يمه الابلة طقتني .... شتسوين

[##سبحان الله##]

مثل ما قريتو وياريت كل وحدة تقولي شتسوي بهالحاله ؟؟؟

جزاكم الله خير

 

[سبائك]

اول شي اساله طقتك انت بروحك ولا الصف كله....اذا قال الصف كله تهون المساله

واقولهم زين تسوي فيكم اكيد متشيطنين(الاولاد شياطين واكيد مسوين شي غاث الابله)

بس احتمال من وراهم اروح المدرسه واسال الابله ليش ماده ايدها على الولد!!

 

[جنتي^و^ناري]

اتأكدي من هالكلام وشوفي شالسالفه مافيها شي , استفسري

 

[om-HaSsoOon]

اول شي اللي اعرفه ان الطق ممنوع وهذا مو قرار يديد

روحي المدرسه عرفي بنفسج شسالفه يمكن الولد ما يقول الصج بيغطي على نفسه

يعني هذا لازم اخر شي تفكر فيه المدرسه انها تمد ايدها على الطفل

 

[om al ghaleen]

يضيق خلقي بس الصراحه ماافكر ارووح اناقشها اكيد مسوي شي غلط

علشان لا تحط عليه ..

واذا تمادت وطقته اكثر من مره لي نقاش مع الناظره

 

[الدلال]

اتاكد اول شي اذا السالفه صج ولا لا

واذا طلعت السالفه صج , ما اخليها ارووح واشوف شنو السبب اللي خلاها تمد ايدها على ولدي

مع ان الضرب ممنوع بس للحين في معلمات يطقون اليهال وبوحشيه بعد وصارت مع ولدي من قبل

 

[قلبي ابيض]

اول شي اتأكد بعدين احاجيها

 

[ReeMaN]

واااااااااي يمه ولدي انشالله ماشوف هاليوم ولا ايكم هاليوم بعياللكم ياااارب طبعا اول شي اسوي نفسي ان عادية السالفه وانا من داخلى احترررق واتاكد منه اشلون طقته وليش ومتى وجدام منو و و و ووقوم ورنى اشلون وبالتصوير البطئ ههههه بعدين من ثانى يوم اروح لها واكلمها باسلوب ذرب ليش ماليش وانا هم ماسكه نفسي اخاف اتهاوش معاها اتطلع حرتها بولدي بعدين ...المهم اتفاهم معاها وهم انصحها ان اهى معلمه مثقفه ماخذه مواد علم نفس اجباري عليهم يعلمون اشلون يتعاملون مع اليهال الشطار من الكسالى من الشياطين وكل واحد وحالته بس ماتوصل الى طق اليهال ..مودين عيالنا مدرسة واحنا كلنا ثقه انهم بايد امينه رايح يتعلم والا ينطق وطبعا من داخلىاسبها سب اليهد هههه

 

[BlackRose]

اتاكد من ولدي

اذا اهوا غلطان تسلم ايدها

بس اذا اهوا مو غلطان

وااااااااااااااااااااااااااااااااااي اقوم الدنيا ومااقعدها

ولا اشوف المدرسة ولا اتفاهم معاها لاني مااضمن نفسي

 

[DooNy]

بتكون جنت على عمرها
وماراح أقول إذا طلع صج لأن الحمدلله عيالي ما يقولون الا الصج

 

[غاليه]

والله محد شبع طق كثرنا احنا قبل طق يطري علي كانت الابله تطبج مسطرتين وحييييييييييييييييييييييييييييييل تكسر ايدينا وفوق هذا اهلنا يقولون زين ايصييير فيكم والله اعيال هالزمن غثي ودلععععععععععع عالآخر وشنو لو طقته تعور ؟ صار فيه الله لايقوله عاهه مستديمه ؟؟ بالعكس خواتي دام ولدج والا بنت كانوا يكلمونج عن الابله بكل هدوء فتأكدي ان مسوي غلط وبالعكس لو انا منكم اقول اي احسن خلها تطقك اذا عدت الغلط مره ثانيه عيل ليش سموها وزاره التربيه .... وعشتوا

 

[غاليه]

