يمممممه تخرعين

[اسمي بين الاسامي]

السلام عليكم ورحمة الله وبركاته




رفيجتي قالتلي سالفه اليوم امبيه والله كسرت خاطري




تقولي انها اهي وخالتها وحمواتها قاعدين يشوفون صور بطايقهم المدنيه ويضحكون على اشكالهم

حمواتها يقولون اشكالنا كلللللللش موحلوه بالبطاقه وودنا نغير صورنا

وخالتها تقول انا صورت اكثر من صوره علشان تطلع حلوه اخرتها اقتنعت ان وجهي جذيه شسوي

سوالفهم كلها كانت عن ضحك وغشمره تقول انا كنت اضحك معاهم واقولهم والله اشكالكم حلوه

ولا تقولها خالتها خنشوف صورتج بالبطاقه

تقول واطلع بطاقتي ووريتها خالتي

جان تضحك وتقول يممممممه تخرعيييييين

تقول انصدمت من ردت فعل خالتي انا ماقلت شي عن اشكالهم اهم اللي قاعدين يتطنزون على اشكالهم حتى حمواتي انصدموا من ردت فعل امهم وشلون تقول جذي

تقولي انا مادري خالتي قايلته متعمده تحرجني او انه ضحك وغشمره



انا تعليقي ع الموضوع بصراحه المفروض خالتها ماتقول جذي !!!

وتخلي غشمرتها بينها وبين بناتها لانهم يمونون على بعض /// مع العلم انهم كلهم حلوين ماشاءالله رفيجتي وخالتها وحمواتها

انا وخواتي دايما نقعد نضحك على اشكال بعض واذا شفت وحده من حريم اخواني قاعده معانا والله لو شكلها غلط مااقول واخلي الغشمره بيني وبين خواتي


بانتظار تعليقاتكم

 

[حلوه ولمآحه]

رد : يمممممه تخرعين

يمكن غشمره وضحك ،،
لاتاخذ سؤء الظن،،
المواقف هذي ماتحسب ابدآ،،
مواقف عاديه
وهي واثقه من نفسها مو كلمه خالتهآ الي بتغيرها او بتهز ثقتهآآ،،
بنفسهآآ
المفروض نه ماكان شي صار وي كلها كلمه ،،

 

[ابدا يالغالي مانساك]

رد : يمممممه تخرعين

صاجه حبوبه احنا وخواتي لو شنو مانقووووووووووووول
الا وخواتي مع بعض لانا نمون علي بعض
اما بالنسبة لخالت رفيجتج الله اعلم وشنو نيته وخله تمشي الامور وش تسوي بعد خالته ولاتقول لزوجه شي ولا تقول لحمواته ايضا شي لتسبب حساسيه بالامور
وخلها تنزل عادي وتضحك بااوجيهم وكان شي لم يكن
لان لو يدورون شي ويموتون مايلقون وماحرهم الاصفو البياض اللي في رفيجتج
لاتنضرين للوراء انضري للمستقبل قوليها لرفيجتج
:bye22:

 

[Miss McDonald]

رد : يمممممه تخرعين

.



مآعتقد فيهآ شيء !
هذول اهما العيايز

 

[حبيبي مالكني]

رد : يمممممه تخرعين

حبيبتي ما فيها شي اهيه اكيد اتغشمر
واهيه مرة كبيرة ما تعرف الإتكيت
اخذيها على قد عقلها
واهيه عدتج مثل وحدة من بناتها وعلقت عليج مثلهم

 

[الـــدفـــشـــة]

اتوقع غشمرا وفصلت ذاك اليوم عادي عادي

 

[DốǾốDї]

ما تدري شنو كانت نيتها يمكن على ضحك بس زودتها شوي لوول

عيل انا مره خالتي اخت امي شافت بطاقتي جان تقول وااااااااااااااااي يماااااا جنج كاااوليه وانا جنه احد طاقني طرااق

والله ثااااااااااني يوم كسرت البطاقه ورحت صورت غيرها وطلعت يديده لوووول لانه اساسا ما كنت مقتنعه بالقديمه

 

[A7la KatkoOota]

رد : يمممممه تخرعين

يمكن قالتها من غير قصد تلقين الصوره قديمه ومتغيره فيها حيل لاتكبر المسائل يعني شنو بتسوي بتزعل عادي كلهم انضغطوا لاتصير حساسه وايد لوهي تخرع صج ماخذتها حق ولدها

 

[شقرديـه عالطل]

اطووف عشان ماتتعب
بس لو انا بمكانها اضحك واقول لخالتي اتصدقين فلان مات على صورتي (زوجي)<<<<<<<<<<<<صج اني عوبه

 

[ضايعة بدنيتي]

عاد قولي لها لا تصير حساسة لهالدرجة . خلاص يعني غشمرة حتى لو انها ما عيبت على اشكالهم مجرد ضحكها معاهم معناه مشاركتها لهم
ف عاااادي الموضوع وما يزعل وبالعكس خل تاخذها من باب الضحك . وان بعض الظن اثم . والظاهر الخالة فصلت ذاك اليوم من الوناسة هههههههههه .

 

[منوة القلب]

تمزح خالتها واضح والدليل انها علقت على شكلها وسبت صورتها قبل رفيجتج

انا معاك الكلمه مالها داعي بس فيه ناس كذا طريقتهم وهذا اسلوبه

القعده كانت كلها ضحك وغشمره .. ماله داعي تاخذ الموضوع بحساسيه


اهم شي هي مقتنعه بنفسها

 

[عزتي تسواك]

أشوف أنه عادي لان القعده كلها ضحك بضحك وتطنزو
علي أشكالهم قدامك فما فيها شئ

 

[شبعآنه دلـع]

رد : يمممممه تخرعين

اكيد عن ضحك بس خانها التعبير

 

[chanel N22]

الله يعين على حركات الحريم

 

[لمسه حزن]

رد : يمممممه تخرعين

حبيبتي

اكيد يت عفويه منها

يعني

مافي داعي للحزازيات

والموضوع كان ضحك

من البدايه

 

[غــ q6r ـلا]

اتوقع تتغشمر وماتوقع تقصد

 

[زبدة ككاو]

رد : يمممممه تخرعين

وآي فشلـة إحرآج
لـو آنــآ منهــآ مــآأطلع البطـآقة
شتسـوي الخــلآت أغلبهــم جذي يقطوونهــآ بــآلويه

 

[فدييتك]

رد : يمممممه تخرعين

لا مو حلوة بحقها حتى لو غشمره

 

[ام شووووق]

رد : يمممممه تخرعين

يمكن ماتعرف تجامل خالتها

 

[وآحشنــي زمآنـك]

رد : يمممممه تخرعين

لوووووووووووووووووووووووووووووووول ..



عــآدي عــآدي المفرووض تطووف وتــآخذهاا ضحــك جــآن قآلت لهــاا الظــآهر يبيلنــاا صوور جديده ..