MSA
New member
ياسفينة أبحرت رغم الرياح
ياحبيبي كيف دشيت البحر
لاشراع ولا قياده او ملاح
اعتقد مافيه داعي للسفر
مايطير الطير من غير الجناح
مايعيش انسان من غير البشر
من رحلتي صارت ايامي صياح
مدري انت عايشه أو في قبر
يانسيم الليل ياشمس الصباح
بلغوني عن حبيبي لو خبر
المعنى تنضح بقلبه جراح
والمعنى حالته صارت خطر
عايش بغابه ولا املك سلاح
ياخساره مات حبي وانتحر
__________________
احلام اخت أسيل - أسيــــــــــل تعالى مادريتى شنو صار
اسيل - لا 00 شنو فيه
احلام - سعود 00 خطب هديل
اسيل -سعود من ؟
احلام -سعود ولد عمنى اللى محيرك
اسيل - اشلون يخطبها وهو محيرنى صاحيه انى اكيد غلطانه 00 الله يخليك روحى اسئلى امى
احلام - وأنا اشلون عرفت سمعت أمى تناقش ابوى وتقوله اشلون يخطب وهو محير البنت
اسيل- وابوى شنو رد على امى قولى
احلام - يقول بروح يسئل عمى عبدالله عن الخبر اللى اسمعه من ولد عمه
اسيل - قلبى يعورنى يا احلام اكيد الموضوع فيه غلط قولى الصج
- اشاله انه كله ماهو صحيح ويكون ابوى سمع غلط
0000
سعود ولد عمى احبه لا اعشقه اموووت فيه
من وانا صغيره اشوفه هو وبس
مادرى ليش دخل قلبى
كنت صغيره برووضه ورايجن للمدينه الترفيهيه بلكويت
كلنا بيت عمانى كلهم معنا
كان هو عمره 9 سنوات وانا عمرى 4 سنوات
من احب ادخل لعبه اسئله تلعب معاى
يناظرنى ويقول - يلا كلنا نلعب هذى اللعبه
احاول اقرب منه وانا اللعب
من اشوفه يضحك من اعيال عمى تضحك دنيتى
لين نروح البحر العائله كلها ماينزل من عيونى
عمره مانتبه على
لين يتهاوش مع الشباب اركض لخالتى اقولها - خاله سعود تعالى لا يعورونه
الكل عرف انى اهتم فيه
اسئلتنى مره خالتى - اسووله تحبين سعود
- اضحك واخبى وجهى بأيدى واركض
بعدها بكم سنه اخجل من اشوفه
يدخل بيتهم ويكلم امه ويطلب منها افلووس وعيونه ماتشوفنى خالتى تقول سلم على اسيل
يرد - السلام اشلونك
- بقلبى اقول بخير يا روحى انا
بعدها انقطعت شوفته عنى
دخلت المتوسطه وهو تخرج من الثانويه دخل كلية الحقوق
ماصار يطلع مع طلعات العائله
يوصل امه وخواته ويروح ويواعدهم ساعه معينه
من اسمع صوت التلفون يرن واخته تقول هلا سعود
قلبى يفز
ودى اشوفه وهو مار ياخذهم
افرح لين يصير عندنا عرس من اعيال عمى ابى اشوفه وهو داخل مع المعرس
انتظره واقول هلمره بيدخل
بايخ ولا مره دخل الصاله
اوريك يا سعود
ليش تحرمنى من شوفتك
000
وبعد ماحرمتنى من شوفتك
الحين بتحرمنى من انى اكون من نصيبك
خالتى دايم تقولى باخذك لسعود
اسيل لسعود
صحيح ولا مره عمى قال هذا الكلام
لاكن حسيت انه حقيقه وتصير
والحين بمووت لين طلع كلام اختى احلام صحيح
00
تاكل قلبى الحيره
والوقت مايمر
00
بعدها بيومين ماقدرت حسيت انى بمووت
ناديت على احلام
-اسيل - احلام ياعمرى الله يخليك روحى تأكدى من الموضوع من امى اترجاك ضايقه لى يومين ما كليت ولا نمت
احلام - اى وربى اشوفك تغيرتى حيل
اسيل - ارحمينى وروحى اتاكدى
---
اشوفها تروح واعصابى تحترق بزياده
مته يمشى الوقت مته اتطمن
-- اشويات واحلام ترد
اسكتت
--
اسيل - احلام قولى اشفيك
- احلام - تعرفين من خاطب
اسيل - يعنى صج الخبر
احلام - اى صج
- اسيل - قولى كل اللى سمعتيه
- احلام- سئلت امى تقول انه خطب هديل بنت خاله محمد
وانه يتمناها وحاولو فيه يغير رايه رفض يقول يا هى يا ماتزوج
- اسيل - انا اللى اعرفه انها محيره لود عمها
احلام - ماتبى ولد عمها تبى سعود 00 تقدم لها ولد عمها وردته 0 بعدها بسبوع تقدم سعود ووافقت
يعنى يبون بعض0 هو توه ماتخرج من الكليه ليش يتقدم لها باقى عليه سنتين 0 تقدم لها لانه خايف انها تروح منه
بمووت يا احلام
تنزل دمووعى وقلبى ينزف كل اللى تمنيته من الدنيا سعود وقلبه مع غيرى
بروح من ايدى ولا عاد ابى غيره شى
احلام - خلاص يا اسيل مابيدك حيله
- اسيل - بكره روحى من بعده
- احلام - ربى يصبرك
اقرر انام ابى انسى كل اللى صار
مايجينى نووم تقلب بفراشى احسه نار تاكل بجسمى اقوم من السرير امشى بلبيت ادور على شى ينسينى روحى واحلامى اللى ماتت قبل لا تبتدى
يمر اليوم على بطئ
كل لحظه فيه تذبحنى
قررت انى احبك بصمت 0000 بين قلبى وبينك
