها ناويه اسويها اليووم بإّن الله

 

[لـــمـى]

انا جربتها حلوه وعند وحده اسمها ام آدم بالاندلس
ايدها خفيفه وتعرف الله

4890192

وماشالله ماكو الم وتحجم عالسنه

اتصلي لما ترد عليج وان شالله الله يرزقك
الالم بسيط وبسرعه يخف
واقل من اسبوع الاثر رايح


والله يقسم لج الانجاب عقبه

 

[روحـ روحه]

ابي عوار الراس ممكن يختفي بعد الحجامه

 

[Swan]

ابي عوار الراس ممكن يختفي بعد الحجامه

الحجامه سبحان الله تعالج كل الامراض
توكلي على الله وسوي حجامه وراح تلاحظين الفرق

 

[Hello_kitty]

بنات بقولكم شنو صار معاي

دقيت على ام بلال اللي عطتني رقمها الإخت سوان جزاها الله كل خير وطلعت موجوده بلبنان مو بالكويت حاليا

دقيت على ام عمر المصريه اللي عطتني رقمها الإخت بمبره جزاها الله كل خير قالت انه اسوي بس حق حريم ما اسوي حق رياييل<<<وانه وزوجي نبي نسوي الحجامه اثنينا!!!!!!!


دقيت على مركز الليثي اللي عطتني رقمهم الإخت بنك حبيبتي ما قصرت طلعلي واحد مصري مو صاحي نفسه بخشمه الحمدلله والشكر عطانا العنوان وطقينا طريج انه وريلي الفروانيه...وضيعنا شوي ما عرفنا مكانهم دقينا عليه يوصفلنا قال انه مو فاضي ادليكم عندي شغل !!!متخيلين وقاحته ما بقى الا هالمصري بعد؟؟؟ زين ريلي مطول باله بعد عمري قاله انزين

عطني بس العنوان قال والله العنوان مقابل مطعم سهران ماعرفش غير كده<<<قليل الأدب شنو يعني مطعم سهران اشدرانه وينه لا يكون بس ابراج الكويت واحنا ما ندري

قلت حق ريلي خل يولي هذا واحنا بندفعله فلوس مو بلاش جذيه يكلمنا


والحين انه محتاره نصحوني اسويها عند منو؟؟؟ ابي مكان يسون حق ريال وحق المره اذا تعرفون احد يسوي حق ريال فيدوني بليز

 

[foozia_87]

حبيبتي في وحده اسمها ام عبدالوهاب في مبارك الكبير اتسوي ايام للحريم وزوجها يسوي للرجال وهم في ايام معينه ويايج الرقم على الخاص

 

[PINK*LIPS 81]

معقوووووووووووووله المصري رد عليج جذي ؟؟؟!!! انا كلمت واحد مصري وشرحتله حالتي وقالي شنو يسوون بحالتي بالضبط بكل ادب ووصفلي المكان عدل .... انصدمت.. الظاهر واحد ثاني اللي ردعليج صج قليل ادب ... وااااي اختي (كيدي عظيم ) حدي افتشلت منج وانقص ويهي ساااامحيني حبيبتي والله ما اقصد عاد المكان الكل يمدحه ما توقعت جذي

 

[قهوة برية]

معقوووووووووووووله المصري رد عليج جذي ؟؟؟!!! انا كلمت واحد مصري وشرحتله حالتي وقالي شنو يسوون بحالتي بالضبط بكل ادب ووصفلي المكان عدل .... انصدمت.. الظاهر واحد ثاني اللي ردعليج صج قليل ادب ... وااااي اختي (كيدي عظيم ) حدي افتشلت منج وانقص ويهي ساااامحيني حبيبتي والله ما اقصد عاد المكان الكل يمدحه ما توقعت جذي

عجيبة ..!!


مع اني سويت الحجامة عندهم وبالعكس


كانوا جدا راقين بالتعامل حتى لمن اتصلت عليهم بعرف العنوان وصفه لي بشكل دقيق

يمكن جيتهم بالضحى وانا ويا اختي فكانوا مروقين وماكو زحمة عندهم ....!!


حتى اذكر الي كانت اترد علي زوجته

مادري ..



شوفي ام عبد الوهاب تمتدحها رفييجتي

سوت حق امها والحمدالله تحسنت

وحتى تمدح المكان وتقول عنه نظيف ...

الله يعينج حبوبة

ويشفيج يارب

 

[..، شهوده ..،]

أنا أمي من يومين سوت عند اللي بالفروانيه ودكاتره يعني فاهمين
وأنا كنت وياها ويوم وصفوا لنا الطريج بالعكس كلمونا بكل أدب واحترام وذوق

وحتى تعاملهم حلو وراقي

أنا عجبوني وودي اسوي عندهم بس خايفه