رد : يلوموني حبيبي فيك صراحة قمة الروعة وانا والله من شفت دخلت قلبي بسرعة, حقيقه100%
البارت (1)
العنود عمرها 18 سنه طولها 165 بيضه عيونها كبار جسمها منحوت وبجمالها تلفت نظر اي شخص يشوفها وتجذب باسلوبها اي شخص يكلمها
عقلها كبير وكلامها رزين ,,,, بس وايد دلوعة وما تترك حقها حساسه واااييد طيبه اجتماعية تقول كلمة الحق ولو على رقبتها ,, اهيا بنية وحيده وعندا 3 اخوان 2 اكبر منها و1 اصغر منها
خالد:اكبر واحد عمره 30 مهندس بترول مو متزوج
يعقوب :25 وهمن اهوا مهندس بترول
راشد:16 سنه وطالب ثالثه ثانوي وعلييه شطانه تعوذ منه الشياطين ما يركد كل يوم راجع لهم بمصيبه وهوا ما صار جذي الا لمن توافا ابوه قبل سنه
ابو خالد:رجل عصامي بنا بنفسه بنفسه وتعب واهوا يبني مستقبل عياله ولكن عيال الحرام ما خلو لعيال الحلال شي ونصب عليه واحد واهوا يتله سكته قلبيه ومات فيها بنص 2005
ام خالد: مره على قد حالها ربت عيالها احسن تربيه لين وصلتهم لأحسن المراكز وكل امنياتها انها تزوج عيالها الكبار وتشوف بنتها ببدلة العرس
**طبعا هذي ملعومات بسيطه عنهم وانشاءالله رح انعرف الباقي بعدين
ام خالد: يا يمه انت طفت الثلاثين ليش ما تبي تتزوج حرام عليك ابي اشوف عيالك قبل لا اموت
خالد:يمه تكفييين انا مابي اتزوج مالي خلق مسؤوليه ولويه انا ما احب الارتباط بشي احب اكون حر نفسي وقت ما ارد البيت ارد ووقت ما ابي انام انام ووقت.. وكافي انتوو مسؤوليتي
وتقاطعه ام خالد:خلاص يا ولدي انته حرررر ما رح اضغط عليك
العنود:شفيييييكم انتو كل يوم على نفس الموضوع خلااص يمه انسي انه يعقوب وخالد يتزوجوون انسي
راشد:يمه شرايج تزوجيني انا يمه تكفين تكفين
ام خالد: اسكت بس استح على وجهك افففففف والله انا فقدت الامل في اخوانج ما بقى الا انتي الي املي فيييج
صار ويها الوان العنود: ها لا يمه شنو شكووووو لا لا لا انا اصلن تبعهم مابي اتزوج
ام خالد @@: انتي بعد لااااااا واللله انتي ينيتو وقعدتو
ام مبارك:وي وي وي شفيكم صوتكم واصل لي اخر السكه ؟
ام خالد:هلا والله وغلا تو ما نور البيت وينج مختفيه
ام مبارك: ويني يعني كنت بدبي اتفسح
العنود: هههههههههههههه تعجبني اتفسح وانا اقول ليش محلوه خالتي
خالد: اصلن خالتي نوريه طول عمرها حلوه سافرت او قعدت
ام مبارك: وي وي احرجتم تواضعي
اقول اقول ابي امكك بكلمة رااااس مفهوم
**ام مبارك اخت ام خالد واقرب وحدها لها وهل مره حدها حبوبه وطيوبه ونكوته اهي الي تحلي القعده بسوالفها بس وقت الجد جد مره يعتمد عليها رايها في حكمه وصواب
ام مبارك: انا قلتلج الموضوع وانتي فكري براحتج واخذي رايها
ام خالد: والله الساعه الي مباركه بس مادري شقولج مو جنه كبير
ام مبارك: لا كبير ولا شي 26 اكبر منها ب 8 سنين بس
ام خالد : الي الله كاتبه بصير
ام مبارك: يلا انا بترخص الحين
ام خالد: وين قعدي تعشي
ام مبارك: لا برووح صيفت على البيت وابو العيال ينطرني
