يصير البسه؟اوغلط؟

[queen2020]

بنات ابغى استشريكم

انا اخوي بيتزوج ان شاء الله

وانا فريت السوق ادور على فستان
وماحصلت الا ابيض
موديله روماني وفيه حزام ذهبي
مع العلم اني متزوجه من زمان


يصير البسه؟؟ اومايصير علشان العروس هي بس الي تلبس ابيض؟​

 

[ام الدرر]

حبوبة
انا عن نفسي ما احب
حلاته العروس تلبس ابيض بروحها
خاصة انج قريبة يعني اخت المعرس ​

 

[كويتيه فرنسيه]

عادي مافيها شي وايد يلبسون ابيض بعرس اخوهم

 

[إنسكاب العطر]

عادي قلبو مافيها شيء

الان كثييييير يلبسووووون أبيض

ربي يوفقه ويسعدك

 

[أم بدير]

لاكلشششش مايصير
انا عن نفسي احب الابيض
وعالوصف الي وصفتيه خوووش نفنوف
بس صراحه بتطلعين الحماة المحترة الي قاعده تنافس الجنه اليديده وغيرانه منها
وبيقولون من صجها لابسه ابيض؟
والعروس نفسها بتاخذ فكره عنج من اولها جذي

 

[سوسو حبيبتى]

لا مايصير

بأتيكيت الاعراس

بس العروس هي الى تلبس ابيض

مرة فى عرس حمولتي واحدة قريبتها لبست ابيض والله كانت طالعه احلي من العروس الكل علق عليها

لدرجه بالتصوير تتلخبطي بينهم ههههههههه

 

[ω ــردوه Qtr]

امممم هو حلاته العروس اتكون متميزه بس بهاللون

بس عاادي يعني اذا انتي مابستي ابيض غيرج بيلبس ابيض
ومع المكياج والتسريحه اكيد بكون شكلج غيرر وانتي اتقولين الفستان في ذهبي

فعاادي اذا فخاطرج اخذيه

بالعافيه مقدما

 

[<miss botamba>]

انا عن نفسي ما افضل الا اذا كنتي عروس يديده او بتكونين عروس مثلا مخطوبه او مالجه

 

[فوفه 82]

اذا فيه ذهبي عادي
بعدين العروس مهما الناس لبست وصارت احلا منها
تظل نجمة الحفل ومحد يخطف الاضواء منها
انا اقول قولي
بسم الله وتوكلي علي الله ولبسيه
وربي يهنيكم ويسعدكم

 

[manoooram]

حبيبتي سابقا ما كنت أتقبل فكرة الأبيض تلبسه غير العروس
لــكن الحين جدا عادي بالعكس لبسي وانتي مرتاحه اذا كانت البدله داشه بخاطرج وماكو منها الا الابيض
شبتسوين
واللي بينظر لج الحماة المحترة ما يشوف شر