يقولون حيل بطيئه وما خلصتي شي :(

[Blonde B]

السلام عليكم
بكتب لكم الاغراض اللي خلصتها وقولي لي تمام والا بطيئه
كل اهلي يقولون توج ما خلصتي شي
هذه الاشياء اللي خلصتا :
1- الذهب طقمين اصفر وطقم ابيض
2- ساعه العرس
3- ثوب العرس + الصبحيه + رد الاسبوع + دراعه رد الاسبوع
4- جناط التجهيز شريت 4 جنط ديلسي لون احمر ولبستهم 2 كبار و2 وسط
5- شريت 3 صناديق مخمل اسود متخصصين حق واحد لساعات يكفي 16 ساعه وواحد لخواتم وواحد للاساور شريتهم من سنتر بونت
6- اغلب الميكب اب كل ماراحت شفت سيل او شي عجيب يعني حمر ريميل 2 والثالثه فري اخذت وحطيتهم بالثلاجه عشان ما يخربون
7- قميص النوم لاول يوم وثاني يوم
8- 7 بجامات 5 طويل و 2 شورت
9- 5 دراريع ذربه وحلوه عشان اذا رحت بيت اهله لاني ساكنه بروحي فما كثر شريت 3 طوال و2 قصار
10 جنزين من فور ايفر و 4 بديات روعه داتيل وشك وشغل حلو للبيت من ستوكات اللي بومن سيكرت
11- كعب نيود روعه يهوس و 3 فلاتات عليهم كرستال " سنفسجي و كحلي وذهبي "
12- حجز الصالون والمصوره
13- عباتين كشخه مع ملافعهم
14- طقم الحمام كامل 8 قطع
15- بخور وفواحه وحق الفواحه من الماجد اللي بالسعوديه
16- فرش سيجما طلبتهم من النت
17- ملابس داخليه خلصتهم كلهم
18 - قميصين نوم و روب اسود ع اطرافه دانتيل وروب ثاني ميتن هم لونه اسود
19- جنطه بربري مع شوزها الكولكشن الجديد
20- جنطه كيلفن كلاين مع بوكها
21- تراجي وقلوب من فور ايفر وسنتر بونت

بس شنو باقي لي ؟ والكل يقولي حيل بطيئه باجي لج شكثر
مع اني احس ان زين مو بطيئه ولا شي ؟
والحمام المغربي بحجز وحده بالبيت قبل العرس بشهر ونص واخليها مرتين بالاسبوع
والتبيض بروح عياده تيجان حيل يمدحونها قبل العرس باسبوعين
بشرتي ولله الحمد ما في احلى منها

شكرا

 

[سويت فانيلا]

لاوالله نشيطه

 

[سويت فانيلا]

ناقصج عطور

 

[مصر-الكويت]

مشاءالله
شنو بعد ناقص *

 

[درة أهل الطولات]

عطور ومسكتج

 

[قلبهـ 86]

بس عطور والمسكه ،،، لا زين والله

 

[أحلام ورديـہ]

ما شاء الله أحس إنج ماشية تمام ما باقي لج شي

عرسي بعدج بكم يوم وتوني بادية التجهيز لووووول

الله يوفقج حبيبتي ويوفقني وكل العرايس إن شاء الله ^_^

 

[Ziona]

مشاءالله عليج مخلصه كل شي بس باقي العطور والبخور

لووووووووول انا عرسي قبلج وللحين ما جهزت

حتى نفنوف مو محصله

 

[moon including]

العطور وبعد جن القمصان شويه
انتي شاريه 4 مو ؟؟؟؟

 

[شذونه]

الله يوفقك

 

[ya al3rosa]

لا زين شووفى الباجى وكملى

 

[قسوة الزمن]

اممممممممم لا تنسين اللوشن وبدودرة الجسم وعطر للجسم ومرطب للوجة وكريم لليد وملقط اظافر ومعقم ديتول مزيل المكياج ومزيل امناكير وكريم للشعر وجل

 

[قسوة الزمن]

وجم حبة بندول للصداع ودلاغات حق تدفين اذا ياتج الدورة وغكمادات حارة على بطنج للدورة ويانسون وزنجبيل وحلبة ودارسين وزعتر وحليب هاي اعشاب للدورة وعباية حق زيارات وعباية حق العروس مادي العبايتيت الي جبيتهم حق شنو بالضبط اي لباس شتوي حق شهر العسل

 

[قسوة الزمن]

اي صح لا تنسين تشترين مسك العروسة الابيض ولاسود وعلاقات حق ملابسج

 

[^غرام^]

مشالله عليج انا باقيلي قميص اول ليله وعطر الدخله ومصوره وبدلة الصباحه وبدلات استقبال
وعزج الله كعب العرس والصباحه امبييييييييييه لا وبعد ماسويت برنامج كله اقول تو الناس

المهم انتي تقريبا خلصتي بس باقيلج قمصان وعطور مسكه واكسسوار وبعد جم جنطه وكعب
ولاتنسين حق الشقه وبعد يبيلج بدلات استقبال وساعات وصبغ اظافر ومحدد و مودري

 

[saron el.noteya]

غرااااام !!
انتي قبلي بيوم
انا اللي انتي ما خلصتيهم انا خالصه منهم
باجي لي كعب العرس + تضبيط العبي و الطرحه + جم قميص اخيط اللي في بالي ..
واحجز الصالون و التبيض يبقى
وبعدها أستعد

 

[قلآيد حب]

لآ والله آحس تمآم ، بس خلصي البآقي بهالفتره بآقي آشيآء بسيطه =) !
علشآن ترتآحين قبل العرس ومآيكون في ضغوطات وتتفرغين حق عمررج ؛$


وبـ التوفيق

 

[Mjnont '3lay]

اممممـ انا عن نفسي اكثر من تفصيل العبايات واقلل من تشري البدل صرآحه اكثر لبسي عبايات انا كله افصل من العربيد والدبوس وكله افصل عبايات كشخه وفيها شك حتى حق طلعاتي العاديه افصل جذي وتغنيني عن البدل ونادر ما البس بدل عشان جذي انصدمت يوم اقرا انج مفصله بس عبايتين المهمـ الاهميه عندي مسك الطهاره ومسك العروسه والمسك الاسود واخذي لج طقمين عطور اخذي مجموعه فرنسي ومجموعه عربيه وانا افضل الفرنسي فكتوري و العربيه التوله للعطور اللي بالكوت << ماتعرف الا اللي بالكوت
ولا تنسين اخذي لج طقم حق الصلاة اللي هو سجاده وقرآن و ثوب صلاة كله نفس الشكل واللون تلقين عند المغاتير و اروى اللي بالفروانيه شغلاتهم حيييييييل رووعه وعالفلاتات عزج الله مدري لو ماخذه الوان رسميه تمشي مع كل البدل احسن لج انا دايم اسوي جذي اخذ الوان تناسب كل البدل والعبايات يعني اسود ابيض رمادي فضي ذهبي جذي والجنط نفس الشي عشان ما اكثر من الجناط والشوزات وبالنهايه سوي اللي يريحج والصالون انصحج بشروق قروب بصباح السالم حيل حلو لو تبين سالي ولو ماتبين على راحتج اهم شي القناعه وربي يوفقج يارب ولا تنسين الادعيه والاذكار اذا ماعندج اشتري

 

[طموحه بزياده]

الله يوفقج

 

[LADY~O$CAR]

عطور والمسكه
ومصوره وصالون
وبرنامج العروس
اطقم اكسسورات من وي شيك
والملافع
وبدلات للطلعه

والسشوار
صبغ الاظافر
مسك العروس
بودر للجسم
واللوشن