يقولون فيج تابعة!!

[أشرق الأمل]

لي سنييين ماحملت من بعد عيالي...لمااحمل يموت الطفل بالشهور الاولي او لما احلل بعد جم يوم ينزل الدم...واحس طووول الوقت بطقات وظربات فبطني وظهري وجوانبي وغير الاحلام المزعجة..يقولون فيني تابعة !!! والحمدالله انا ما أترك القران طول الوقت ...
شسوي ؟؟اكو احد يعالج التابعة من بعد الله:0bee2e8d89:

 

[يستاهلكـ الـورد]

الله يشافيج ويعافيج ياارب

ويرزقج بالحمال الثابت ياارب

 

[ياشوقي للجوري]

التوكل على الله اولا واخيرا
ثم اقري سورة البقرة والرقية
وادهني بطنج وظهرج بزيت مقري
وان شاءالله الله يرزقج ويرزقني ويرزق كل محروم يارب

 

[بنت الشمس]

الله يرزقج بالذرية الصالحة يارب وتفك عنج التابعة باذن الله سبحانة

 

[مناوووي]

عسى الله يرزقج يااااااااااااااااااااارب

عليج بالقران والرقيه

 

[دلع حياتي]

حبيبتي قريت قبل يومين وحده بعالم حواء تقول تشربين مويه مع سدر بااول اوثاني يوم من الدوره وان شاء الله اكتب لك الطريقه واسالي احد يعرف وقرري تستعملين الطريقه او لا وعذريني لو تاخرت

 

[اميرة-الاحجار]

اقري دعاء القاموس باستمرار انا كان فيني تابعه وراحت لما بديت اقراه
واغتسلي بملح خشن

 

[بحر الذكريات]

شنو دعاء القاموس؟؟

روحي للشيخ ابو مشعل الحربي

 

[$ فراولة $]

عسى ربي يرزقج ويرزقني ويرزق كل محرووووم بالضنى الصالح

 

[الريشة]

غريبة إنك تقرين قرآن على نفسك و همن فيك تابعة؟؟؟
اللي أعرفه إن اللي يقرا قرآن على روحه نفس لما تروحين حق شيخ يقرا عليك
اقري سورة البقرة كل يوم كاملة
و ييبي زيت زيتون و اقري عليه الرقية الشرعية و دهني بطنك
و شربي ماي زمزم مقري فيه الرقية الشرعية
و مادام إنك تصلين و ملتزمة بقراءة القرآن لا تخافين من التابعة
شوفي هالآية انا حاطتها بتوقيعي:
" و من يعشُ عن ذكر الرحمن نقيّض له شيطان فهو له قرين "
يعني اللي تبتعد عن عبادة الله هي اللي يكون قرينها الشيطان و تصير فيها تابعة.
و ترى الإنسان لما يقرا سورة البقرة أحياناً يحلم بأحلام مزعجة لأنه هالإنسان محصن نفسه بقراءة هالسورة و هي تحفظ الإنسان من الشياطين، فالشياطين ما تقدر تقرب له في اليقظة فهي تحاول اتيي له بالأحلام عشان تخوفه.

 

[بشاير السعدون]

الله يبعد عنج كل شر وواصلي قراءة القران
يا اختي وخاصة البقرة والادعية واظبي عليها
وان شاء الله يرزقج بالذرية الصالحة *

 

[_ظل الياسمين _]

ربى يشافيج ويبعد عنج الشر وايد فيهوم تابعه وبالعلاج بالقران ربى رزقهوم.

 

[الفيروزيه]

الله يشفييج ويرزقج ياارب بالحمال الثابت
بس
بنااات شنو يعني التاابعه؟؟؟؟ العين والحسد؟؟؟؟؟؟

 

[ms.dlw3h]

الله يشفيج

بس ابي اعرف اعرض التااابعه من شنو تجي؟؟
بس

 

[حلمي الأمومة]

شوفي اختي

اذا فيج تابعه من اول يوم تحمليين فيه مايسير تخليين الرقيه ولا يوم واحد لان بهاليوم بيموت الجنين
اختي اربع مرات تحمل وكله يموتون ببطنها ومرة كانت بالسابع يعني كبير مو بدايه الحمل

قالها شيخ لازم يوميا رقيه من اول الحمل لحد يوم ولادتج ويوميا تقريين اذكار الصباح والمساء ترى تحفظج وبعد كل صلاة المعوذات والاخلاص وايه الكرسي
ودهني بطنج بزيت مقري ودايما حطي مسك والله يشافيج ويعافيج

 

[إبشر بعزك]

عليج بالرقيه الشرعيه واذكار المساء والصباح والتوجه الى الله وقيام الليل لو ركعتين والدعاء لله عزوجل واكثري الاستغفار

 

[كويتيه مذهله 87]

الله يعوضج ان شالله

حللي اجسام مضاده لان هي تسبب موت الاجنه

 

[أشرق الأمل]

الحمدالله علي هذة الردود ..يارب يرزقكم بالذرية الصالحة ...والله اثلجتو قلبي ...اشكركم علي النصائح الغالية وانشاءاللة بداوم علي البقرة انشاءالله ...وبيد الله الشفا ....

 

[نوناتي حياتي]

الله يرزقج يارب

 

[انجلينا2]

ام فيصل تعالج التابعه هذا رقمها 23840860