يما جرحوني بذنب مو ذنبي .......بقلمي

[نجلا النواعس]

السلام عليكم ورحمة الله وبركاته
هذي روايتي الثانية والاولى وقفت كتابتها لاسباب
وهذي روايه تتكلم عن الواقع طبعا الاشخاص من وحي الخيال مو حقييقه
واي مطابقة مجرد صدفة لا اكثر
واتمنى التشجيع والدعم منكم
والحين بنزل اول بارت وابي تفاعلكم معاي :eh_s(17)::eh_s(17):

 

[نجلا النواعس]

تعريف بالشخصيات
مبارك عمره 17 سنه هادي نوع ما ماله حس عايش عند امه ويدته وخالته امل مبارك من ولادته امه وابوه منفصلين عن بعض امه اسمها بدريه وعندها اختين غير امل كلهم متزوجين وعندهم عيال في منهم بعمر مبارك علاقته مع عيال خالته مو ذاك الزود والسبب اختلاف الاطباع وبدريه ام مبارك عندها غير الاخوات اخوان اثنين واحد سالم والثاني يوسف ويوسف له مواقف تخلي مبارك يكرها مع الاحداث راح تعرفون
شكل يوسف : ضعيف ولونه بين الابيض والاسمر وعيونه عسليه ماعنده اهتمامات مثل شباب هالايام في الاكترونيات وماشابه جدول مبارك اليومي البيت المدرسه المدرسه البيت


اكمل بعد التفاعل

 

[نجلا النواعس]

الساعه 6ونص يوم الاحد بدار بدريه
بدريه: مبارك مبارك برووووك
بصووووت كلة نووم
مبارك : نعم يماااااا
بدريه : يايما قوم لا تتأخر على المدرسه
مبارك: ان شاءالله يما
قعد مبارك ودش الحمام تكرمون وغسل ويها وبدل ملابسه ونزل
مبارك : صباح الخير يما <<يدته
ام يوسف : صباح الطش والرش وورد الماي بالغرش
مبارك ابتسم من رد يدته
امل : يه يه يه كل هالصباح حقه
مبارك : وليه بدينا بالحسد انتي شتبين حتى على الحجي الحلو حاسدتني
وبدريه نازله من الدرج
مبارك : تعالي يما شوفي اختج
بدريه : شمسويتلك قولي
مبارك : حاسدتني على الحجي الحلو الي من يدتي
امل : يما يما منك لا حسدتك ولا شي ماعليج منه بدورة يبي يفرق بينا
مبارك : انا ابي افرق بينكم (يضحك ) حرام عليج
لمته امه وقالت
بدريه : مالك شغل فيها محترة منك (تضحك )
امل :وي هذي الي تبي تفرقنا
وطقت مبارك على راسه وقالت
امل : مو نافعج ترى بيكبر ويتزوج ويروح حدر مرته
مبارك يمسح راسه : اي لا حبيبتي مو انا الي انسى حلوة اللبن انسى روحي ولا انسها
لمته امه مرة ثانيه
بدريه : بعد روحي روحك ويلوموني
امل : يلا عاد امش تأخرنا عن الكلام الزايد
باس امه وقال
مبارك : مع السلامه يما
بدريه : مع السلامه ياروح امك
امل غارت من مبارك ولمت امها
امل : مع السلامه يالغاليه
بدريه : عشتو شغل الغيرة بدأ
ام يوسف ببتسامه : امنت الله

<<يتبع <<

 

[فديت قلب ابوي]

موفقه ي قلبي بدايه موفقه لج &#55357;&#56397;&#55357;&#56397;&#55357;&#56397;

 

[جوري ستايل]

يسلمووو ع البارت كملي

 

[Frawlaa00]

موفقة يا رب

اب
اب
اب
اب

كملي

 

[نجلا النواعس]

البارت(2)
في المدرسه قبل مايطق الجرس
طلال :ها بروووك شخبارك
مبارك:تمام
طلال وبطريقه ممله :وليه الله يعينا بس اقول
مبارك:ههههههه شعليه
طلال:علينا الدعله استاذ قاسم
مبارك بستهزهاء:ههههههه عاد يموت عليك ابو طلي