ام خالد: بس مره ثانيه بتتعشين عندنا
ام مبارك:ان شالله مع السلامه
ام خالد :مع السلامة
في غرفة العنود بمحادثة ماسنجر
العنود:لااا مابي مابي شنو هذا
براك: عنوووود شفيج عادي مافيها شي
العنود:برووك انته تدري انه انا ما احب اروح البر
براك: واااااي عنووود عشاني بلييييز شنو مالي خاطر
العنود: خلاص بس عشانك بس مارح انام ارد نفس اليوم
براك ولد خالة العنود الكبيره شاب وسيم وحلو وغني عمره 23 وتتمنه كل بنت وطيب واايد رجل الفزعات دارس بأمريكا رجل متحضر مثقف دارس اداره اعمال عشان يساعد ابوه بالشركه وحيد امه وابوه وعنده اخت وحده اكبر منه متزوجه واسمها امنه
في بيت ام براك:
الساعه :11 الظهر
امنه: لا عبادي مابي اسافر الحمال متعبني
ام براك: امنووو عن العياره الزياده توج بالشهر الاول متى مداه يتعبج بعدين بتخليج ريلج يسافر بروحه
عبدالله:شفتي عمتي تبيني اسافر بروحي عيل لا تلوموني اذا رديت و معاي مرتي الثانيه
امنه: انت بس تجرأ سويها لا اذحبك انت وياها
ام براك:ليش حبيبتي انتي ماتبين تسافرين معاه من حقه والشرع حلله 4
امنه:يمه انتي معاي ولا معاه انا بنتج
ام براك: واهوا حسبة ولدي والي ما ارضاه على براك ما ارضاه على عبدالله خلاص امنه سافري معاه كلها اسبوعين وبعدين الدوام لاحقه عليه منو يخدم ريلج بالسفر وانتي تعرفين عبدالله ما يعرف يسوي شي
امنه:ههههههههههههههههههههه اي بهذي صدقتي كل سفره لازم يرد ويتحفني بشي مسويه
براك: هلا بالنسيب شلونك
عبدالله:بخير الحمدالله وانت شلونك
براك:ماشي الحال تدري توني راد من بره وحاس الديره ملل ماكو شي اسويه شغل قهوه حداق والحين بر
امنه: ايييييييييييييييييييي بروووك على طاري البر بيت خالتي ام خالد بيوون
براك:اي بيون بس مارح ينامون
ام براك: هاو ليش يمه
براك: خو تعرفييييين عنود الدلوعه تخاف تنام بالصحراء على قولتها
امنه:لووول يحليلها والله اقول بروك ليش ما تاخذها خوش بنيه والله
براك: امون انا ما احس بناحيتها اي شعور غير الاخوه واهيا عودتني على جذي وبصراحه اهيا مو ستايل
امنه: عشتو مو ستايل بالعكس انته ما تشوفها بالحفلات والقعدات الكل يتكلم عنها وعن جمالها
براك: والله الجمال انا مو شايفه فيها والناس اذواق
ام براك: على راحتك احنا بس حبينا نقترح عليك لان في ناس متكلمين عليها يبون خالتك ام مبارك يخطبوها
براك: الله يوفقها ان شاءالله
عبدالله: شرايك تسافر معانا لبنان اسبوعين عندي شغل
براك: صج يلا فوقه انا بروحي ملان ابي احد يشجعني على السفر خلاص متى بنسافرون
عبدالله:والله اسبوع الياي ,,, يعني احجز لك معانااا اكييد
براك: اي اكييد وهذي ما يبيلها سؤال
عبدالله: خلاص اوكى صار ,,, يلا امون خل نمشي صيفنااا على اليهال
امنه:ان شاءالله ,, يلا يمه احنا بنمشي تبين شي
ام براك: لا يمه سلامتج وبوسيلي برووك الياهل وغزلان ويبيهم مره ثانيه معاج مفهوووم
امنه: انشاءالله يمه
-----------------------
توقعاتكم
:balo:
