يقولون سامحي الي ظلموج اشلون ماقدر والله ماقدر ابي اشوف حوبتي فيهم

[brettey]

اشلونكم يا بنات
ودي افضفض وتعبانه
انا مو حقوده بس انا اعترف ماقدر اسامح الي ظلمني الا لما اشوف حوبتي فيه
انا من سبع سنين حماتي الكبيره ظلمتني وتسببت بهدام بيتي والحمدلله شفت حوبات فيها بس كنت اقول لا يمكن اسامحها بس والله الحين امر بظروف صعبه وهموم محد واقف معاي الا اهي والله ماقصرت كنت قبل اقول اصادق ابليس ولا اصادقها وكنت ادعي عليها
بس الحين كله ادعي لها وقفتها معاي ما انساها
حتى قبل كانت رفيجتي تقول لي بيي يوم بتطيحين بمشكله واهي الي بتوقف معاج وكنت اقول لها طيري مستحيل
وفعلا كلام رفيجتي تحقق
بس انا لان شفت حوباتي فيها يمكن هالشي الي خلاني اسامحها
والحين انا مظلومه من ناس عزيزين عليي بس ابي اشوف حوبتي فيهم مو قادره اسامحهم ولازالوا مستمرين بظلمهم وانا اكل من الحره والقهر
ابي اشوف حوبتي فيهم مو حللتهم على الس يووه فيني وقاعده ادعي عليهم ويقولون لا تدعين عليهم ادعي لهم بالهدايه وحلليلهم وسامحيهم
انا قاعده ادعي لهم بالهدايه بس هم ابي اشوف حوبتي فيهم
والله قاعده احرق بنفسي ابي اشوف حوبتي فيهم
وهم مديري الي قلت لكم عنه ولد خالي وظلمني بالتقييم الحمدلله ربي نصرني عليه وحطوا لي امتياز غصبن عليه وهو انقهر
بس لازال مستمر بظلمه حسبي الله عليه


بنات تقدرون تسامحون الي ظلموكم اذا ماشفتوا حوبتكم ؟
وايد ناس ظلموني في منهم شفت حوبتي فيهم وفيه منهم لا
بس ماقدر اسامح الي ظلمني الا لما اشوف حوبتي فيه هني ارتاح
انا بشر مو ملاك

ربي اني مغلوب فانتصر
يارب لاتشمت فيني لاعدو ولا حاسد

 

[نجمة كويتية]

ياااااااااااا اللــــــــــــــه

والله انتي مثلي انا حااسة فييج سبحاان الله

انا مثلج قالولي سامحي بس والله ماقدر مااااااااااقدر اشوفهم مستانسين مبسوطين وانا من داااخل لا حول لي ولا قوة

والله انا مثلج مارتاح الا لمن اشوف فيهم يووم

اللي سووه مو شوية قمت الليل وادعي واتحسب وبجي وهموم بس الحين الحمدلله رب العالمين اشوه من اول اول عيشتي كلها قلق وتوتر وحقد مع اني مو حقوده ولا عمري والله غرت او حسدت احد بس سبحان الله هم اللي غيروني اللـــــــــــه يوريني فيهم يووووووووم يااااااارب

وهاليووم قررررب ان شاااء الله

حسبي الله ونعم الوكييل

حسبي الله ونعم الوكيل

يقولون سامحي وانا مثلج ماراح اسامحهم اليييييين ما اشوف حوبتي فيهم اشوف عجائب قدرة العاااادل فيهم يااااااارب

هم احرقوا قبي حرررررررررق وانا الحين اسال الله ان يحرق قلبهم ويوريني فيهم يووووووووم يااااااااااااااااااااارب ​

 

[نجمة كويتية]

هم اللي سووه مو شوية دمروني دمروا نفسيتي وزني نزل صرت جثة بس تفكيييرتفكيير اثر على دراستي وهم بالحرام والنفاق ينجحون

حياتهم والله كلها نميمة وقال وقيل وحسد وغيرة وفوق هذا محبوبين :rgewrg:

وانا اذا قلت الصج ودافعت عن نفسي طلعت جذابة محد والله يصدقني لاني بروحي اما هم كانو يوقفون مع بعض ويدافعون عن بعض ويشهدون لبعض حتى لو جذب من جذي كانو يصدقونهم :eh_s(2):

انا ربي يشوف ويسمع صج غلطت غلطة كنت ابي ارد حقي منهم بس الغلطة انقلبت علي وما انلام من حرة في قلبي لكن يوم شفت كل الابواب مسكرة فوضت امري لله الحي القيوم وانا تبت عن كل شي غلط سويته فيهم لانتقم وتركت امري لله

ياااااااااااااارب ياااااااااااااااااااارب ياااااااااااااااااااارب انت ترى وتشاهد ارني فيهم عجاااائب قدرتك ياااااااااااااااارب

والله العظيم يا بنات لو كنت ظاالمة جان ربي ما وراني منامات تحذرني منهم وتبشر بنصر قريب ان شاااء الله الحق راح يظهر عااجلا غير اااجل يااارب