طلال :اي صح من كثر حبه لي كان ودة يخليني عاد السنه عشان اجابله
مبارك:شفت المحبه هههههههههه
طلال :ويا الويه تضحك
مبارك :هههههه تصدق ما اضحك من قلبي الا معاك ومع خالتي الي عايش معاها بالبيت
طلال:ها تضحك علينا شكلك مو نضحكك
مبارك:هههههههه يمكن
طلال:طير زين
مبارك :خلاص طير معاي
طلال:ها والله مو صاحي انت
مبارك:امش زين طالع علي
في الصف بعد انتهاء الطابور
طلال:هين ان ماراويتك ماكون انا طلال
مبارك:طلول من صجك خلك منه ترى والله يحطك براسه
طلال:مايهمني بس اغثة
طلال:استاذ
الاستاذ:نعم ياطلال
طلال:ممكن اروح الحمام
الاستاذ:لا مو ممكن
طلال:فيني سكري استاذ مو من حقك تمنعني
الاستاذ:مو انا ياطلال الي تقص عليه عندي كشف بأاسماء الحلات الخاصه
طلال:ادري استاذ بس انا حالة يديدة
الاستاذ:لصار اسمك معاهم ذيج الساعه اطلعك
طلال طالع الاستاذ بكل حقد ورد مكانه
طلال:ماشي ياقسوم انا اعلمك
مبارك بصوت واطي:هههههههه حلوة قسوم
طلال بنظرة قويه :طير انزين فاضيلك انا
مبارك:تستاهل قايل لك انا لا تحاجيه بس انت ماتسمع
طلال:اوووووف خلاص عاد بروك جب
مبارك:كيفك

 

[M!SS.LOBY]

يسلمووووو

 

[نجلا النواعس]

بعد يوم دراسي خالي من الاحداث غير الي انذكر رد مبارك البيت في طريج مع خالته وكانت مشغله الاف ام وكان برنامج يتكلم عن التفائل ويقول المذيع

الحياة جميلة اذا جعلنا عنوان حياتنا التفائل لولا التفائل فقد الانسان حلاوة الدنيا ولازم يكون عند الانسان قناعة مو كل يوم يمر عليه حلو ولا كل يوم مر الحياة اتزان بين الاثنين
وقاطعة خالته الجو الي كان داشه مبارك مع كلام المذيع
امل :برووك
مبارك :ها كنتي تقولين شي خالتي
امل :لا سلامتك شكلك اندمجت بالبرنامج
مبارك : الصراحه وايد يمدني بالطاقه الايجابيه كل مانفذت عندي
امل:بيه بيه شالحجي يافيلسوف مبارك
مبارك:ههههه لا فلسفة ولا شي عندج اي اعتراض على كلامات المذيع بمعنى شي ماحسيتة صج
امل:للامانه لا وصدقت كلامه يمد بالطاقه الايجابيه
مبارك:عيل شلون عيل
امل :هههههه شفيك انقلبت عبدالحسين عبدالرضا
مبارك:عاد خالتي هالفنان صج كله ايجاب يطلعج من الغلقه الي فيج
امل:هههههههه وانت الصاج

 

[Frawlaa00]

كملي

 

[نجلا النواعس]

وصلو امل ومبارك للبيت ولما دخلو
امل ومبارك:السلام عليكم
ام يوسف وبدرية :وعليكم السلام
راح مبارك ولم امه
مبارك:ولهان عليج حدي
امل:عيارة هالولد ليش توك ياي من السفر قبل جم ساعه شايفها
مبارك:وانتي شيخصج بالله موتي من القهر
بدريه لمت مبارك حيل
بدريه:واااي بعد قلبي
مبارك:عن اذنكم بروح ابدل اهدومي
بدريه:روح يما ونزل عشان اتغدى
مبارك وببتسامة
مبارك:ان شاء الله يالغاليه
بدل مبارك ونزل للغداء وهو نازل من الدرج خذاله طقه على الراس من خالته
مبارك وبألم:أي يالدفشه تبيني اعلم امي
وامل تقلد مبارك:اي يالدفشه تبيني اعلم امك روح زين ياروح امك
مبارك:يارباه انتي شحارج هههههه شكل محد عطاج ويه وانتي بعمري
امل:لا عطوني بس مو دلع ماصخ مثل دلع امك لك
مبارك:واااااااك الحرة طالعه من عيونج
امل:جب يلا جب

