يقولون دكتور اشرف يعرف جنس البيبي من الاسبوع 11 صج عاد؟؟

[جمالي خيالي]

هلا كروشات شخباركم

منو جربت سونار دكتور اشرف من الاسبوع 11 ؟؟

صج يقدر يعرف جنس البيبي مبجر ؟؟

 

[Kawaii GiяL]

حبيبتي انا قالي 100% بنت بالاسبوع 13
صبري اسبوعين

و اهو يعرف بالاسبوع 11 اي بس الاحسن تنطرين لانه العضو الانثوي و الذكري متشابهين ذاك الوقت اثنينهم طامرين
احسن وقت بالاسبوع 15 و اذا كلش 13- 14
و الدكتور مو ملاك و لا معصوم من الخطا

بس اذا حيل فيج فضول روحي الحلو فيه لو ماكان متأكد يعطيج موعد ثاني مجاني
دوامه من 4 لي 12 تحت قسم الاشعه
كلفني 40 دينارالسونار و فتح ملف و طلبي منه فيديوات
​

 

[جمالي خيالي]

مشكوووووره وماقصرتي

بس المشكله مافينا صبر

اروحله دايركت ولا لازم ادق اخذ موعد؟

 

[Kawaii GiяL]

لا من غير موعد تنطرين دور
ههه نفس حالتي توكلي سوناره عجيب
انا شفت سوناره و عرفت انها بنت من غير لا يقولي
حيل سوناره واضح و بنتي ماقصرت حركااات كلشوي وضعيه و ماكانت مصكره ريلها

وراني القلب بلون احمر
و عامودها الفقري
و اهي تلعب و تنط و تمص صبعها و تتحرك
وراني كلشي و فصلي الاعضاء و الطول و العرض ما قصر صراحه

انا سوناري تفصيلي و ملون بس مادري عنج الاسبوع 11 اي نوع من السونار راح يستخدم معاج
روحي متى ما بغيتي
​

 

[meram]

مين يقدر يصبر؟
الله يعافى جدتى كانت تحمل 9 اشهر كاميلين و لا تعرف شنو المولود

 

[نور الدنيا 88]

اييي وايد شاطر بس نطري شوي

 

[نور الدنيا 88]

انا سويت عنده ٣ مرات لان كان ينزل علي دم

 

[جمالي خيالي]

كويتي جيرل .. وناسه شجعتيني اروحله وعلى قولتح اذا مابين يعطيني موعد ثاني ابلاش

Meram ..اي والله مادري شلون كانو يصبرون ٩ شهوووور الله يعطينا نص صبرهم

نور الدنيا .. مشكوره حبيبتي وربي يقومج بالسلامه انتي والبيبي

 

[جمالي خيالي]

اب
اب
اب

 

[الأميرة جوري]

انا اسوي عند الدكتوره اميرة بهبهانى عيالي الاثنين تقولي من نص الثالث انه صبي وصج يطلع صبي

 

[انجبر قلبي]

دكتور اشرف وايد شاطر يعني ما يقولج انها بنت او ولد الا اذا كان متأكد حييل

واذا ما كان متأكد ما يقول يعني ما يحيرج

و انا رحت له اسبوع 18 عشان اعرف جنس الجنين وقاللي انتي لو يايه بال11 جان عرفت

بس ماجربت اروح له بال11​

 

[جمالي خيالي]

الاميره جوري .. الله يخليلج عيالج ، الصبيان يبينون بالسونار اسرع من البنيات

انجبر قلبي .. احنا نبي الكلام الاكيد مانبي اللي يقول احتمال ومعروف د اشرف بالخبر اليقين بس المشكله صج كلامه يعرف من اسبوع ١١ ولا بس چذي يتشيحط؟؟

 

[توحه1]

دكتور اشرف وعن تجربه واثق من نفسه وما يقول الا وهو متاكد بجنس البيبي واول شي يحطلج السونار مكان .... ويقولج ولد ولا بنت من الاسبوع 11 والاسبوع 15 يسوي ملون روحي توكلي على الله وبعدين اذا بيبيج حجمه اصغر من عمره يقولج تعالي بعد اسبوع او اسبوعين ويقولج الجنس على طول

 

[توحه1]

وبلاش المره الثانيه اذا البيبي اصغر من عمره

 

[جمالي خيالي]

توحه .. ونااااااسه شجعتيني ودي اروحله اليوم قبل باجر ويارب يضبط معاه السونار*

 

[توحه1]

وروحي دايركت درعمي لا موعد ولا هم يحزنون واول ماتوصلين اخذي رقم اكليلج صبع كاكاو وشربيلج عصير وشوفي اشلون يرقص وادعيلي

 

[توحه1]

على فكره عيادته من ال6 لي 12 وكوني متواجده 6بالضبط شربي ماي قلاصين

 

[توحه1]

هذا رقمه اذا حابه تدقين وتتاكدين من موعد عيادته 2232101

 

[جمالي خيالي]

ياحيااااااتي مشكوووووووووره

انزين انا ماعندي ملف بالسلام شلون الطريقه لازم افتح ملف؟

 

[beauty rose]

شوقتيني توحه وين صايرة عيادته :ggdw:
انا بالاسبوع 14 صار فيني فضول