- إنضم
- 12 يونيو 2009
- المشاركات
- 1,157
- مستوى التفاعل
- 1
- النقاط
- 0
شلونكم بنات ...................... احاول اقول مشكلتي واوصلها لكم واتمنى كل وحده عندها حل ماتبخل علي .......واي وحده ماعندها حل ترفع لي الموضوع ...............انا بختصار متزوجه من 8 سنين وماخذه ولد عمي وجايبه منه عيال ............ وهم بختصار زوجي انسان يحب السفر ودايم مسافر وزياده على هذا يكمل دراسته ومرات سفره يطول يعني مرات يقعد شهر شهرين وهو مسافر ...... اخلاقه (للاسف يكلم بنات ) كل مااصيده يحلف لي ويقول اخر مره ......... الحين ماقمت افتش تلفونه لاني عارفه انه مرده لي ولو ماكان يبيني ماتزوجني واحاول اني اطوف عشان امشي الحياه................. زوجي شخصيته عاديه يعني مو قويه ولا ضعيف بين البينين .......انا مااحس اني قريبه منه ماادري من خذاني وانا احسه عادي يعني الحب لأ بس الاحترام احترمه بالاخير ابو عيالي ...... معتمده على نفسي بكل شي جمعيه طبيب مدرسه انا موموظفه انتظر الوظيفه ............. الموضوع زوجي صارله الحين 3شهور مااطلع اي مكان الا لازم اعطيه خبر حتى لو نسيت اعطيه خبر يزعل ويقوم القيامه تلفوني من 3ثلاث شهور يقوم بتفتيشه كل مارد من السفر يحقق معاي بكل صغيره وكبيره ..............في البدايه كان هالشي مونسني لاني حاسه انه قام يفكر فيني .............. لكن الامر وصل انه يضربني ويقول اعترفي انت تعرفين احد غيري وقام يسأل سايقنا وين يوديني ووين يجيني ............... المصيبه انه الناس قامت تنتبه انه شاك فيني قام يخليني اقول انا شنو مسويه عشان كل هالشك يوصل فيه يقولي بعظمه لسانه ..........قوليلي كم مره طلعتي معاه و اسأله ماتنقال ............ بنات انا انشل تفكيري مع العلم اني عمري ماكلمت احد من الشباب عمري مافكرت بالهشغله من انا بنت مو الحين وانا عندي عيال بنات اهاني وقال انا من زمان شاك فيج واقوله قولي يمكن الامر ملتبس عليك شنو شايف فيني ؟؟؟؟؟؟؟؟؟؟؟؟؟؟؟؟؟ تدرون شنو يرد روحاتج للجمعيه واذا دقيت ماتردين ........ يعني عيال ومدارس مااحتاج جمعيه بنات انا مااسوي شي الا اقوله بس هالمره نسيت اقوله وسمعني كلام ورفع السكين بوجهي وقال منو هذا الي تبين تقابلينه وماخلاج تردين .............. بنات انا ماسويت شي بدنياي عشان يجيني كل هذا انا الحين وصلت لمرحله ابي اموت ابي احد يحلي هالمشكله .............وصعبه اقول لامي او خواتي زوجي يشك فيني صعبه والله صعبه والطلاق قلتله وقال لوتموتين ماطلقتج وانا ابي استر عليج قلتله لاتستر علي اذا عندك شي يثبت هذا الشي واجهني فيه قال انا رايح لشركه الاتصالات ومطلع ابن الكلب الي تكلمينه ........قلت الي تحب تسويه سوه بس تاكد اذا جيت تبي ترد اعتباري عمري ماراح اسامحك عمري ماراح انسى كلامه .......... بنات عفيه قولولي شنو الي مفروض اسويه ...........
