يسااااافر وألا أعند .... بليز نصيحه

[فوفا فديتني]

صباح الخير ياحلوات .....

بنات انا موضوعي بأختصار ان زوجي بصراحه مو راعي سفرات بس تهاوشنا هذاك اليوم جان يقولي انا بسافر مع ربعي ثلاث ايام وبرجع انا بيني وبينكم اتضايق من السفر اخاف يخربط هناك وودي اخذ رايكم اخليه يسافر مع ربعه والا اعند وازعل عليه تكفون ساعدوني.....

 

[غيمه ظميانه]

رد : يسااااافر وألا أعند .... بليز نصيحه

شوفي سبب السفره شنو سوي روحج عاديه قوليله ماله داعي بس لا تتهاوشين

ترا بعض الرجال اذا زعل قال بساافر مثل اللي عندي يعني بس يبي يجننج

انتي خليج عاديه بس قوليله تسافر وتخليني وتدلعي عليه وقولي اذا بتروح حافظك الله بس اتمنى ما تخليني او نسافر مع بعض

لا تصكين هوشه وطلبه ترا ما ينفع معاهم باجر يعاند ويكشت فيج حى لو كانت السفره وهميه راح يحجز ويسافر عنااد

 

[ام شووووق]

رد : يسااااافر وألا أعند .... بليز نصيحه

الريال مايتعاند ساحليه وقصي عليه بكلمتين قوليله مااقدر على بعدك ومن هالحجي وان
شاءالله يهون

 

[dnyay_mll]

رد : يسااااافر وألا أعند .... بليز نصيحه

خليه يسافـر يستانـس

واخذيها فرصه عشـان يشتاقلج ويكسـر الروتيـن

ومنها تعدلين ما افسـده الدهر لووووول

اهتمي بنفسج خلطات حمامات مغربيه زيوت

وادعيله ان الله يبعد عنه بنات الحرام

 

[قاهره عذالي]

رد : يسااااافر وألا أعند .... بليز نصيحه

انتي ابخص بزوجج
اذا عينه ايغه وقليل ادب

 

[اسمي بين الاسامي]

اللي فيه خرابيط يسويها حتى بالكويت
اذا اهو موراعي سفرات وربعه خوش ناس مافيها شي خليه يغير جو
ومعروفه دول السياحه ودول الخرابيط

 

[نـــووونـــا]

رد : يسااااافر وألا أعند .... بليز نصيحه

لا تفتحين هالباب باجر كل شهرين راز وجهه بيسافر ..

لا تقلبينها هوشه لانج بتطلعين خسرانه ساحليه بالهداوه قوليله بنسافر مع بعض ومن هالكلام ..

..

..

 

[NoOoOoNa]

رد : يسااااافر وألا أعند .... بليز نصيحه

اذا واثقه فيه خليه يسافر واذا مو واثقه عاتبيه بس لا تتهاوشين

 

[$حبيبة عبودي$]

رد : يسااااافر وألا أعند .... بليز نصيحه

على حسب اذا واثقه فيه خليه يروح وانتي ابخص

 

[غــلآ]

رد : يسااااافر وألا أعند .... بليز نصيحه

بقولج كلمه


الريل صح تزوج بس هذا مايعني انج تحكرينه .. ان حكرتيه خسرتيه

وبدل مايروح غصبا عليج خليه يروح برضاج


ثانيا مو شرط ان اذا سافر يخربط

يعني احنا البنات لا سافرنا مع بعض نخربط ؟؟؟

ترى نفس عن نفس تفرق والقلب ومايهوى

وبعدين اذا خربط اهو الخسران مو انتي
باجر ربج يعاقبه

يعني اذا سوا شي غلط راح يرجع عليه ماله داعي تعورين قلبج وتفتحين على نفسج ابواب ومشاكل

انتي صح زوجته بس اللي عليج تنصحين حتى لو من بعيد لي بعيد

باختصار .. عقله براسه ويعرف خلاصه لو يبي يخربط
واصلا لو يبي يخربط ماله داعي يسافر

بالكويت على افا من يشيل خخخخخخخخ

انا اقول خليه كلها 3 ايام وقولي له روح بكل ثقه وابتسامه عريضه وتركي عنج الشك اللي ماله داعي

 

[أشبـاهـ المطـر]

مشكـلتنا الشيطـان يضخم لنا الامـور
ترضين ريلج مايسمح لج تسافرين مع اهلج
لان والله خايف لا تخربطين ؟؟

لا ياعزيزتي خلي ثقتج بربج اكبر
وعادي بسافر يغير جو ويستانس
وانتي هم بتفتكين من حنته وبصير عندج وقت اكثر
لنفسج والله يألف ويصلح ما بينكم

 

[شيخه_البيض]

رد : يسااااافر وألا أعند .... بليز نصيحه

حبيبتي ليش تفكرين هالتفكير ؟؟؟؟؟

ترضين اهوا يفكر فيج نفس ما انتي تفكرين فيه

ليش اذا مارضى تطلعون مع اهلكم او مع رفيجاتكم سويتوهم معقدين وحاكرينكم وودج تذبحينه لانه غاثج ومو معطيج حريتج وتعتبرينها سيطرة قشرة

