يطلع متزوج او مطلق تعالوا حكموا عليه

[حكاية شهرزاد]

تقول البنت تعرفت عليه قبل 4 سنوات وقالي مطلق ويكلمني ليل ونهار واتصل فيه حتى 5 الصبح وعايش مع امه بالبيت وجافت امه وخواته وخطبها وكلم امها وقالت له انطر شوي عندنه ظروف يعني الام تبي تسأل عليه
وشكت فيه البنت قالت له نبي نسال عنك قالها لالا انه مرتي القبلية بتحتر اخاف تقول عني كلام وتخرب حبنا وزواجنا
بالصدفه البنت تفتش تلفونها وتجوف رقم المفروض تكون طليقته وهو عنده ولد منها فلما قالت له انت تكلمها
قالها بس اسال عن الولد
قامت قالت خلني اتصل على الطليقة
اتصلت من رقم غير وقالت حق المرة انتي زوجة فلان قالت نعم قالت ليش هو متقدم لج قالت نعم وقامت المرة تصرخ وتقول مابيه خذوه وعقب دزت المرة مسج انها تطلب الانفصال وهو يقول مطلقها بس هي شاكة لانه ماعندها ورقة بس طلقها شفهي ويقول انه المحكمة لم يوصلوا لها ورقتها لانه عنوانها غير
الريال حلف علقران انه مطلقها
بس يقول حق اللي خاطبها انه براويج الوقة وبتجوفين التاريخ بعد انه الانفصال من قبل لا عرفج وبخليج تطمنين
شسالفة ياجماعه هل فعلا هي ماتدري انها مطلقة
هو يقول ماعطيتها الورقة خل تخاف عبالها مرتي وماتروح وتيي وعندها ولدي خلها علشان ماتتزوج
بس شسالفة او معلقها بس شسالفة الورقة اللي بييبها

 

[ام شووووق]

رد : يطلع متزوج او مطلق تعالوا حكموا عليه

شكله ملوع جبد مرته وعايفته بس هو مايبي يطلق خايف من النفقات

 

[_Pure_]

اذا كان صج معلقها و مطلقها و اهي ما تدري بصراحة هذا ما يخاف ربه ! اعوذ بالله

 

[الملكة فيكتوريا]

دامه عنده حركاات كيري ميري

اشتري راحتج افضل

والله يوفقج يارب

 

[iLLuMinaTion]

الله يصلح الحال

[

 

[بسكوتة توتة]

مااادرى تاكدى بالاول واستخيرى هذا زواااااااااااج مو لعبة الله يوفقج حبيبتى

 

[Vouge]

رد : يطلع متزوج او مطلق تعالوا حكموا عليه

هذا ينخاف منه !!

 

[*الشيـــهـانـة*]

رد : يطلع متزوج او مطلق تعالوا حكموا عليه

كل هالكلاام مامنه فايده
اهم شي تستخير ربها

 

[اشتياق]

رفيجتي تطلقت سنه كامله واهي ماتدري
زعلانه ببيت اهلها وطلع مطلقها من اول شهر
ومع انها تروح وترد عالمحكمه بس مااكتشفت انها مطلقه الا بعد سنه!
حتى محاميها فصل المستشار على هالاساس خخخخ
المهم تصير ترى
ورفيجتي عرفت من الخدمة المدنيه مكتوب مطلقه!

يعني ترى تصير خواره
بس هاللي مرته عايفته مااستعد اجازف معاه!
والله اعلم

وتحياتي ياحياتي

 

[fatomd]

تصير يطلقها و هي ما تدري
بس اللي ينخاف منه اهوا ليش سوا جذي
اذا مايبي يدفع النفقه فهو بخيل و ظالم لأنها تصرف على ولد من صلبه و هذا حقها بالشرع و القانون
و اذا ما يبيها تتزوج فهذا حقير و ظالم
اهوا شكو دام ما يبيها خلها تشوف نصيبها
و ليش يرضى على نفسه يحب و يبي يتزوج و ما يرضى بهالشي لها
هذا ينخاف منه و الله اعرف وحده حبت واحد علابو مطلق ووراها الورقه و تالي رد مرته عقب ما تزوجهاز لا و طلق لصلا كان يكلمها و مرته على ذمته بس طلقها كم يوم من غير ما تدري عشان يوري صاحبته الورقه تالي رد مرته و تزوج صاحبته
الرياييل مالهم امان و هذا الريال شكله يخرع

 

[حبيبي مالكني]

رد : يطلع متزوج او مطلق تعالوا حكموا عليه

شوفي خل أهل البنت يسالون عنه عدل
وبعدين كل شيء راح ينكشف ويبين صجه من جذبه

 

[nora al]

رد : يطلع متزوج او مطلق تعالوا حكموا عليه

حبيبتي عدل كلاامه

اذا كان العنوان غيير ماتوصلها الورقه وعلى حلفه اتوقع صح

لان اهو يطلق بالمحكمه بدون حضور الزوجه والمندوب يروح على عنوانها بالبطاقه واذا ماحصلووها يعلنون بالمخفر وخلاص

فعدل كلامه ممكن ماتوصل الورقه !

بس تبين تتاكدين خلي احد يجيك على اسمه واسمها باي مكان لان اجهزة الدولة كلها مرتبطه ببعض ويشووف شنو متزوج ولا مطلق على اسمه او اسمهاا

يعني بالمحكمه وهذاا اهم مكان او باي مكان يعني بالتامينات مثلا يكتبون الحاله الاجتماعيه


وبعدين اهيه تعرفه من 4 سنين يعني تقدر تقرر اذا اهو لعوب ولا لاا

ومو شرط يكون العيب منه ! بس هم ممكن يكون العيب منه مو من مرته

فخل يسالون عنه عدل عدل

وتستخير والله يكتب اللي فيه الخير

 

[** محبوبه**]

رد : يطلع متزوج او مطلق تعالوا حكموا عليه

أستخييييييييييييييييييييييييييييييري والمكتوب بصييير

 

[ضايعة بدنيتي]

والله حبيبتي يقول لك المثل االحق الكذاب لعند البااب

خلهاا تنتظر وتتأكد واالي فيه الخير بيسويه رب االعاالمين