وقاطعتهم بدريه
بدريه:توم وجيري الغداء برد يلا
مبارك وامل واهم يطالعون بعض توم وجيري
بدريه :هههه على نجرتكم هذي اكيد توم وجيري
مبارك:انا توم
امل:لا انا توم وانت جيري
مبارك:انا ريال وانتي مرأة يعني انا توم وانتي جيري
بدريه:ههههههه الحمدالله وشكر ينيتو تتهاوشون على منو توم ومنو جيري نزلو خلصوني
امل بعصبيه:يلا امش
مبارك:زين يالمرعبه
على الغداء وكل ساكت
ام يوسف:يما بدريه مو تنسين اليوم عرس ولد ام سالم
بدريه:لا يما مو ناسيه بس خوفج امول ناسيه
امل :انا لا ماني رايحه
بدريه:ها ليش
امل:بدورة الله يهداج تدرين فيني ما احب العروس
بدريه:كفيج احسن بعد تقعدين ويا بروك
امل:اي هذا الي هامج منو يقعد مع جيري
مبارك:ها شقلنا انا توم مو جيري
امل:ههههههه يلا تفضلي حاضر يا توم
مبارك ببتسامه :اي الحين عدل خوش خاله صرتي اقول يما بدريه :ها يمه
مبارك:مو تتاخرين اليوم ترى ماعرف انام الا وانتي يمي

 

[نجلا النواعس]

وصلو امل ومبارك للبيت ولما دخلو
امل ومبارك:السلام عليكم
ام يوسف وبدرية :وعليكم السلام
راح مبارك ولم امه
مبارك:ولهان عليج حدي
امل:عيارة هالولد ليش توك ياي من السفر قبل جم ساعه شايفها
مبارك:وانتي شيخصج بالله موتي من القهر
بدريه لمت مبارك حيل
بدريه:واااي بعد قلبي
مبارك:عن اذنكم بروح ابدل اهدومي
بدريه:روح يما ونزل عشان اتغدى
مبارك وببتسامة
مبارك:ان شاء الله يالغاليه
بدل مبارك ونزل للغداء وهو نازل من الدرج خذاله طقه على الراس من خالته
مبارك وبألم:أي يالدفشه تبيني اعلم امي
وامل تقلد مبارك:اي يالدفشه تبيني اعلم امك روح زين ياروح امك
مبارك:يارباه انتي شحارج هههههه شكل محد عطاج ويه وانتي بعمري
امل:لا عطوني بس مو دلع ماصخ مثل دلع امك لك
مبارك:واااااااك الحرة طالعه من عيونج
امل:جب يلا جب

وقاطعتهم بدريه
بدريه:توم وجيري الغداء برد يلا
مبارك وامل واهم يطالعون بعض توم وجيري
بدريه :هههه على نجرتكم هذي اكيد توم وجيري
مبارك:انا توم
امل:لا انا توم وانت جيري
مبارك:انا ريال وانتي مرأة يعني انا توم وانتي جيري
بدريه:ههههههه الحمدالله وشكر ينيتو تتهاوشون على منو توم ومنو جيري نزلو خلصوني
امل بعصبيه:يلا امش
مبارك:زين يالمرعبه
على الغداء وكل ساكت
ام يوسف:يما بدريه مو تنسين اليوم عرس ولد ام سالم
بدريه:لا يما مو ناسيه بس خوفج امول ناسيه
امل :انا لا ماني رايحه
بدريه:ها ليش
امل:بدورة الله يهداج تدرين فيني ما احب العروس
بدريه:كفيج احسن بعد تقعدين ويا بروك
امل:اي هذا الي هامج منو يقعد مع جيري
مبارك:ها شقلنا انا توم مو جيري
امل:ههههههه يلا تفضلي حاضر يا توم
مبارك ببتسامه :اي الحين عدل خوش خاله صرتي اقول يما بدريه :ها يمه
مبارك:مو تتاخرين اليوم ترى ماعرف انام الا وانتي يمي

 

[Frawlaa00]

كملي