يمقن تعرفين ..يمقن لأ

[عطاء أنثى]

مرحباا كروشاات

شخبار التجهيزات معاكم :ioljnmlk:

نبي نفتح موضوع التجهيز من جديد
من A to Z

اولا : اللبس للام فترة النفاس والا البيبي معروفه الاماكن
ثانياً: طريقة التقديم حلو موالح سكر تقدبم وغيره
الكفر للمستشفى وتزين الغرفه بالمستشفى
وباجي الترتيباااات


يالله شدو الهمه ياكروشااات:eh_s(9):

نبي نتساعد بتجهيزاتنا ( ادري بتقولون الموضوع متكرر بس انا ابي التجديد بالمعلومات)

كل وحده اتدش تكتب شي جديد وبإذن الله بنتساعد ونجهز مع بعض:eh_s(7):​

 

[عطاء أنثى]

معقوله



35 وحده وولا وحده ارفعت الموضوع ع الاقل


الله يرفع قدركم

 

["Om 3AzOoZ"]

حبيبتي موضوعج حلو ولي عوده اب اب اب

 

[عطاء أنثى]

عن نفسي بجرب هالمره ملابسي للنفاس من النصار

والموالح لقيت لي شي حده ذرب ان شالله بحجزه وغريبه فكرته


وان شالله بضبط الباجي بس ابي تفاعل

 

[ام اغلى الناس]

انا تو الناس علي
بالسادس او السابع باذن الله اجهز
فيه تجمعات للتجهيز تونس شوفيها

 

[..صمت المشاعر..]

وين النصار اي مكان..؟

 

[الحــــــلا كله]

صمت موجود بالمباركيه

 

[f6oma 1991]

اب اب اب




بجريه و ابي اعرف

شنو اشتريلي ؟؟ شنوو الملابس النفاس ؟؟؟

 

[نفول]

موضوع وايد حلو وانشالله نشوف البنات يتفاعلون
وحلو التجديد بالمعلومات ونشوف شنو الي مستواه نزل ولا ارتفع
انا توني داشه الرابع انشالله عالخامس بزهب وبشوف

 

[ام الحلوااات]

اااااااااااب

 

[al7anona]

ملابس النفاس انا حاليا بفترة نفاس
شارية بجايم شتوية واندرويرات لان برد ودلاقات ونعل الخام حق الببت وشارية بعد ترينقات مخمل يعني لبس عادي زيادة ستيانات رضاعه
ودراعات ستان وحدة للمستشفى ووحدة ثانيه اذا يو ضيوف بالبيت
للبيبي من مذركير وسنتر بوينت كلشي موجود من الالف الى الياء انا كنت كاتبه ورقة وكل ماشريت اشطب لما خلصتها وشارية دبل فوقها
حطي لسته
اما الحلو والموالح
واو+ بي كيك+ اوبرا + جورميه <<<معجنات ميني وورق عنب وحلو قهوه
اشتري مواعين حلو ونفسهم حق االمعجنات بالوان تناسب تجهبز كفرج والغرفة ووديهم
الكفر في بالنقره محل وفي بالرحاب جم محل في كفرات وفي مفرش اللي تحطين عليه الياها ماعندي خبره وايد ويصير مع الكفر مفارش للطاولات وعلبة الكلينكس والزباله
اكسسوارات للغرفة ورد مباخر تحف صغيره نفس اللي بصالات الاستقبال بس شي ناعم
وزهبي رشوش وبخور
وسويلج كلينكس ع اسم اامولود حق صوب الحاو وع الطاولات يسسون نفس محلات اللي يسسون بطايق العرس بحولي شكثرهم

وان شاءالله فدتج

*

 

[قتوة البدو]

أب لعيونج انا تو الناس علي ومالي خلق اجهز شي يمكن جم شغله للبيبي من من مذركير ​

 

[al7anona]

بضاعة النصار نفسها موجودة بفاشن مل اذا ماتدلينه والنصار بالمباركية سرداب يصير ع الشارع تشوفينه بس روحي فاشن مل نفس الشي

 

[غرام القمة]

الله يسهل عليييييييييييييييكم

 

[غزااوي]

رفع لعيونج

 

[عطاء أنثى]

وين النصار اي مكان..؟

اهلين حبيبتي
النصار بالمباركيه تعرفين سوق الذهب اهو تحت بالسرداب

 

[عطاء أنثى]

رفع لعيونج

الله يرفع قدرج

 

[شـيـوخـهـ]

مرحباا .

خووش موضوع بس بما ان تو الناس علي فمو مفكره بسوالف الحلو والموالح والصواني والمطاطير والاستكانات مخليتها حق اخر فتره احدد بس بشكل عام مو ناويه اسوي استقبال بالمستشفى بسوي استقبال يومين قبل طلعتي من الاربعين وبس

بخصوص تجهيز ملابس النفاس ناويه بحيل الله على ايفوري في النقره شايفه تجهيزات الامهات وعجبتني بجايمه و الاسوقه الشعبيه وباخذ لي روب عشان البجاما باول فتره الجسم لوعه يبي له شي يغطي

وعيد النصار لو بشتري منه شي باخذ منه المهادات للبيبي بس ما احب الوان الملابس ونقشاتهم احب الملون او الساده الي بنكست واش اند ام و مذركير وسنتر بوينت احس الوانهم تشوق للبيبي

باخذ لي كفر للمستشفى لي زاروني اهلي واهل ريلي كفر عادي ناااعم معاه قميص حلووو مو شغل استقبال لا حق الغرفه وبس

 

[(لولوه)]

امبيه الرحاب شنو فيه تكفون كله محلات ليتات والعاب بلي ستيشن !!!

لا تاخذين من النصار كل شي لان لبسه بو غسله وينقط اخذي منه المهادات الكامله اللي اتيي مع التبان واللفه والخيط والكبوس والصدريه
نصيحه ابتعدي عن لون الوردي والازرق اخذي ملون او بيجيات احسن
مثل ما قالوا البنات سنتر بوينت واذا انتي بجر تحبين تلقطين من كذا مكان مثل نكست بروي مذركير دبنهامز
اخذي قمصان الولاده من النقره عندج كذا محل فيه
جزئي اغراضج كل شهر اخذي شي عشان ما ترهقين الميزانيه
يعني شهر لبس البيبي وتبعاته
شهر لبسج واغراضج كلها من ملابس داخليه قمصان بجايم لفات قطن شفاطة الحليب الكهربائية
شهر اثاث البيبي من سرير وكبت وادراج التبديل وحوض السباحه
شهر تجهيز الاستقبال وتبعاته
شهر تجهيز ادوية النفاس او انج تكلفين اختج او امج فيها
شهر تجهيز طلعة النفاس واااااي هذي اللي افكر فيها ومالي خلق اجهزها الصراحه
نصيحه لا تشترين شي ماراح تستخدمينه خلال الثلاث اشهر الاولى
يعني مثل عربانه كرسي دراي العاب بيبي يعني بو ثلاث اشهر ما اعتقد يحتاجهم
ويمكن اتييج هدايه فلا تستعجلين

 

[عطاء أنثى]

انا حتى توني بالخامس بس لازم نتعاون من الحين ع الافكار عشان ع الساااابع اجهز ان شالله ع طول ويكون من هالموضوع فايده