يصير بالواسطه أولد بـ مستشفى الأحمدي أبو زوجي تابع لها ، وشنو رايكم في المستشفى

[الأميره أسماء]

السلام عليكم

بنات انا زوجي يبيني اولد بـ مستشفى حكوميه وانا لايعه جبدي مابي العدان وعووووو وعوووو مابيه استغفر الله

وابي اولد بـ مستشفى الشركه بصراحه الكل يمدح عنايتهم والنظافه والاهتمام عندهم وبعد ام زوجي مسويه عندهم تكميم روووعه روووعه ماشاءالله ابو زوجي تابع للشركه بس بغيت أسأل يصير بالواسطه أروح أولد عندهم أو اذا رحت لهم وانا فيني طلوق والراحم مفتوح اتوقع يستقبلوني صح

مرت اخوي جذي سوت لمن جاها الطلق راحت العدان فحصوها قالوا مفتوحه 6 سانتي ولاده خذاها اخوي وطار ع الاحمدي ودخلوها على طول للعلم اخوي مو تابع للشركه بس ماطلعوها لان فيها طلق والراحم مفتوح

انتوا شرايكم بالمستشفى ومنو والده فيه

ويصير ادخله بواسطه ؟؟

عفيه فيدوني ابي اعرف

 

[راقيه وجذابه]

حبيبتي اي مستشفى تروحين له وانتي فيج طلوق والراحم مفتوح مايطلعونج كلش مستحيل هذي مسؤليه عليهم

بالنسبه للمستشفى شكثر سمعت ناس تمدحها

موفقه

 

[بيبي غيرل]

والله مااعرفه يالغاليه بس
اب اب اب اب
وان شالله بنات يردون عليج
عسى ربي يسهل لج ويكتب لج الي في الخير يارب وتكون ولادتج سهله ان شالله وميسره يارب

 

[!الجادل الصعب!]

والله ي قلبي الاحمدي تغير لان انا زوجي عليه بس ماحبه ..
وزوجج سوري بس ماله حق يفرض عليج مستشفى حكومي ، انتي الي بتولدين و تتعورين
مو هو .. كلش كلش جمعي مبلغ و اولدي باي مستشفى سنع
العدان قرف تكرمين حماماتهم بروحها لوووعه وانتي توج والده ماكو نظافه تحوشج التهابات او شي من وصاختهم

لاتغامرين بسالفة الاحمدي وانفقوا من الحين والله يسخره لج و تولدين بالسلامه

 

[Aloe Vera]

بصراحة الله يعينج و يهدي زوجج

ماعندي فكرة عن المستشفى
بس دام مرت اخوج سوتها ممكن تضبط معاج

بس ترا اذا ياج الطلق خلي عندج خطة سنعة لا تتوهقين و تولدين بمكان غلط !!

 

[farooha]

حبيبتي انا ابوي بالاحمدي واختي عندها ملف فيه جتهم بتولد دزوها باسعاف للعدان قالوا ما نستقبلج وهي عندها ملف شلون انتي

وشالوا ملفها لما دروا انها متزوجه وحاليا للعلم مستشفي الاحمدي مسكرين قسم الولاده يبوننه من جديد كل مراجعينهم يحولونهم علي دار الشفا يعالجون بدار الشفا بلاش

لا توهقين عمرج لان ما عندهم قسم ولاده مسكرينه يبوننه وما اظن اي واسطه تنفع لان ابوي حاول فيهم و له مركز ويعرف دكاتره بس ما استقبلوا اختي

الله يهون عليج ما الومج اذا ما تبين العدان
بس الولاده سهلات من ربي وين ما كانت

 

[رْمآديه]

أب أب أب ياليت تفيدونا

 

[أم جسووووم]

انا اختي توها والده بالاحمدي مولدتها استشاريه العبت باليااهل لعب وكاهو بالشيشه تحت رحمه رب العالمين اذا الاستشاريه جذي عيل الدكتوره شنو بتسوي انا اقوول نصيحه اقنعي ريلج انج تولديين بالخاص وربي يسهل عليج

 

[گـحِـلْ |~]

المستشفى عموما يمدحونه ةادةيتهم وشغلهم اجنبي مو نفس الحكومه

لاتغامرين يمكن يودونج باسعاف وتبهذلين

السهاله من الله و قولي لزوجج عن اخطاء العدان عشان يقتنع


مع اني اشوف ان يمدحون ولادات العدان في التجمع