يصير الوحده تطلع اذا اهي بالنفاس ؟

[(m & m)]

بنات سؤالي واضح من العنوان

انا صارلي 8 ايام والده وودي اطلع اغير جو

بس بنفس الوقت اخاف اذا طلعت امرض لاني سمعت ان الوحده بحالتي تكون مناعتها ضعيفه

ودي اطلع طلعات يعني اغير جو شوي عادي ولالا ؟

قوليلي رايكم لاني الوالده مخذرتني هئ هئ تقول مو زييييييييييين تطلعين مكان الحين

بس يا ربي ودي اطللللللعععععععععع :eh_s(13):

 

[أم مرايم]

الحمدالله على سلامتج

نطري جم يوم وطلعي افتري بالسياره او روحي مكان مافيه احد

اتوقع عادي

 

[om al ghaleen]

..,, اول شي الحمدالله على السلامه

حبيبتي ديري بالج هالفتره الوالده تكون ماعندها مناعه وبسم عليج لاحاشج هوا تتلعوزين
نطري شوي ع الاقل اسبوعين ..,,

انا قبل كنت جذيه اقول شحلاتهم الاجانب يولدون منيه ويطلعون الحديقه بنفس اليوم
بس حاشتني سخوونه والله العظيم ماابالغ انسدحت بالمستشفى 3 ايام


وثالث شي مايسوى عليج احد يزورج ويدري انج طالعه ويتغبطوونج

 

[آهات قلبي]

مايصير يابنت الحلال..أقضبي أرضج وأرتاحي بالبيت الطلعه مو زينه ألحين .......:eh_s(13):

لا صار لج عشرين يوم مو مشكله .....

 

[عمة الزين]

لا مايصير ديري بالج لايحوشج هوا اسم لله عليج والف حمدالله على سلامتج ومبروك ماياج

 

["*آآآنؤؤؤقهـ*"]

أنا.طلعت.وصارلي"‏15يوم

عاااادي

ماكو ‏"الا.العافيه. ‏"‏

 

[auoma]

الف مبروك بس نطري شوي عقب 20 يوم عادي طلعي

 

[Om_Ksha]

انا لمن اقره ساعات بالتجمع وغيرره انه الوحده تطلع تروح الجمعيه او مادري وين مع ريلها استغرب اللى اعرفه انه مايصير ..

فزين نبهتونى..
عاد قعده البيت مليقه .. الله يخلي النت

 

[مريانا ام ماريا]

شوفي حبيبتي انا بامريكا يبت بنتي من 7 يوم طلعت رحت الجامعة كنت امشي تقريبا نص ساعه على ما اوصل القطار واركب القطار وكله زحمه بس الحمد لله الله الحافظ ماكو الا العافيه بس بالكويت ما اطلع لان الناس ما يعطون خير بس يشوفونج طالعة يصكونج عين توديج بداهيه

 

[خليفة العظماء]

عادي بس مو من أول شئ نطري الجرح يبرا عدل لأن الطلعه فيها مشي أنا أقول نطري لما يبرا الجرح عدل

 

["*آآآنؤؤؤقهـ*"]

قولي بسم الله توكلت على الله ... يكفيج شر كل شئ

روحي رفيجتيي من طاح اخياطهاا 10 أيام رايحه السوق وسينمااااااااااااااا


انتي البسي سروال طويل ودلاقااات وفلااات

والبسي طااقيه ولفتج وعباتج وطلعييييييييييييييييييي

حتى لو انج راعية بدل السي عبايه احسسسن

 

[*Little**Angel*]

تو الناس نطري شوي احسن
انا بعد اسبوعين داومت الجامعه

 

[tmtmt]

في ناس الداوم يعني عادي
شوفي من يطبح الخياط طلعي مع ريلج بالسياره بلييل لا تنزلين تمشوا
عصير وهالسوالف ورجعي وبس

ان شاءالله ماكو الا العافيه توكلي على الله

 

[في بحرهم عذبوني]

تصبري كلها 40 يوم ادري صعبه بس احسن لج

 

[حرم_طيار]

ارتفعي بعدها طلعي

 

[دانه_83]

تو الناس على الطلع نطرى اسوى لمن ترتفعين توج والده مايصير

 

[رونـق]

كل وحدة و حسب حالتها الصحية

 

[مسك81]

الحمدلله على سلامتج نطري على الاقل لما يصير لج 20 يوم