لكن متى ؟؟؟؟ الله هم العالم لانه حكيم يعرف اليومالمناسب لكشف الحقائق واظهار الحق ورده لاصحابه

حسسسسسسسسسسسبي الله ونعم الوكييل

اللهم اني مغلووووووب فانتصر

اللهم اني مغلوووووووب فانتصر ​

 

[LuLiTa]

حبوبة ادعي في صلاتج انه الله يعينج على مسامحتهم ,,, و صدقيني طوول ما انتي اظلين اتفكرين بظلمهم لج راح اظلين محلك سر ,,, لازم اتسامحينهم و اتصفين قلبج عشان تستمرين في حياتج ,, عدم مسماحتج لهم شي مثل الحبل يظل رابطج فيهم و يأثر نفسيا عليج حيـــل ,, ف لازم اتسامحين عشان اتخففين الثقل على رووحج ,,,

 

[brettey]

حبيبتي نجمه كويتيه اسال الله العظيم ان ينصرج عليهم عاجلا غير اجلا
والله انا مثلج نزلن 20 كيلو من وزني والسبب الهم والغم
بس تدرين شنو الي حارني ان ادعي وادعي ان الله ينصرني عليهم وصلاه الليل بس اشوفهم مرتاحين وامورهم متسهله لهم ويسافرون ويستانسون لا صلاه لا دعاء وعاقين بوالدينهم
ياربي اشلون يحطون راسهم على المخده وهم ظلموا اشلون ضميرهم يرتاح اشلوووووووون
وانا قاعده احلم احلام هم كل من فسرها بانها فرج قريب بس ياربي اشوف الهوم تزيد
والله قمت اشك ان انا الظالمه وهم المظلومين والله بسبه ظلمهم بغيت اموت زين ماصار فيني شي
ياربي انصرني بس ابي اشوف حوبتي فيهم
ابيهم ايوني ندمانين ومعتذرين ويقولون لي سامحينا غلطنا بحقج والله عاقبنا
عذا راح اعتبره اعظم نصر بالنسبه لي
ابي انام مرتاحه البال صار لي شهور طوييييله مو نايمه نومه سنعه
ربي اني مغلوب فانتصر
ربي اني مغلوب فانتصر

 

[brettey]

lulita والله حاولت ماقدر ماقدر
ابي اشوف حوبتي موقادره اسامحهم

 

[♥ SWeeRa ♥]

قولي حسبي الله ونعم الوكيل
لاتحرين عمرج وتنقهرين يسووون اللي يسووونه بس اهم شي صحتي ونفسيتي


شوفي موضوعي هذا
واقريه

http://www.q8yat.com/t840365.html

تبيني اقولج اني احتريت وتصايقت وشلت الدنيا ودعيت عليها


لا والله ماددعيت عليها ولا شي
تضايقت اول يوم لان 12 سنه مو شوي
بس خلاص الدنيا مافيها خير
اعيش لنفسي وبس والباقي
اقطه ورا ظهري

 

[جاي الضحى]

أقدر اسامح نعم بدون ما أشوف أي حوبه فيهم

لأن الله محييط في كل شي مو خايفه إن ما يشوف وما عندي أدنى شك إن ربي مو عادل

الله عز وجل يمهل ولا يهمل مو شرط تشوفين الشي الحين

ولاهو شرط تشوفين العقاب عقب سنين لأ يمكن ما تشوفينه

بس لازم تعرفين عدل و رحمة وكرم ولطف رب العالمين

يعني الله عز وجل مو مثل البشر يعني تقولين يمكن ما حس يمكن ما إنتبه يمكن مو مقدر

لأ لأ الله الخبير الله العليم الله أقرب من حبل الوريد أرحم لج من نفسج عليج

برتي ما تبيني اسامح وأنا أومن بعدل الله؟!

انج تسامحين مو إن انج تردين كل شي مثل ما كان مو إن تعاملينهم بألطف ما يمكن

المسامح إن ما تحقدين إن تقولين يا ربي انك شاهدت فنصرني بدون دعاوي بالسوء عليهم والإلحاح بلحق السوء فيهم لأن ربج أعلم ويختار الجزاء المناسب العادل​

 

[brettey]

حبايبي ماقصرتوا
الله كريم
ياربي والله من القهر الي فيني مو قادره ارتاح

 

[brettey]

بس انا ما ادعي واقول يارب موتهم ولا ابليهم بمرض ولا افقرهم
لا اعوذ بالله
بس انا اقول يارب ورني حوبتي فيهم خل يعرفون انك حق وناصر المظلومين
وحسبي الله ونعم الوكيل

 

[راقية بذوقها]

قووووووولي حسبي الله ونعم الوكييل هاذي تكفي واتركيهم لربهم ربج ادر عليهم وبيجيهم يوووم يعرفوون ان الله حق والظلم شيين

 

[(كويتيه عسل)]

بنات تقدرون تسامحون الي ظلموكم اذا ماشفتوا حوبتكم ؟

لأ مومسامحتهم ولا محللتهم وحتى اذا شفت حوبتي مااسامحهم

 

