يستحق القراءه!

[نـور]

السلام عليكم ​

مبارك عليكم الشهر و عساكم من عواده "مقدما ً"
و عسى ربي يعوده علينا بالصحه والعافيه ​

انا " نــور"
توني قبل نص ساعه اشتركت بالمنتدى !
يطري علي ذيج الايام قبل سنه سنه و نص !
* ما تعتقدون ان الزمن تغير؟ *
* ولا احنا الي تغيرنا؟ *
* الوقت يمر بسرعه؟ *
* ولا احنا مانحس بالوقت؟ *
عموما اكيد كلكم قاعد تفكرون او تقولون
نبي رأس الموضوع شنو !!​

لاتسألوني شنو ( الهدف - المغزى)
من الموضوع؟
لاني انا نفسي مادري ليش لقيت نفسي
اشتركت وكتب هالموضوع !​

يمكن ابي ارد حق ايام قبل ؟
ايام " اللابتوب "
ايام " المنتديات "​

سبحان الله .. كل شي تغير
الزمن - الناس - شخصيت كل واحد فينا تغيرت !​

طلع البلاكبيري؟
طلع الايفون؟
استغنينا عن اللابتوب؟​

* كنت اقول راحت ايام المنتديات و المواضيع *
بس كنت غلطانه !!
غلطانه حيــــل​

كل واحد فينا يحتاج انه (يكتب - يعبر )
مو شرط يكون مافي احد يسمعه
او ماعنده احد !
سبحان الله يا بنات حقيقه لازم نعترف فيها !
يقولون " الجنه من غير ناس ما تنداس "
وفعلا هذي الدنيا !
من غير ناس من غير بشر مانقدر نعيش فيها
كل واحد فينا يحتاج حق ناس مايعرفهم !!
يستفيد من خبراتهم و يستشيرهم من غير مايعرفونه!
الزبــــــده...
ابتعدت عن المنتديات لمده (سنه الى سنه ونص) او اكثر
اجذب عليكم لو قلت مشتاقه حق المنتديات و السوالف وووالخ..
ولكن احنا بشر و نحب التغير !!​

ولكن في حقيقه بعد لازم لازم تعرفونها كلكم !
يقولون مداح نفسه يبيله رفسه
بس بقول انا و اعوذو بالله من كلمه انا
كانت عندي فلسفه خاصه بالحياة اسلوب حوار منطقي
واقدر اجادل بواقعيه و اقنع الي جدامي حتى لو كان رأيي خطأ!
الفضل يرجع لله اولا ً و للمنتديات و المواضيع الي
صقلت هالموهبه فيني و اكيد في مني
الميئآت بس مو عارفين هالميزه !!​

لابد ان الانسان يكون عنده منطق بالحوار عالي
و قدرة على الاقناع
لكن اكتشفت بعد غياب دام سنه الى سنه و نصف
انه هالميزه ؟ اختفت!!
سبحان الله الممارسه حلوه
و التمارين بكتابه المواضيع وايد كنت استفيد منها
كنت اكتب مواضيع في مجالات عده !
مواضيع رياضيه
+
مواضيع سياسيه
+
مواضيع اقتصاديه
+
مواضيع نفسيه
+
مواضيع تربويه
+
مواضيع اجتماعيه
+
مواضيع فلسفيه ​

صحيح يمكن ان عمري لا يتجاوز ال 18 سنه !
ولكن اجزم على اني كنت اتناقش و اتحاور
مع ناس عمرهم يتجاوز يعمر اضعاف مضاعفه !
و كنت اقنعهم برأيي و يشيدون بي​

* ثقوا بي لم اكتب هذا الموضوع من باب "المهايط"
ولكن كانت في بالي معلومه حبيت اوصلها للكل
البنت الي تحس نفسها ماعندها منطق للحوار
طبعا مابي اقول ماعندها اسلوب!!
الحمدلله كلنا عندنا اسلوبنا الخاص
ولكنني اتحدث عن المنطق بالحوار
صدقوني مراح تلاقون احسن من المنتديات و المواضيع
تمارسين منطقج الخاص فيها !
و البنت مايحليها الا ثنتين صدقوني
لاتقولون جمال وبياض وجسم وشعر !!
اكيد مايختلف اثنين انه هالاشياء لابد تكون متواجده ولكن
اقسم بالله الاخلاق والاسلوب اهم من هالاشياء كلها
و اسأل الله بأسمائه الحسنى و صفاته العلى ان يرزقنا كلنا
حسن المنطق و الاسلوب الجميل و اهم من هذا كله الاخلاق !​

و دمتم بود
بقلمي : نـــور
انتظروني و ترقبو مواضيعي فأنا متأكده بأذن لله ستنال اعجابكم
و سأطرح مواضيع تهمكم
مع السلامه ​

 

[نـور]

مايهمني المشاركه و التعليقات !
يكفيني القراءه لحد الان 7 قراء فقط !
وهذا للاسف لاشيء !
اقروا منتو خسرانين شي

 

[DALA3.RA8EY]

علينا وعليج حبيبتي

والله كلامج عدل ويعطيج العاافيه

 

[مشتــاقهـ]

تسلمين حياتي والموضوع حلووو
الناس اكثرهـــا تغيرت
تقبلي مروري

 

[سمرا بس قمر]

تدرين اول ما قريت كلامج حسيت نصه انا
بس يعطيج العافيه خيتو احنا اهني خوات
وتسلمين على هالموضوع الي يستحق القراءه

 

[سمرا بس قمر]

واختي مشتاقه معاج حق النا
هالايام مالها معنى تعيش او هدف للحياه

 

[سمرا بس قمر]

الناس*

 

[غلاك عندي غير]

اب اب اب اب اب اب اب اب \
يسلمووووو

 

[كوكو كيوت]

كلاامج في قمة الرووعهـ

 

[نـور]

حبايبي انتو يعطيكم العافيه على الرد الي يشرح النفس:*