يقدرون يعرفون اني متزوجه من خلال رقمي المدني

[blackcat2010]

السلام
بنات انا بالدوام حاشتني مشكله و قلت لهم اني مو متزوجة و انا بالاساس متزوجه يصير يعرفون اني متزوجه من خلال رقمي المدني

 

[*مطبخ الذواقة*]

حسب حجم المشكله ممكن يخاطبون العدل ويعرفون ...

بس لا تحاتين ما أعتقد راح يخاطبون أحد !!

ربعنا وحنا ادرى فيهم ...زين يخلصون شغل الاودام ..هدور يفتشون ما اظن ...


وراح اتاكد لج من البطاقة المدنية وارد لج خبر ...

 

[blackcat2010]

يعطيج العافيه بس انا ما بيهم يعرففون عن حياتي الشخصية والمشكلة هم يعرفون رقمي المدني من الاوراق الرسمية

 

[برد ابو الذهب]

الجذب حبله قصير ؟! شالمشكله اذا درو انج متزوجه ؟!

 

[Artq8]

الزواج اشهار يعني باجر انتي طالعه مع ريلج و شافتج زميلتج شبتقول و انتي قايله انج عزباء حملتي شلون يه الياهل لوول ما ادري قصتج غريبه مالها حكمه لا تسولفين عن بيتج و خلاص بس اذا انتي متزوجه قولي ترى مو عيب لووول

 

[ديزاينر الكويت]

كل شئ يبين بالبطاقة المدنيه

و ليش ناكره زواجج شمسويه انتي لوول

 

[فراشة الرغد]

ماعندي خلفية عن الموضوع
بس الله يفرج عنج وتنحل المشكلة بد ون لا تتاذين

 

[blackcat2010]

اللي عندي حسوديين ما يتمنون لي خير

 

[blackcat2010]

و انا انسانه ما حب مشاكل وهذيل كل ما صارت مشكله يقولون ايبي زوجج او اهلج و انا ما لي خلق لهم و عندي مراقب معجب فيني وحاط عينه علي اذا دري اني متزوجه يمكن يفصلني لاني من قبل قايله متزوجه عصب علي وزعل

 

[منال $]

اما شو هالغذر هدا ابالله

قوليلة انا متزوجة وخلاص
عاقولة الاخت الي قالت فوق ادا حملتي ولا شي ايش راح تقولي ساعتها
غريب امرك

 

[♥MaSteRiyA♥]

و انا انسانه ما حب مشاكل وهذيل كل ما صارت مشكله يقولون ايبي زوجج او اهلج و انا ما لي خلق لهم و عندي مراقب معجب فيني وحاط عينه علي اذا دري اني متزوجه يمكن يفصلني لاني من قبل قايله متزوجه عصب علي وزعل

​

 

[blackcat2010]

انا مشكلتي مشكلة حاط عينه علي و ما يحبني اكون متزوجه وهم قلت له انت نفس ابوي و يستعبط و يقول انتي بنتي بس من داخله غير

 

[blackcat2010]

انا اذا حملت بقول لهم متن و اذا بين بطني اخذ اجازه ان شالله يكون بطني صغير و ما يبين

 

[M!SS.LOBY]

يقدرون يعرفون معلومات عنج من خلال الرقم المدني .

 

[♥MaSteRiyA♥]

حبيبتي.. انتي مو مسوية شي غلط ولا عيب عشان تحاتين و تخشين الحقيقة
اذا اللي كتبتيه فوق أهو اللي مانعج انج تقولينلهم عن زواجج... فلا تحاتين
ماراح يصير شي من اللي انتي خايفة منه.. الا اذا في سبب ثاني..
غير جذي ماراح يقدر يضايقج ولا يفصلج..
الله موجود حبيبتي .. توكلي عليه..​

 

[اميره1980]

ما شاء الله حاسبه حساب الحمل
و اذا ولدتي شلون ؟؟؟
موضوعج مو طبيعي و اذا خايفة من الحسد ترا الكل يتزوج و يحمل شالسالفة ؟؟

 

[blackcat2010]

حبيبتي.. انتي مو مسوية شي غلط ولا عيب عشان تحاتين و تخشين الحقيقة
اذا اللي كتبتيه فوق أهو اللي مانعج انج تقولينلهم عن زواجج... فلا تحاتين
ماراح يصير شي من اللي انتي خايفة منه.. الا اذا في سبب ثاني..
غير جذي ماراح يقدر يضايقج ولا يفصلج..
الله موجود حبيبتي .. توكلي عليه..​

يالمعوده خلينا ساكته عن زواجي لان الي عندي ميانين

 

[ريم مزيونة 1996]

ابّ لعيونجّ ي قلبهااّ ♥

 

[al-musk]

خل يولون منو هم عشان تجذبين بشغله اساسية بالحياة انا اقول خلج واضحه وسيده وامشي سيده يحتار عدوك فيك .. ومعجبم المراقب ولا بنيته شي يولي كيفه مو شغلج واهلج وريلج يوقفونه عند حده اذا تمادا واذا اشتكيتي عليه يروح فيها اذا تمادى معاج
ترا فيه قانون ودولة مو سبهلله

 

[*مطبخ الذواقة*]

لحظه حبيبتي ...الحين هذي المشكله اللي متعبتج !

ليش تسمحين له ؟متزوجه أي نعم متزوجه وحطي اصابعج بعيونه !

شنو يبي منج ...اذا هو مسؤولج بالدوام فالمفروض بينه وبين كل الموظفات حدود ﻻ تسمحين له يتعداها ...

واذا استمر ..اشتكي عليه ...وما راح يقدر يفصلج لانها تبين كيديه السالفه ..واذا ما تبين فضايح وأنا معاج بهالنقطه خلاص حبيبتي انتقلي شوفي مكان ثاني ..




بس ﻻ تسمحين لأحد انه يتحكم فيج ......



...