بس لي قالكم بروح مع ربعي قلتي لااا اكيد بتخربط بسافر لاااا اكيد رايح تخربط

لو بيخربط ماراح يرد عليج بيخربط واهوا قاعد عندج

مثل ماتحبينه يعاملج ويعطيج انتي عامليه وعطيه

وشيلي من بالج فكرة انه رايح يخربط

مثل ما انتي ودج تستانسين اهوا بعد وده يستانس

مو معناته انه بيسافر خلا ص بيهاجر وينساج وماراح يسال عنج
صدقيني بيشتاق لج وبيتذكرج وبيقارن اصلا بين سفرات ربعه والسفرة معاج

واكيد بتكون سفراته معاج اونس

والله يبعدهم عن الخرابيط

 

[AUK GirL]

حبيبتي انتي سمعيني عدل

شوفي خلي الثقة بينكم الريال لو يبي يخربط يخربط من وراج او جدامج

وبعدين تحرين عمرج وتخربين حياتج على شنه سفره؟ كلهااا سفراا يعني الزين زين لو وين راح

وخليه يستانس مع ربعه عادي ومو كل الربع مو زين يوبا عادي وانا اختج خليه يسافر عشان تشتاقون حق بعظ

واذا عاندتي وزعلتي وبعدين شنو استفدتي لو سافر غصب عنج او تهاوشوتو ماتسوا عليج

 

[فديت نفسي..~]

رد : يسااااافر وألا أعند .... بليز نصيحه

مختصر كلامي
لا تخلينه يسوي من وراك ويسافر من وراك او بدون رضك بعدين
خليه يسافر و انتي قبل ما يسافر سويله جوو وحركاتك تفنني عاد
علشان على الاقل لو سوا شي برا يأنبه ضميره ولمن يرجع نفس شي علشان لو كان مسوي مايعيدها
و رجال ب طبعه مايحب حكره ولا ان الانثى تقيده هو كذا ب فطره فا يصير انه يعاندها من بعدين هو يمكن مايقصد بس فطره انه يعاند

 

[أحلى^حياه]

شنو يعني بيسافر؟!
خليه يروح يغير جو ويغير نفسيته
وبالمره يشتاقلج
والريال ماتقدرين تعاندينه حطي ببالج هالشي
اذا يبي شي يسويه مو راد عليج

 

[أم عبود 2011]

رد : يسااااافر وألا أعند .... بليز نصيحه

آنا بتحجى بناء على إنج طلبتي النصيحة

الريال ما يتعاند لو شنو كان وحتى لو كان قاعد يطفرج بنجرتج له صدقيني السالفة بتقلب صجية وحزتها بيسافر مع احترامي لج غصبا عليج ويمكن ياخذها عادة

وآنا أختج لالالالالالالالالالالالازم الزوجة تكون عاقلة وراقية بتعاملها مع زوجها والخراب موجود بكل مكان
بالعكس زهبي له جنطته بكل محبة وود وحطي له رسالة حلوة فرفوشية بين هدومه يتفاجأ فيها هناك ولا تغثينه اتصالات بس طرشي له مسجات حب ووله وترا اشتقنا لك والبيت ما يسوى بدونك موووووووووو هاااااااااااااااا وينك وشقاعد تسوي ومنو معاك
لالالالالالالالالا حبيبتي خلج أرقى من جذي

حيريه فيج ويننيه مو تناجرينه
ريل أختي كان كل أسبوع طاق شلايله ومسافر وأختي مثل المينونة أهملت بيتها وعيالها ما عندها شغل غير تدق عليه لين ما قام يسكر التلفون وقت السفر شتسوى عليها ولما طنشته وقامت إهي تزهب له الجنطة سبحان الله تغير وخف واااااااااااااااااااااايد عن قبل والحين صار له فوق السنة ما يسافر
العقل زيييييييييييييييين والعناد ما يجيب نتيجة

كاهو ريلي بسافر مع أبوه على كلامه دبي بالعكس ما شكيت فيه ولا قلت له شضمني أبوك معاك رحبت بالفكرة وقلت له فعلا محتاج إجازة من مسئولية البيت والله غير رايه
والريال تخصصه عناد ولالالالالالالالالالالا تنسين الرجال قوامون على النساء يعني بيسوي اللي براسه غصبا عالكل

كسبيه وخليه يحس إنج واثقة فيه بس بنفس الوقت تكونين مبطلة عيونج مو مدمغة ولا مع احترامي لج مثل الأطرش بالزفه بعدين يستغل هالشغلة لصالحه

يعني من كثر فلوس رياييلنا كل يوم بسافرون
ربي يهدي بالج

 

[فوفا فديتني]

رد : يسااااافر وألا أعند .... بليز نصيحه

منورين مووضوعي

فديت طلتكم ..

 

[Tulips]

رد : يسااااافر وألا أعند .... بليز نصيحه

خليه يسافر ويستانس مع ربعه لا تصكين عليه

وقولي اللهم استودعك زوجي

وان شالله ماكو الا العافيه

 

[أم عبوودي11]

لايبه لاتفتح على نفسها باب مسكر قوليله يله نسافر مع بعض ماله داعي ريال متزوج مع ربعه يروح يبه الربع خراب لاتقولون ثقه بس الريال ان فتحتيله هالباب مصخها لالالالالالالالالا والف لالالالالالالالالالالا زعلي اي علشان يعرف مره ثانيه مايفتح هالموضوع معاج مو كل مرة يقول اي بقولها وترضا ويتفق مع ربعه لالالالا وانتي كيفج هذي وجهة نظري

 

[اشتياق]

مايتعاند الريال خاصة بالسفر
كل ماياب طاري السفره غيري الموضوع
وان شاء الله يغير رايه او تكون سفرة خير
تحياتي ياحياتي