يصير تسجيل السعوديات في الكليات الكويتية ؟

[abrar al_saead]

السلام ُ عليكم اخواني واخواتي اتمنى تفيدوني ...



انا طالبة سعودية بالثانوية وثاني علمي باروح ثالث وودي بعد ماخلص ثالث ثنوي

اسجل بأحد الجامعات الكويتية إلا بغيت اعرفه اني ابي ادرس هنـا عندكم بالكويت يصير اسجل ؟

ويصير التسجيل في الكليات عندكم لو كنت سعودية ..؟؟ ومايكون على حسابي؟؟ ووشنهي المجالات الموجودة عندكم ؟
ويارريت تساعدوني حبيباتي وخياتي لأكون موجودة بإذن الله تعالى السنة الجاية بالكويت

 

[gala q8]

بصراحه ما ادري .. بس إذا كانت امج كويتيه اكيد يصير .. و تنحسبين بمقام الكويتيه ..

بس إذا كنتي سعوديه فـ والله ما ادددري إذا تبيني اطلع لج اسماء الكلييات و النسبه لها بحااول .. بس ما ادري إذا يصير وله لا .. انا بسآل لج الحين

 

[gala q8]

سالت لج وحده سعوديه موجوده بالكويت .. المهم قالت لي اي تقدرين تيين و السعوديه بحسابهـآ تييبج .. ( اعتقد تصير مثل الدراسه فالخارج ) .. لوول ما ادري يمكن :d

حياج الله بديرتي .. 3>

 

[لعنبؤؤكـ مغلآكـ]

غلا الكويت:
لا يا قلبي مو هيك


يصير تجي تدرس بالكويت و مو على احسسساب احد عادي رفيقات بنت خالي اكثريتهم سعوديات ..


وابرار اختي لا تشيلين هم ان ما شالتج الكليه تشيلج عنوووونا هع ​

وبعدين احنا عندنا كل المجالات حددي اي كليه تبين وان شششاء الله البنات يفيدونج​

 

[abrar al_saead]

اهلييين خيتي :
gala q8
جدا مشكورة وماقصرتين ياحياتي ع التعب والسؤال ماتقصرين والله انا ودي اجي هنا بالكويت واغير جو ومنها دراسة :eh_s(7):

وخيتي :
لعنبؤؤكـ مغلآكـ
فـرّحني كلامك وترحيييبش خيتي عاد إذا مافيه كلافة ممكن تستفسرين لي من صاحبات بنت خالج وانا ابي اكون بمجال الطب:eh_s(15): عشان امشي اموري من الحييين

ويعطيكم العافية إذا تعبتكم

 

[gala q8]

لا شدعوه لا تعب ولا شيء .. لوول كان شكلي فهمت الموضوع غلط لوول عذريني .. و اكيد اختي ( لعنبوك مغلاك ) فادتج


و آآآب لعيوونج آبرآـر ..

 

[hend6363]

صراحة انا مو ساكنة في الكويت
بس اضن يصير حبيبتي يعني عادي احنا في الجامعات عندنا من كل الجنسيات يتسجلون و ما في رسوم شخصية زيهم زي غيرهم

 

[عزتي تنهاني]

صباح الخير يا الغلا حبيبتي انا سعودية وادرس بجامعة الكويت الحين والحمد لله دخلت بنسبتي لان الكويت ماتفرق بين سعودي او كويتي او اي جنسية ثانية وطلبة دول مجلس التعاون لهم عدد معين من الكراسي في جامعة الكويت في المعاهد التطبيقيه اهم شي تاخذينه بالاعتبار يكون عندج تسلسل دراسي يعني مثلا درستي كل عمرج بالسعودية وتبين تقدمين بالكويت تاخذين ورقة من وزاة التعليم عندكم تفيد انج دارسة كل مراحل التعليم في السعودية وهالكلام ينطبق عليج اذا كنتي دارسة بالكويت مثلي اخذت تسلسل دراسي من المنطقة وخذيت شهادة الثانويه وقدمت والحمد لله مافية فرق ترا اهم شي النسبة والتسلسل الدراسي وبالتوفيق وعقبال ما تبشرينا بقبولج يارب

 

[عزتي تنهاني]

حبيبتي اذا تبين مجال الطب يعتمد على النسبة بالتسعينات وفوق واذا البنات يتكلمون عن البعثة هذا على حسب طريقة تقديمج للاوراق يعني اذا تبين تقدين عن طريق التعليم العالي عندكم يصيرً بعثة واذا جيتي بنفسج وقدمتي يصير عادي وممكن تقدمين اوراقج عن طريق الملحقية الثقافية السعودية في الكويت ومكانهم في منطقة الفيحاء وهم يقدمون اوراقج عادي لان الملحقية لها عدد معين من الطلبة تقدر تدخلهم بالجامعة او المعاهد التطبيقية كمبتعثين

 

[بنتmbc1]

up

up

up

up

up

up

up

 

[abrar al_saead]

عزتي تنهاني يابعد قلبي ياخيتي يعطيج ربي الف الف عافية فرحتين قلبي بذا الكلام الطيب ذا الحين إنشاء الله اضمن اكون موجودة ومبسوطة كثير من كلامج لأن توقعت مايصير قبول نهائي فشكرا ً ياختي على تسهيل الطريق لي ويارب صج صج !! ابشركم بقبولي وباجد على نفسي لأجيكم إنشاء اللهـ وثانيا ً لو احتجت شي او اي مساعدة راح اقول لكم ..


إلا بسألج خيتي في حدود كم النسب المطلوبة ؟

 

[abrar al_saead]

لا شدعوه لا تعب ولا شيء .. لوول كان شكلي فهمت الموضوع غلط لوول عذريني .. و اكيد اختي ( لعنبوك مغلاك ) فادتج


و آآآب لعيوونج آبرآـر ..

الله يسلمج ياخيتي وعقبال ماكون عندكم السنة الجاية بإذن الله:d

 

[abrar al_saead]

صراحة انا مو ساكنة في الكويت
بس اضن يصير حبيبتي يعني عادي احنا في الجامعات عندنا من كل الجنسيات يتسجلون و ما في رسوم شخصية زيهم زي غيرهم

ثانكس خيتي ع الإفادة ماقصرتين

 

[عزتي تنهاني]

حبيبتي على حسب الكلية اللي تبينها تحدد النسبة وانا باذن الله اشوف لك النسب وارد لك خبر

 

[أم علي الرفاعي]

اي يصير
ويمكن على حسب النسبة

كان معاي بالجامعة سعوديات
ووحدة صومالية
وجم ايرانية ..


معناته >>>>>> يصييييييير

بس مادري شلون وبأي طريقة

 

[كويتية نايس]

اب اب اب