يقول مدام اشتغلت ما اصرف عليهاا @

[جلكسيه اس 3]

السلام عليكم ورحمة الله وبركااته
اشلونكم ياحلوين

اليوم انصدمت من اخووي
يقول انه مدام زوجته توظفت
ماراح يصرف عليها @

والا امي اتقوله انت ملزوم
وانا تليقفت وقلت عيل شنو
فايدة الشهاده اللي خذتها
وتعب كل هالسنين مدام انت ماتبيها تشتغل
المهم
اهو مصمم على كلامه
وان اهو متفق معاها هالاتفاق

المهم انتو شرايكم ؟؟
و رياييلكم يصرفون عليكم ولا لا
صارو الرياييل ما يفكرون
تفكير عدل وانانيين
اشفيها لو تصرف على مرتك
حتى لو امية دينار
ماراح ينقص من عمرك شي :rgewrg:
انا عن نفسي اذا زوجي ما بيصرف علي بفكر انه لو احتاجني ماراح اساعده

اتمنى تفاعلكم بالموضوع:eh_s(7):

 

[انا لحبيبي .]

غلط هالشي ، الحياه الزوجيه تعاون

الاتنين يساعدو بعض ، والزوج مجبور بالزوجيه سواء بتشتغل ولا ما بتشتغل

وازا حالته الماديه ما بتساعد ، حلو الزوجه تعاونه بس ما يقرر من كيفه انه ما رح يصرف عليها بمجرد انها توظفت

 

[بنت بـدو]

كلامدج عين العقل والله

 

[RowTow]

و عليكم السلام و رحمة الله و بركاته


هذا آفة الرجل الكويتي, يبي ياخذ وحده موظفه (بمكان نسائي) و حاجَّه بيت الله و خالصه و عندها سياره و ما تطلب منه فلوس و لا يوديها و يجيبها و المنه عليها بعد.

بس شوفي إذا هي موافقه على هالشي و تبي تشتغل لأن عندها رغبه و متنازله عن النفقه فهي كيفها.
ترى في بعض الحريم عادي عندها ما يصرف عليها بس تشتغل.

آنا عن نفسي توني متوظفه الحمدلله و بعدني ما استلمت أول راتب, زوجي من تزوجنا يعطيني 100 بالشهر و آنا أدري إنه على قد حاله, و معاشي أول ما ينزل بيصير أكثر من معاشه و هو متوظف من 6 سنين. و صدقيني إن من كثر ما المسكين مفلس آنا بنص الشهر أعطيه بطاقتي أخليه يصرف علينا من المصروف اللي عطاني ياه, بس هذا كله لأني أدري إنه يستاهل و إن لو عنده ما يقصر علي, و هو أصلا الـ 400 اللي تبقى من معاشه كلها يقط علي, و الله العظيم إن من تزوجنا ما شرى حق نفسه فنايل و دشاديش إلا مره وحده بس, و أحاول أقنع فيه يقول لي إن شاء الله إن شاء الله و ننسى السالفه.
هالرجال و الله لو أعطيه معاشي كله على تعبي اللي أتعبه بالدوام ما يغلى عليه, لأنه فعلا يستاهل.
^^^
كأني قرقت واجد :bbbiu:

ههه المهم.
أخوج ما معاه حق إلا إذا كان متفق مع مرته على جذيه و هي موافقه.
أما آنا لو عندي رجل يقول بس تتوظفين تصرفين على نفسج و الله أقعد بالبيت أبرك لي, و هو ملزوم فيني.
يعني أطلع أكرف من صباح الله خير و آخذ من راحتي و راحة عيالي لو كان عندي و أرد و أصرف أول شي على نفسي بعدين يصير على عياله و بيته بعدين عليه؟
​

 

[Tom ♥ Jerry]

.


اذا اهيه راضيه و متفق معآهآ هالآتفاق على قولتج خلاص كيفهم !
بس شرعآ و قآنونآ لأزم يصرف عليها !
الـ فلوس الي تعطيه الحكومه مآلت الزوجيه لها مو له !
بس اذا اهيه رضت انه تعطيه اياهم و تصرف على عمرها من معاشها كيفهم ..
دآم الاثنين مستانسين مآله دآعي تحطون في بالهم هالسالفه
يروحون يتهاوشون عليها

 

[BiiShOoO]

المفروض يصرف عيها بس دامها راضية خلاص كيفها

 

[iLLuMinaTion]

الله يسامحه

 

[بتبوتااا]

دام متفقين على راحتهم ولو اني اشوف انه ماله داعي يقول هالكلام يعني الكل عارف اذا المره توظفت بتشيل مصروف شغلاتها بروحهاا .

 

[تبطي عظم!]

اذا اهم متفقين عادي

حبيبتي انا متوظفه وزوجي مايصرف علي معاشي كله لي لو احرقه مايسألني عنه

واذا نقصني شيء مايقصر ابد بس مايمشيلي مصروف لان معاشي مكفيني وزايد علي الحمد لله

 

[ماني من الناس]

مو حلوه يقول هالكلام كأنه يبي الفكه منها ,,,,,,,,,

مادري ليش الرجال يتزوج اذا من البدايه غاسل ايده من المصروف والالتزامات

الزوجه أكبر من انك تاخذها وتركنها على جنب ,,,,,,,بدون اهتمام أو مسؤؤليه

بالنسبه لي الرجوله مسؤؤليه

ليحين الرجوله بالنسبه لي مثل رجاجيل زمن أول

 

[Aisha..]

السلام عليكم.. انا رايي بالموضوع لازم يصرف عليها غصبن عن راسه ولا شفايدته ريال عالفاظي(انا للحين ما توظفت و ريلي كلا يقط علي نغزات ان المصاريف وايد و بيشيل مصروفي ) بس انا سمعت فتوا من شيخ بالتلفزيون ان الزوج اللي ما يصرف على زوجته ما توجب عليها الطاعه ..

 

[*غنج*]

اذا ما يبي يصرف ولا يبي يودي ولا يبي اييب ولا يبي يجابل ولا يبي يدرس ولا يبي يروح الجمعيه عيل ليش متزوج؟!!!!!
ممكن احد يفهمني؟؟؟؟؟؟؟
لا ويبط الجبد لي تشرط وقت الخطبه تشتغل تسوق حاجه عيل ممكن يقول شنو دوره بالحياة؟؟؟؟؟

 

[Ya7aLaTY]

ملزووم و واجب عليه يعطيها مصروفها

حتى لو كانت بنت تجار و مليونيره هذي فلوسها لها ماله دخل فيها

واهوا يلتزم بواجباته الشرعيه ...

اذا مايبي يعطيها مصرف شهري بايدها ويتفق معاها انه اهوا يشتري اغراض البيت الخ الخ

هذا شي من طيب خاطر منها

لو بتشوفين الشرع ملزوم عليه سكن ولبس وطعام

الله يعين الرياييل لوول :q