يصير أرفض للمره الثالثه ؟؟؟؟ وشنو بعدها تتوقعون ؟؟

[أنا Top أنا]

مرحبااا

شخباااركم حبيباتي ... سؤال وأبيكم تريحوني الله يريحكم دنيا وآخره ...

طلع اسمي للمره الثالثه بالديوان بوزاره طبعا مو من ضمن رغباتي على كيفهم رشحوني لها وهذي المره الثالثه والوزاره الثالثه اللي مو من ضمن رغباتي كلشششش !

الحين لو ارفض عادي اترشح والا بتنبط جبدهم مني ويخلوني عالويتنق سنين ؟؟

ردوا علي الله يجزيكم الخير .... آمين ~

 

[رذآذ آلمطر]

رد : يصير أرفض للمره الثالثه ؟؟؟؟ وشنو بعدها تتوقعون ؟؟

اختي انا عندي لج نصيحة

تروحين للديوان نفسه وتقولين لهم انا ثالث مرهـ يطلع اسمي بالوزارة الفلانية وانا ماابيها
يوم انتوا تقطونا على كيفكم بالاساس ليش تعطونا رغباات ؟؟؟
وقوليلهم ابي الوزارة الفلانية وهم ان شاء الله ينقلوونج


لأني أعرف وحده قبلوها بالعدل راحت وقالت انا سكرتارية ومابي العدل حولوني التربيه وحولوها والله


ماانصحج كلللش بالرفض
روحي باجرالديوان وشوفي
وعسى الله يكتب لج اللي فيه الخير

 

[أنا Top أنا]

رد : يصير أرفض للمره الثالثه ؟؟؟؟ وشنو بعدها تتوقعون ؟؟

مشكووورة حبي على مرورج

بس تهقينها سهله ؟؟

بروح وبشوووف والله يجزاج خير ~

 

[Miss Golden]

حبيبتي عااااادي انا اكثر وحده رفضت لوول والحمدالله كل شهر تقريبا او جم شهر ينزل اسمي بمكان ثاني

واعرف وايد جذي.. يعني حرام يقطونا بأي مكان و لازم نقبل..


عاادي حبيبتي

 

[C'est La Vie]

عادي انا رفضت اكثر من 4 مرات
انتي روحيلهم سأليهم هل في شواغر فاتحة الحين حق تخصصي؟
وراح تقولج الوزارة الفلانية والوزارة الفلانية وانتي اختاري اللي يعجبج

 

[*سوسو ستار*]

عادي حبيبتي انا رفضت فوق الخمس مرات وكل شهر كانوا ينزلون اسمي بوزاره فريت على اغلب وزارات الكويت واخر شي وافقت عالتربيه وليتني ماوافقت أفشششل وزارة بالكويت

 

[one two 3]

جكيتكم
ليكون انتو الي معطلينا الي يرفضوووون وايد ؟؟؟؟

:eh_s(13)::eh_s(13):

وبنات سؤال محيرني الحين انا حاطه رغباتي بالديووان ؟؟حلووو:rerrerek:

يصير اهما يحطولي رغبات ثانيه مو من ظمن رغباتي​

 

[وضح النقى]

رد : يصير أرفض للمره الثالثه ؟؟؟؟ وشنو بعدها تتوقعون ؟؟

اللي يقولونه البنات إن الديوان ما يمشي عالرغبات .. :050103nbh_prv:

بس اعرف بنات قبلوهم برغباتهم وهم مسجلين كذا رغبة ونفس الشي بنات كانوا مسجلين بس رغبه وحده وماقبلوهم فيها --\ السبب مجهوووول !! مدري ليش:bbbiu:

 

[om-7many]

رد : يصير أرفض للمره الثالثه ؟؟؟؟ وشنو بعدها تتوقعون ؟؟

الله يهل امورج انتي على الاقل طلع اسمج هذاا احناا قاعدين بالبيت لا طلع اسمناا ولا شي حدي مليت من القعدة
ولا اقوولج روحي سألي واذا ماصاار خلج ع وظيفتج بعدين حولي على المكان اللي تبينة

 

[joorey]

حبيبتي رفضي كثر ما تبين ماله شغل اذا رفضتي مره و? مرتين و? عشر

اهم شي انتي يكون عاجبج المكان ومرتاحة فيه

هام قاطينح ابمكان ما تبينه وهم خايفة من الرفض حلوة هذي

المفروض تناجرينهم بعد

انا خبرة بالديوان من كثر ما اروح لهم لوول

 

[أليين]

رد : يصير أرفض للمره الثالثه ؟؟؟؟ وشنو بعدها تتوقعون ؟؟

صاجه حبيبتى انا رشحونى مرتين لوزارات مابييهم ولا من ضمن اختياراتى ورفضتهم ومرت اخوى اختها رفضت الترشيح يمكن 10 وزارات وكل مره يحطونها وزارة لاتحاااتين

 

[أنا Top أنا]

رد : يصير أرفض للمره الثالثه ؟؟؟؟ وشنو بعدها تتوقعون ؟؟

مشكوووووووووورين بنات عالردود ..

الله يطمن قلوبكم ..

وراح ارفض واشخلهم شخااال .. < ايه نطريني

 

[أنا Top أنا]

رد : رد: يصير أرفض للمره الثالثه ؟؟؟؟ وشنو بعدها تتوقعون ؟؟

[/color][/size][/b]

حبيبتي رفضي كثر ما تبين ماله شغل اذا رفضتي مره و? مرتين و? عشر

اهم شي انتي يكون عاجبج المكان ومرتاحة فيه

هام قاطينح ابمكان ما تبينه وهم خايفة من الرفض حلوة هذي

المفروض تناجرينهم بعد

انا خبرة بالديوان من كثر ما اروح لهم لوول

مشكووورة حبيبتي

ردج شجعني راح ارفض وبصير خبره مثلج

 

[حنين]

رفضي عادي ياقلبي
سئلي مجرب ولا تسئلين طبيب رفضت يمكن حوالي 7 مرات لما سويت واسطه وقبلوني