ينات تكفون دخلوا أبي أحسن عيادة ليزر لإزالة آثار الحبوب

[رحــــيــــل]

بنات تكفون الي تعرف اتفيدني لاتبخل علي وبدعي لها بالخير بصلاتي وربي يوفقها إن شاء الله
كويتيات بشرتي فيها آثار حبوب وأبي أوخرها بليزر الي تعرف أحسن عيادة ليزر ياريت تفيدني والي تعرف جم الأسعار ياريت تقولي
لأن مرة رحت أعالج قطيت أكثر من 350 دينار بعيادة موسى جبر بس مافي أي نتايج عشان جذي ألحين أبي أعالج بالليزر مابي تقشير وما أبي أقط فلوسي بدون نتايج مضمونة وأبي خبرتكم يا أهل الخبرة ومشكورين يالغاليات

 

[فراشه]

مايحتاج عياده استخدمي كريم بيباثين يروحون بشهر جربي وادعيلي

 

[رحــــيــــل]

مايحتاج عياده استخدمي كريم بيباثين يروحون بشهر جربي وادعيلي

فديتج يالغالية مشكووورة بس وين ألقى الكريم هذا وجم سعره ؟؟
وأكيد راح أدعيلج بالخير والتوفيق إن شاء الله

 

[شهد المحمد]

رد : ينات تكفون دخلوا أبي أحسن عيادة ليزر لإزالة آثار الحبوب

والله اختي رحيل ما عندي خبره لكن اب اب لعيونك​

​

 

[رحــــيــــل]

فديت عيونج شهودة

 

[بوغاتي88]

شوفي انا جربت عادل قطينة صج صفت بشرتي بس غالي غالي غالي

 

[فراشه]

بالصيدليات وعلى فكره تره اهوه مو مخصص لاثار الحبوب اهوه حق تسلخات الحفاظه بس صديقني عجيييب حتى الجروح واثار الجروح

 

[رحــــيــــل]

خواتي بوغاتي 88 وفراشة مشكورين حبايب قلبي موفقين يارب

 

[بوغاتي88]

العفو حبيبتي ماطلبتي شي

 

[غلا الأيام]

اب اب

 

[زين الوصايا]

رد : ينات تكفون دخلوا أبي أحسن عيادة ليزر لإزالة آثار الحبوب

في دكتور اسمه ايمن علوان بروفسير في تخصص الجلديه وبمعنى الكلمه نسيت شئ اسمه حبوب
تلقينه بمستوصف الالماني
يم اكترونيات الغانم عمارة النمران الفروانيه
ويعني حيل رخيص

او
اشتري
ديرما_ت
محلول ينشف الحبه خلال اسبوع

 

[رحــــيــــل]

غلا الأيام الله يرفع مقدارج يارب
زين الوصايه مشكورة حبيبتي إنشاء الله راح أحجز وأروحله تسلمين يالغالية

 

[~ بنت الهدى ~]

الله يوفقج ان شاء الله