يقولون لي في ويهي .. انتي هااااديه وبااارده !!!!

[اناناس22]

انا وحده متزوجه وام عيال ، عشريه واحب اسولف مااعلي قاصر
بس انصدم لما تنقال لي هالكلمه مره بالدوام من زميلتي ومره ثانيه من حمولتي ،
المشكله انها تنقال لي جدام الكل افتشل ينقص ويهي

مادري صج يشوفون فيني هالشي ، والا لهم نوايا وقصد ثاني

اعطيكم نبذه عن شخصيتي : انا مسالمه لاخر درجه والكل يحبني ماعندي عداوات مع احد
ولو شنو ماقط كلمه على احد ممكن تجرحه لو احد يقط علي كلمه باليمعه انصدم ومارد ساعات وساعات امشيها جنا ماصار شي (مو متعوده على طوالت اللسان والهلاقه حددي مؤدبه :eh_s(7)
اشابيهي بيبي فيس يمكن هالشي يعطي ايحاء بالهدوء
بين حمولتي احلى وحده بالجناين وعيالي حلوين وخالتي تموت فيهم ومن دخلت عليهم ماسببت مشاكل على ان خالتي انسانه لاتطاق بس كاسبتها وهالشي مخلي حمواني يحترموني حيل وريلي مستانس مني لاني ماضريت امه بشي وقدرت اخليها تحبني على انها ماتحب الجناين بشكل عام.
الوحيده من الجناين اللي استحي من حمواني ما سولف وياهم
كنت متفوقه بالمدرسه والجامعه ووايد يشركوني بمسابقات على مستوى الدوله وافوز بمراكز عاليه


بنات ابي رايكم بصراااحه وابي اعرف شنو ممكن اسوي عشان تنشال هالصفه عني كلش مو حلوه
وموحلوه تنقال لي بويهي خصوصا اني موشايفتها فيني نهائيا
ابي اسوي شغلات تشيل هالايحاء بالهدوء وتخليني شخصيه طبيعيه مابي اعطي مجال حق احد يقول عني انتي عاد هااااديه او بااارده جدام الكل !
حماتي تقول لي جذي ساعات بشكل غير مباشر وبتقطها يوم بويهي ، على اني ماحد يحلي قعدتهم غيري ، اييب لهم الحلو وافتح محور سوالف وعيالي مسوين لهم جو وباجي الجناين الكل عاقد النونه والا يسولف سوالف مليقه من ورا خشمه وماحد يقط عليهم حجي
مادري اهي غيره والا شنو بالضبظ

نااطره ردودكم خصوصا اللي مارين بتجربتي :eh_s(7):

 

[منبع عبط^_^]

دامج واثقه بنفسج وع كل اللي قلتيه خل يقولون هاديه عادي شفيها بالعكس صفه حلوه وخلج مثل ماانتي

< عجبتني شخصيتج من اللي قلتيه

 

[ميس المشاعر]

بالعكس صفة حلوة يقولون جذي لأنهم يتمنووون تكون فيهم هالصفة
اعرف وحده قالولها نفس كلمتج >>انتي باردة وريلج بارد مادري باجر شنو بتييبوون
ردت عليهم قالت لهم بنييب يااا ثلاجة يااا فريزرهههههه<< يابتهااا على ضحكــ
ماعليج من كلامهم شلون بتغيرينهاا يعني الاعصاب الله يكافيناا الشر ما تييب الا الشيب والامراض هع

موفقه ي الغلااااا

 

[مــ ن ــااايـر~]

الحريم يحبون الحش وماتعجبهم المسالمه واللي ماتحش
وانتي من كلامج يبين انج مسالمه وماعندج عداوات
ومن ناحية حريم حموانج يمكن يغارون منج لأن خالتج تحبج
ودامج ماتشوفين هالشي بنفسج ماعليج منهم ناس غيرانه​

 

[القصيدة]

السلام عليكم و رحمة الله و بركاته

ما شاء الله تبارك الله .. الله يديم عليك و يثبّتك :eh_s(7):

حلو انو الإنسان يكون هادي و بارد .. بالعكس هذي مزايا جميلة احرصي على استمرارها

أنا حساسة و انفعالية و أول انطباع عني انو مغرورة و عوبا :eh_s(11):

و الله أتمنى أكون بااااااااااااااااردة و أريّح قلبي و بالي

و مالي و مال الناس و مالك و مال الناس :lolo:

لا يهمونك الناس حياتي ماراح يعجبهم شي ..

أهم شي انو أنتي مرتاحة و زوجك مرتاح و عيالك :eh_s(17):​

 

[Tom ♥ Jerry]

.


