يمدي تسوي ليزر ولا مايمدي فيدونا

[اللهم رحمتك]

بسم الله الرحمن الرحيم
بنات عرس خالتي بعد شهرين يمدي تسوي ليزر للاماكن الحساسه ؟ ولا مايمدي وبكم ووين بليز فيدونا وكم الفتره المفروض تكون ؟ ووين تسوي تبيض جسم وبشره ؟ وشنو تنصحونها لتبيض الاسنان اهي ماتبي تبردهم او تركب عليهم تبيهم بيض بس طبيعيات

انا اكتب عنها لانه ماعندها نت

بليز مساعدتكم
والله يوفق كل وحده ترد علينا ويحقق اللي في بالها

 

[д7βk βşķάť]

شوفي يالغاليه

انا سويت ليز بعياده السالميه كلنك عند مدام فالي اهي هنديه بس ايدها خفيفه وحبوبه بعد
ونصوووح

لاكن للامانه ملاحظتي بعد الليزر كان كل مره الشعر يخف مع كل جلسه

واكيد يمدي عادي معاها وقت
ياعمري

بس نسيت اقولج اول الجلسات تكون غاليه طبعاً بس مع كل جلسه يقل
السعر لين اخر شي يثبت ع سعر معين

وبين فتره والثانيه تتغير الاسعار للاحلى تبعاً

ومابي منج الا الدعوه في ظهر الغيب ​

 

[أجمل إنسـآنـه ~]

لأ مايمدي خليها تكمل بعد العرس بعد~,!

 

[أجمل إنسـآنـه ~]

وتبيض الاسنان خليها تحط قوالب~, بعياده الميدان يمدحووننها ححححيل~ـ~
والله يوفقهـآ يـآرب,~؛!

 

[مس استي لودر]

حبيبتيى في جهاز ليزر فيلبس ممتاز تلقينا عند الغانم خليها تشتغل على نفسها من الحين وانشالله تكون امورها طيبه بأذن الله
وربي يوفقها ويتمم عليها​

 

[VET-Nour]

مايمدي , بس خل تسويه الحين و بعد العرس تكمل

 

[سكر فتافيت]

ربنا يوفقها ويختارلها الخير

 

[غنآآآتي]

ما يمدي
والله يوفقها ي رب

 

[WAAAW]

منو يقوووووووووووول ما يمدي ؟؟؟؟؟؟؟؟؟؟؟؟ بعد شهرين تو الناس يمديها تسوي جلستين او ثلاث وتكمل عادي بعدين شالمشكله؟؟ انا مسويه برويال حياه 3 جلسات خلال شهرين عااااااااااااااادي والممرضه اهيا اللي قالت لي بعد

وتبييض الاسنان خل تاخذ لصقات كريست للتبييض من مركز سلطان

 

[ريماس 511]

يمديها شهرين تشيل ليزر وترتاح من هم الشعر

 

[shmo3h]

حبوبتي يمديهاااا
بين كل جلسه وجلسه فتره
واصلان ع حسب الشعر الجلسات
يعني ممكن بثلاث او اربع جلسات تودع الشعر

اما بخصوص التبيض انا نصحتني دكتورتي ان ماينفع
ليزر مع كريمات تبيض لان الجلد ممكن يتهيج جذي


وتبيض الاسناااااان سويته عند الميدان وكانو مسوين حزتها
عرض الدكتور سعر والممرضه سعر انا اخترت الممرضه
لان استحيت ابطل حلجي شكبره جدامه خخخ


وخل تفتر عدل ع عيادات اليزر لان كل مكان سعر


وموبي غييييير دعوه بظهر الغيب


ودمتم سالميييين

 

[G6waa]

على حسب

اهو خلال شهرين ممكن جلستين او 3

بس ماراح توقف بعد هالجلستين

لازم تستمر

بس عموما اكيد بيخف عندها الشعر بس مو وايد

 

[الأميرة جوري]

الله يوفقها اعتقد يمديها عادي تكمل بعد الزواج

 

[&موناليزا&]

عزيزتي رفع لعيوووووووووونج

 

[اللهم رحمتك]

رفع

 

[Miss Eteket]

يمديهآ آنآ سويت جلستين بشهر واحد عاادي

 

[Miss Eteket]

نصصيحه بالسالميه كلينك عند دكتورا سماح ولا فالي كلهم حلووينن و يضبطوون و هم ينصحوون اذا الشي يستدعي انج تسوينهه ولا لا



موفقققهه