بس هذا مو معناته ان انا اايد الطق بالعكس انا اطنش لان الابله مو معقوله ماكو ياهل بالمدرسه تناشبه وتحط دوبها دوبه كل يوم ينطق والله انا عندي بنتي شييييييطانه اسم الله عليها لدرجه ان اول ما ادش معاها المدرسه ابلاتها يركضون علي يشكولي منها ومن شطانتها مع ان اسم الله عليها شاطره بسسسسسسسسسس شييييييطانه ماتخلي احد بحاله ولسان الله وكيلكم لي جسر الملك فهد اشطوووووووووله وقلت للابلات طقوها وعاقبوها بس الله خيير مااارضوا قالوا لا مانقدر انا كسرت عينهم عشان لا يسوونها وتطلع جدامي مو قد كلمتها

 

[قلبي ابيض]

طق المسطرة يهون الحين ابلات طق وسب

 

[nice-girl]

لانه انا صج ولدي شيطان وكلمتني بخصوص هالشي وقالتلي راح اشد معاه بس قتلها اوكي بس طق لا
قالتلي لا اصلن ممنوع وحتى لو مو ممنوع انا ما اطق
بصراحه انا ماراح ارضى وراح اكلم الابله واذا عادتها باخذ اجراء صارم

 

[كويتيه متفائله]

طق مستحيييل رااح أرضى بهالشي
وراح يكوون لي كلام ثاني مع المدرسه

 

[malekatsabaa]

اتخسى اللي تمد ايدها على ولدي..
ولو شنو الاسباب..مع ان ولدي والحمدلله تفوق وادب..

الدنيا مو فوضه واللي مو قادره اتحمل شطانة اليهال ولا تعرف تتعامل معاها ..خل تشتغلها شغله ثانيه
والتربيه مو مقصره مع المدرسات ما شاالله الكوادر كل مالها وبالعلالي..بس عشان يطيبون خاطرهم اتيي واتطق عيالنا بعد..

كل الي بين المدرسه والياهل علاماته غيره ما لها حق تسوي شي..
خو هالايام صايره موضه..المدرسه ماعندها شغل الا تعكنن على عيالنا علبو ان في واحد شيطان مو قادره عليه فتمشي عالمثل الي يقول..
اضرب المربوط يخاف المفتلت!!

انا مره ابله طقت ولدي ..كويتيه..جان اروح المدرسه ووياي مسطره واقولهم ييبولي المدرسه بطقها نفس ما طقت ولدي من غير سبب..
بس للاسف ما يابوها..واعتذرولي ..والناظره اطلعت بنت حلال وادبتها..بعد ابروحهم تدريسهم مثل الزفت والياهل غصب يروح المدرسه ..ويطقون اليهال عشان يعقدونهم موليه من التعليم..

ادري وايد قرقت...بس صج في بعض المدرسات متوحشات ومعقداااات!!!

 

[أسرار الطبيعة]

malekatsabaa
زين تسوين
ولو مكانك أسوي أكثر من جذيه
معلمات عقد وأمراض نفسيه ويطلعونها على الأطفال
المفروض توسع صدرها وتكظم غيضها وتعلمه الأدب مو تفرغ شحنتها فيه
الولد أو البنت لا تتعرض حتى للمس
( ممنوع اللمس يا معلمات التربية )
تعلموا فنون التربية والتوجيهات وحسن الخلق والقدوة الحسنة
ذكرتيني بوحده أعرفها سطرت بنتها ، راحت لها ثاني يوم ونادت المعلمه وبيدها هديه ( تمويه لمديرة المدرسه علشان تناديها لها ) ويوم قربت صوبها هفتها كف وقالت لها العين بالعين والبادي أظلم هههههه

 

[شيــوخه]

الله يعين والله انا الي بالعه هم وساكته والمشكله اا رحتييييييييييي لهم

اغلبو السالفه على بناتج هم وهم وهم وفيهم وعليهم

يعني المدرسه اتعصب فيها شي اوكي بس مو اتكره اليهال بلماده انا بنتي عانت من ابله العربي تحذف الكتاب تقول للها رووحي يبييييه

