يفتح الشهيه !

[فرآشة]

مسإء آلخير ،
شلونكم ؟

بنآت عندي ولد عمره 6 سنين و بنت 5 سنين ..
حيل ضعآف .. مآياكلون ؟ آبي شي يفتح شهيتهم

آعطيهم عسل ؟ و آيهو ؟
وآذآ فيه دكتور آروح له
آو نظام معين ..


و يعطيكم آلعآفيه :eh_s(17):

 

[متفائله بلا حظ]

الحال من بعضه ياوخيتي ولدي سنه و٨ شهور ولاياكل اذا لقيتي شي يفتح الشهيه علميني

 

[om-3bood]

والله يا بنات نصيحه مني
اخوي الصغير يوم كان عمره ٦ سنوات كااان عصصصصصصل
امي شرتله فيتامينات وهالسوالف
واللحين امي قاعده تسويله ريجيم
الدكتور يقول مدام ان الطفل شبعان خلاص اهوا ادري بحالته
وتقبلو مروري

 

[الحبيبه الدبيبه]

استخدمي دواء فاتح للشهيه اسمه kiddi عباره عن خلطة فيتامينات واااااااااااااااايد زينه وعجيبه للطفل بس صبري عليه يومين يبدي يبين مفعوله ولازم على طول تكونين مزهبه الاكل حق اليهال لان عيالنا يموتون من الجوع مايقولون احنا نبي ناكل الا اذا قلنا لهم تعالو اكلو وانشالله يسمنون شوي وتتحسن عافيتهم حتى لون بشرتهم راح تلاحظين انها تتورد
وهذا الدوا حتى لو الطفل ما ياكل بس ياخذ هالشراب يعتبر مكمل غذائي ,,, عطيه في اليوم ملعقتين مره الصبح ومره العصر

 

[Fashion Falls]

صاجة الاخت اللي قالت خليه علي راحته
اول شي سوي تحليل دم واذا امورهم طيبة وتبشر بخير وكل اللي فيهم عصلة جسم بس خليهم بدون فاتح شهية ولا شي ، باجر ماتدرين نفتحين شهيتهم ويسمنون وتعالي فججي تبين احد يضعفهم لج