[*^*^*][ يقولـون مـا لا يفعلـون ][*^*^*]

[همس الروح]

ما بقى إلا سود الأيـام تحرمـك الرقـاد​

كيف الاوهـام تجـرى تسريـك مغبـون
من متى تجدع من الدمع وتخـاف البعـاد
من متى تكفيبك اظنون وتجيبـك ظنـون
صرت تأخذ كذبتي صدق ومزاحي وكـاد
لو بقول اني بخونـك تحسبنـي بخـون
ماتعرف إن كل شاعـر يهيـم بكـل واد
وإنهـم دايـم يقولـون مـا لا يفعلـون
ابك أنا لو قلت أبنساك وأنكـرت الـوداد
والله إني مـا نسيتـك ولاهـم يحزنـون
من جزع من صفعت الشمس يطمع بالبراد
ومن فقد وجهاته الخمس يلقى بك ركـون
أعتبرها هفوت إنسـان أو كبـوة جـواد
لو بتسمح فأنت غالي ولو تجرح تمـون
عـد صداتـك مـروه وطعناتـك ضمـاد
خلهن لا راحـاً طعـون ولا رداً طعـون
خنجرك يستاهل الطعن ومتونـي شـداد
ومنك يازين الخناجر ويابخـت المتـون
ردلي حنيت المـزح بحسـاس الجمـال
خلنا واحد يجي صلـب والثانـي حنـون
موت فيني وأندفن فيـك بثيـاب الحـداد
وإن حييت أموت لرضاك وحيابك بهـون
مره ارقد بالكفن وأنـت ترقـد بالمهـاد
ومر أرقد بالمهد وأنـت ترقـد بالكفـون
ادري إن شجونك شجون وعنـادك عنـاد
والبلى إن عنادك عناد وشجونك شجـون
ربك اللي سخرك لـي تقـود ومـا تقـاد
والله الخالـق ولله فـي خلقـه شـؤون
بس تسولـك بلـد قـول تسولـك بـلاد
أنت كل العالـم بكـون والحالـك بكـون
مابعـد محبتـك حـب ومـرادك مــراد
غير كونك سيد إحشاي تدري من تكـون
نعمتين اختصو الخلق من جـود الجـواد
كافل الارزاق من حيـث مـا لا تعلمـون
البنون ونعمت المال فـي عيـون العبـاد
زينت الدنيا بلا شـك فـي كـل العيـون
مثل زينة دنيتي بـس عنـدي شـي زاد
من عرفتك صاروا المال وأنـت والبنـون
أنتشيبك نشـوت التيـه لعنـاق الرشـاد
وأفز علك بفزعت القرم لشهاق الزبـون
وحصنك تحصين الأرزاق عن درب الفساد
وعشقك عشق المظاليم لفراق السجـون
لو تزيد الشوق جمـره تحولنـي رمـاد
لو يزيد العشق شعـره بوصـل للجنـون
خـل هقواتـك كبيـره ونظراتـك بعـاد
إن كانك بكبرك تهون من اللي ما يهـون
ازعلك ورهن حياتي تحت رحمـة زنـاد
تهبى لا والله إلا أنـت والمـوت تهبـون
عاد إذا لا رضاك هرجي ولا اللي قلت فاد
إنـنـا لله وإنــا إلـيـه راجـعــون
وأنت باكر بتعـرف علـى نـاس جـداد
والكلام يجيك من كل شكـل وكـل لـون
لاتحسّب إن كل كلمـة بتسمعهـا وكـاد
ولا تصدق هرج شاعر وتخدعك الظنـون
دايم اعرف كل شاعـر يهيـم بكـل واد
وإنهـم دايـم يقولـون مـالا يفعلـون
حتى أنا اللي قلت أعشقك ولا أطيق البعاد
يمكن اطلع لا عشقتك ولا هـم يحزنـون
ازرع الضلوعي من رضاك وبشر بالحصاد
لعنبو من جيت ترضيـه وتـرد محـزون

 

[ملكة زماني]

مشاركة: [*^*^*][ يقولـون مـا لا يفعلـون ][*^*^*]

تسلمون شيوخه على الاختيار الحلو
اذتا ماخاب ظني جنه اللي قايلها حامد زيد والا انا غلطانه؟؟

 

[همس الروح]

مشاركة: [*^*^*][ يقولـون مـا لا يفعلـون ][*^*^*]

تسلمون شيوخه على الاختيار الحلو
اذتا ماخاب ظني جنه اللي قايلها حامد زيد والا انا غلطانه؟؟

الاحلى مرورج ملكة زمانج وصح القصيده لحاامد زيد

وتسلمين على المرووووووور

 

[كويتية بالغربة]

مشاركة: [*^*^*][ يقولـون مـا لا يفعلـون ][*^*^*]

لالا مانقدر عليج شيوخة كل موضوع احلى من الثاني
تسلمييييييييييييييييين على الاختيار

 

[همس الروح]

مشاركة: [*^*^*][ يقولـون مـا لا يفعلـون ][*^*^*]

لالا مانقدر عليج شيوخة كل موضوع احلى من الثاني
تسلمييييييييييييييييين على الاختيار

احم احم كويتيه بعد قلبي تسلمين على الرد العسسسل يا عسسسسسسسل
ويشرفني مروووووووورج على مواضيعي ..