اتوقفها طول الحصه امممممممممم تمصع اونها اتعرفين الي اكرهت شي اسمه عربي الحين اا قلتي لها ااقري اتنتع اتقطع والله كاسره خاطري يوم رحت بتفاهم مع المدرسه يقلون المدرسه معها حصه الحين ماتقدر تيي بس المدرسه شاكيه على بنتج وقايله انها ضعيفه قلت هي بلسانها قالت ضعيفه بس لازم اتعرف اشلون تتعامل مع الاضعاء مو بطق مالها خلق تقعد ابيتها الله يعافيها ماتشوف شر في غيرها مستعد يدرس

 

[malekatsabaa]

malekatsabaa
زين تسوين
ولو مكانك أسوي أكثر من جذيه
معلمات عقد وأمراض نفسيه ويطلعونها على الأطفال
المفروض توسع صدرها وتكظم غيضها وتعلمه الأدب مو تفرغ شحنتها فيه
الولد أو البنت لا تتعرض حتى للمس
( ممنوع اللمس يا معلمات التربية )
تعلموا فنون التربية والتوجيهات وحسن الخلق والقدوة الحسنة
ذكرتيني بوحده أعرفها سطرت بنتها ، راحت لها ثاني يوم ونادت المعلمه وبيدها هديه ( تمويه لمديرة المدرسه علشان تناديها لها ) ويوم قربت صوبها هفتها كف وقالت لها العين بالعين والبادي أظلم هههههه

لوووووووووووول
والله عفيه عليها تسلم ايدها !!!
وخل اقولج عيل

انا اعرف وحده من امهات اياام اول يعني امهات ايام شرق والجبله..

في مدرس حاط دوبه ودوب ولدها طايح فيه طق بسبب ومن غير سبب..
واسكتت اكثر من مره لي خلاص ما قدرت تسكت عنه اكثر
جان تروح المدرسه وخاشه تحت عباتها هوز...واول ما يا المدرس طلعت الهوز وطاحت فيه جدام المدرسين
وقالت له الحين روح اشتك على!!!

 

[malekatsabaa]

الله يعين والله انا الي بالعه هم وساكته والمشكله اا رحتييييييييييي لهم

اغلبو السالفه على بناتج هم وهم وهم وفيهم وعليهم

يعني المدرسه اتعصب فيها شي اوكي بس مو اتكره اليهال بلماده انا بنتي عانت من ابله العربي تحذف الكتاب تقول للها رووحي يبييييه

اتوقفها طول الحصه امممممممممم تمصع اونها اتعرفين الي اكرهت شي اسمه عربي الحين اا قلتي لها ااقري اتنتع اتقطع والله كاسره خاطري يوم رحت بتفاهم مع المدرسه يقلون المدرسه معها حصه الحين ماتقدر تيي بس المدرسه شاكيه على بنتج وقايله انها ضعيفه قلت هي بلسانها قالت ضعيفه بس لازم اتعرف اشلون تتعامل مع الاضعاء مو بطق مالها خلق تقعد ابيتها الله يعافيها ماتشوف شر في غيرها مستعد يدرس

حبيبتي شيوخه
تر بكون صريحه معاج
انتي السبب في فشل بنتج..شلون سكتي ؟؟
لما دريتي ان الابله تضطهد بنتج ليش سكتي عنها وعن المدرسه بكبرها؟؟؟؟

تعبتي وحملتي فيها وكبرتيها عشان اتيي هالابله وتعقدها لج؟؟

اذا تعقدت البنت وقامت اتاتئ فانتي لج ايد بهالشي حالج حال الابله لانج سكتي..
يعني الطفله منو المفروض يدافع عنها؟؟مو انتي؟؟؟
وهذي نتيجه طبيعيه لطفله الابله تعامها بهالطريقه غير الاحراج الي تحطها فيه جدام زميلاتها من كثر الاهانات!!

انا منج ما اوديها المدرسه..واخذها للمنطقه على طول واقولهم ان البنت تعقدت ماتبي تروح المدرسه..
واذا ما نفع...اتحبل للأبله والعن خيرها..شنو نطر منهم احنا؟؟
والله يعلمون عيالنا ويحترمونهم وريولهم فوق ارقابهم..والمنه عليهم بعد!!