يشدج العطر على زوجج؟ جربي هالعطر

[ملكةجمال]

مرحبا أميرات .. شلونكم؟ عساكم طيبين؟
حبيت أكلمكم عن عطر يحبونه الرياييل (و لو إن الأدواق تختلف) و بصراحة من كنت أشمه على زوجي لازم أقضي معاه ربع ساعة رومانسية قبل ما أهده يروح الدوام و بعدين يوم سمعته يقول إنه يحصل مديح على عطره من الجنس اللطيف قلت له ما ودي أحرمك من المديح الحلو بس بصراحة ودي لو تستعمل هالعطر للمناسبات و لي بس!

إسمه زيريوس من جيفنشي ... عطره فواح ما شاء الله و حيييل يناسب الرجال .. حطيت صورته إدا بتشوفونه و العطر عبارة عن مزيج من الروائح الحلوة .. فيه مسك و عود و زهر اللافندر الحلو الناعم و ريحته شوي مثل الحلاوة مع قضبة أعشاب عطرية .. ما أطولها عليكم و بالصدفة لقيت صابونته بس شوي غالية و اشتريتها له ... فظييييعة و لا تسألوني اشسوينا!!!

يستحسن تخلين زوجج يستعمله كعطر ليل خاص لكم. :eh_s(15):

 

[الوفا غالي]

مشكووووووووووره
ان شاء الله اهديه هالعطر

 

[ليدي بجد]

مشكوره عسل حتى انا بشتريه هديه ....بس الي عندك كم سعره وكم ملي؟؟؟؟؟؟؟؟؟؟

 

[رمـــانـــه]

الله عطور جفنشي روعه وشكله خطير

 

[بسكوته ذايبه]

مبين حلوو أنا اموووت على باي من جفنشي هم حلوو جربوه باردوروووعه ​

 

[&موناليزا&]

مشكورة

 

[سكره مالحه]

شريته حق ريلى
على مدح اللى تبيع
بصراحه عادى مش مميز
وشوكراااااااان

 

[الأمل لحظه]

بس بغينا جم سعره

 

[مشمش أحمر]

شوقتيني عليه

يسلمو ع الافاده حبيبتي

 

[ملكةجمال]

حبيباتي إنتو تكرم عيونكم .. مادري يصير أقول من وين و الا لأ بس البائعة قالت إنه كان من فترة معروض ب 18 دينار بالنسبة لزجاجة 100مل و اشتريتها ب 14 دينار و نص.
و جفت عطر pi اللي قالت عنه الإخت "بسكوتة دايبة" و شميته بس ما عجبني حسيته متكرر وايد و غريبة الإخت "سكرة مالحة" ما عجبج!! بس هم أرجع و أقول الناس أدواق و هالعطر "زيريوس روج "على فكرة لون زجاجته أحمر لا تخلطونه مع زيريوس الثاني اللي زجاجته أصفر. هو أكيد في عطور وايدة حلوة على الرجال بس حبيت أقول لكم عن اللي شميته على ريلي و شدني له .. يمكن لأن زوجي شكله يتناسب مع العطر؟؟ الإحتمال وارد!

 

[الأميرة جوري]

واااااااااو بشتريه له هديه..........مشكوووووووووووووره

 

[q8ya sh8ra]

ثآآآآآآآآآآنكس

 

[ملكةجمال]

حبيباتي و الله إنتو مشكورين على المرور الكريم بس نصيحة شموه الأول يمكن ما يعجبكم مو الناس أدواق.

 

[حصووونه]

عند زوجي انا ماحبه يرشه ابد ريحته ماتعجبني بس هو يقولي دايما يسالونه ربعه شنو عطرك ومره قالي بالجمعيه واحد وقفه وساله عن العطر ماحبيته سبحان الله ولما خلص استانست هههههههههههه

 

[رتبه دبلوماسيه]

ثاااااااااااااااااااانكسسس

 

[رتبه دبلوماسيه]

.........................................

 

[عاشقة العطور]

مشكوره

 

[لف ليدي]

شجعتيني اشتريه يالله توكلنا على الله

تسلمين ومشكوووره

 

[f@rsaq8]

عند زوجي انا ماحبه يرشه ابد ريحته ماتعجبني بس هو يقولي دايما يسالونه ربعه شنو عطرك ومره قالي بالجمعيه واحد وقفه وساله عن العطر ماحبيته سبحان الله ولما خلص استانست هههههههههههه

لووووول يقطع بليسج :krkrkr:


وشكرا صاحبة الموضوع بنشم ونشووووف

 

[الحلو مايكمل]

هلا حبيبتي
انا شريت العطر لزوجي من سيفوره الي بفرنسا
والصراحه روووووووعه