آمبيه ترا حدها صفه حلوة خصوصا اذا كآنت حق البنت !
حلات البنت بـ هدوءها و ثقلها !!!
حبيبتي خلج على طبيعتج و لا تتصنعين و كآفي ماشالله عليج
سويتي الي غيرج مآ قدر يسوي عليه .،
و قدرتي توصلين لـ قلوب ناس ( منهم خآلتج ) !

بالعكس انا اشوف انتي شخصيه حياوية / هآديه / ثقيله / عفوية / حبوبة / محببه للـ كل ..!
مآلج شغل و خلج مثل مآ آنتي .. لا تتصنعين و لا شي !!
و اذا آحد قالج انتي هآديه ! قولي هاذي طبيعتي و شخصيتي !!!

 

[ماكواسم2]

شخصيتج حلوه بس نادره في الوقت الحاضر لان لها مفهوم ثاني ..على كل المهم انج مرتاحه

 

[شماسه]

ما يحس بالجمر اللي واطيها..... أنا اذوووني انتي هادية و ما دري شنو من هالكلام بس انا ارد اقولهم شخصيتي جذي شسوووي يعني؟؟؟..

 

[قلبي وينك]

انا حتى الكل يوم يشوفوني او يقيمون يقولون هاديه صح انا اتضايق يوم يقولون لي جيه حتى صداقات ماعندي بسبب هدوئي
بس دام انج ماشيه بما يرضى الله فماعليج من غيرج عطيهم اكبر طاااااااااااااااااااااااف ومحد يقدر يغير شخصيته بيوم وليله

 

[what's up]

عادي و اذا هاديه ما فيها شي هذي مو مسبه

 

[Patcholli]

انا دايما اسمع هالكلمه من الناس سواء الاهل او الحموله او الاصدقاء وبالعكس تعجبني صفة الهدوء فيني يكفي ان الانسان لما يجابلج يرتاح ويسترخي وياخذ راحته بعيد عن الصراحه واللويه والازعاج

 

[دمبوووشه]

بالعكس شخصيتج حييييييييل حلوه واحلى شي بالمرأه هداوتها
وماعليج من كلامهم وربي شخصيتج روووعه الله يهنيج بنفسج
وانتي مبين من كلامج انج انسانه واثقه من روووحج ولا يهم احد

 

[عادت ذكرياتي]

خليج على دربج


الله يوفقج

 

[سفيره الكويت]

حلات البنت هاديه وطيبه وحبوبه هذي صفات الانوثه في البنت اما مانشوفه بالاغلبيه سليطه اللسان ضحكاتها غرريبه وبصوت عالي

ولابسه قصير

 

[أم الفناتك]

يبونج اتصرخين ٢٤ ساعه والا شنو ان قالولج جذي قوليلهم عادي انا وايد يقولولي انتي هاديه وبارده واذا كان ازعاج انسي اسولف محد يسمعني بس اسوف هالشي زين مع ان الحريم وايد ينتقدوني وياجبل مايهزك ريح وبعدين هاذي صفات انثويه بالدرجه الاولى وماعندج سالفه اذا بتغيرينها

 

[Beautiful soul]

تكفين انتي الحين تشوفين هال شي مشكله ؟ لاتصدميني ارجوج
في احلا من الهدووووء والبروووود
انا اشوفج شخصيه مثاليه على الكلام اللي قلتيه خلج مثل ما انتي ترى الحريم ينقهرون من الساكته يحبون المره اللي تاخذ علوم وتودي علوم

 

[غلآ نوآف]

هذي صفة البنت الانوثية العاقل والمحترمة
تكون هادية ومالها بالمشاكل وطوالت اللسان ومؤدبه
ماعليج منهم يمكن يبون يحشون بخلق الله ويدرون انج ماراح تحشين معاهم ف تضايقوا هههههههههههههه

 

[زينانه]

هههههه
واشفيها الهاديه والبارده
بالعكس احسن ملييييون مره من العصبيه اللي تصرخ عالفاضي والمليان
واللي يقولج واااي حدج بارده
قولي احسسسسن من اني اكون عصبيه
واجيب لعمري الضغط والسكر
يارب يديم علي برودة اعصابي وراحة قلبي وبالي

 

[زينانه]

على فكره انا نفسج بارده حيل
واللي موعاجبه خل ينتف حواجبه
ههههههههه

 

[كلنا عشاق لكن]

ماشالله الله يسعد أيامج
يمكنهم الصنف اللي مايعجبهم شي أبد لاهادي ولا حياوي
طالعين نازلين إنتقاد بإنتقاد فعطيهم طاف
ومنو إهم عشان يهزون ثقتج بنفسج وهدفهم واضح عشان تهتز صورتج والكل يكرهج
لايبة إقري المعوذات كل ماقالوا لج هالشي
​