يصير احف ايد بنتي؟

[ام @ضحاوي@]

هلا شلوونكم
بنتي عمرها 10 الله يخليها لي
وايدها كلها شعر فودي اييب صالونه تحفلي وتحفلها مره وحده لان عندنا مناسبه قربت
بس مادري متررده اخاف يعورها ولا شي ؟؟
انتو شرايكم؟

 

[TeKaNa_Girl]

حرام صغيره.
راح تتعور وبعدين من يدقق على اليهال

 

[سوسن1980]

مادري احس صغيرة على الحف بنتي نفس المشكله بس مافكرت احفها

 

[دلوعة المنتدى]

اب
اب
اب

 

[dnyay_mll]

توها صغيره على هالسوالف
واكيد راح تتعور مسكينه

 

[هيبة الطاووس]

لما كنت بالإبتدائي وبسبب حواجبي كانو ينادوني الحرااميه هههههههه
حواجبي كثيفه وماكان احد يمشي معاي من البنات كلا بروحي ولما شلت البوسط
ونظفتهم الكل صار يتقرب مني لأني تبت هههههههههههههه

عادي شيلي لها بنير البنات أو فيت

 

[خضيرة]

حفيها بشيرة علشان يطول وما يطلعلها شعر بسرعة​

 

[Fashion Brands]

اذا تبين نصيحتي .. روحي اخذي كريم مزيل الشعر من الصيدليه وقوليلها ابي حق بنتي بهالعمر
وايد احسن من الشيره حرام مو زينه الشيره بعمرها تعوور و يمكن تكرهها بالشيره بعدين
انا بنت اختي عمرها 7 سنوات وعندها نفس المشكله لدرجة انها عاندت ما تبي تداوم بالمدرسه الا بجم طويل
لانهم قامو يعيبون عليها و يقولولها انت ولد و الا بنت
راحت خذتلها كريم و شالته لها و الحمدلله انحلت المشكله
او انج تشقرينه لها بالاكسجين بس يكون مخفف مو نفس مال الصالونات الحار ... و انشالله لي كبرت تسوي ليزر و تنحل المشكله

 

[" ام حمود "]

لاا حرام صغيره وآخاف يعورهاا والحين منو اللي يدقق ع اليهال

 

[-MaYa-]

لا حرام .. جربي بالكريم احسن ومايعور

 

[دلوعة روحي]

اقترح عليج نير او اكسجين

حرام لانها صغيرة

 

[كـ غلا ــلي]

من رايي نطريها لين تبلغ وسوي لها ليزر وفكي عمرج بس دام عندج ناسبه شقري لها افضل

 

[ام @ضحاوي@]

مادري بجربها لها الكريم
ومشكووووووورين عالردود

 

[تذكر خافقي رمحك]

نصيحة خلج بعيدة عن موس وفيت والمكينة
لأن تخلي الشعر يابس والايد تقصير منقطة
وماكو أحسـن من الشيرة نظآفة ونعومة
وماتعور الايد كلللش
وحتى لو تعورت خل اتعرف ان الي يبي الدح مايقول اح ​

 

[AVE.NJ]

ليش محتاره مكينه اتينن ماتعور وايد
بس نقزه

 

[أحبج يمه]

حرااام توها صغيرونة

 

[جوري وبنفسج]

السلام عليكم

لووول عاد أنا بنتي الصغيرة عمرها 9 سنين تحن تقول يما أبي أشيل شعر أيدي وأنا أقول لها عيب تو الناس .​

 

[ام @ضحاوي@]

والله يابنات جربت معاها الكرييم بس مانفع
والله الي يجوفها يقول شاذي والله بسويلها شيرة

 

[G!RLooNa]

شوفيها اهيا متضايقه و متعقده منه ؟؟؟

انا لما كنت بعمرها حيل كنت اتضايق من الشعر و ودي اشيله بس استحي اقول حق امي و اذا الشعر وايد اتوقع انها مستحيه منه و تستحي بعد جدام البنات بس ماتبي تقولج

 

[om_3azoz]

حبيبتي حرام صغيره وايد

توه الناس عليها وخصوصا اذا مابلغت


اذا بلغت عادي شيلي لها بشيره