[أميرة-]

حاسه فيج والله

بي انتي قولي حسبي الله ونعم الوكيل

واذا ماشفتي حوبتج فيهم بالدنيا .. الله خاشها لهم بالأخرة

 

[Queenleo]

انتي نفسي بالضبط
انا واهلي انظلمنا واخذوا حلالنااا ووسحبوا سياارتي ووكنت اخر سنه بالجامعه وحزت امتحانات فاااينل
ووتخيلي كنت اروح وارد بتاكسي
مع ان كنت ادفع اقساط سيارتي من اعانتي
حسبي الله ونعم الوكيل
غير الاهانات والاستهزاااء
وصارت سالفه جااايده وقطعنا عنهم ومن فتره زارنا ولدهم
كنت اقول ميخالف ياهل وماله ذنب بس من اشووفه اطبببخ ويغلي قلبي واتمنى اشووف بابووه ووامه يوووم
ويمر علي ايامم اقول يارب ساامحتهم عشانك وعشان رضاك
بس بعدين يرد قلبي يغلي واتذكر الي صااار صج ماقدر انسى
انا مو حاقده ولا كاارهتم بس ابي اشووف فيهم يوووم يعرفون ان الله حق وان الي يظلم له يوووم وينظلم

 

[[[ عيون جابر ]]]

حبيبتي والله انتي
ما اقولج سامحي لأن انا مكانج ما اسامح انا فيني طبع عادي اقدر ارد مع الي ظلمني واكلمه واضحك معاه ومن داخلي مو راضيه وهم اقول انا مو حقوده انا قلبي ابيض ونظيف بس ما انسى الاساءه بس هذا مو معناته ان هذا الشي صح اكيد غلط بس شتقولين غير حسبي الله ونعم الوكيل على كل ظالم
عسى ربي يريح قلبج ويوفقج

 

[وردة-الكويت]

اول شي شلونج بريتي شخبارج من زمان عنج

بخصوص سؤالج اذا اقدر اسامح او لا انا مثلج شفت الويل والظلم من حمولتي وزوجي سابقا وحجي ماله اي اساس او صحه

دعيت بس ب حسبي الله ونعم الوكيل وشفت ان ربي خذالي حقي منهم تالي سمعت من ناس ان من حال لي حال اردى

وفوق هذا اهم مستمرين ف الحجي عني لكن انا سامحت وابيها من ربي

والحين اذا سمعت احد يقولي ان حمولتج السابقه يتحجون فيج اقول مابي طاريهم الله يستر علي وعليهم


مع انهم حطو ف شرفي وف اخلاقي واني ساحره ههههههههههههههههههههههههههههه

وغيره وغيره من حجي بس فوضت امري الى الله القهار الواحد الاحد الفرد الصمد


وقلبي الحمدالله الله مبرد عليه يمكن عشان اهم مايعنون لي شي

 

[جروح ودموع]

انا انظلمت وااايد ومستحيييل انسى او اسامح وانظلمت من اقرب الناس لي اهي اختي من امي وابوي حاقده وجاحده وتغار من كل الناس خربت بيتي وحتى اهل زوجي انظلمت منهم وحسبي الله ونعم الوكيل وان شالله كل من ظلمني الله يبليه بصحته وماله وعرضه يا قادر يا كريم

 

[brettey]

بعد عمري
ماقصرتوا والله الظلم مو زين موووزين حرام
وهالشخص العزيز عليي مو اول مره يظلمني جم مره يظلمني بس ابي ربي يعطي الضربه القاضيه عشان يحس لان الى الان ماشفت حوبتي فيه عشان جذي اهو متمادي
ياربي رحمتك انت تشوف شخص عاق ابوه ومايصلي ولا يدعي يارب يارب اخذ لي حقي منه عاجلا غير اجلا
يارب طلبتك ما يمر هالاسبوع الا وانت موريني فيه اقوى حوبه اشوفها بحياتي يااااااااااارب

 

[brettey]

انا انظلمت وااايد ومستحيييل انسى او اسامح وانظلمت من اقرب الناس لي اهي اختي من امي وابوي حاقده وجاحده وتغار من كل الناس خربت بيتي وحتى اهل زوجي انظلمت منهم وحسبي الله ونعم الوكيل وان شالله كل من ظلمني الله يبليه بصحته وماله وعرضه يا قادر يا كريم

ترى نفس الحال امي وخواتي من يصير خلاف بيني وبينهم تشمتوا فيني وبحالي مع ان عمري ماتشمت فيهم ولا اشتغلوا نغزات
الله يسامحهم حاشني طشار منهم الله يهديهم
شسوي امي لازم اوصلها
وانا وخواتي مردنا لبعض وربي قاعد يوريني الحمدلله

 

[Tom ♥ Jerry]

.


حياتي انتي بس قولي حسبي الله و نعم الوكيل !
و الله رآح يعاقبهم في الدنيا قبل الأخره ، و الدنيا على قولتهم دوآره ..
ربج الكبير يسامح آحنآ البشر على شنو نتكبر ؟!