يخونها..........؟؟؟؟؟؟؟؟؟؟؟

[دلال الكويتيه]

صباح الخير



ابي منكم نصيحه جزاكم الله خير لوحده اكتشفت ان زوجها قبل شهور (مصاحب ) لبنانيه او مثل مايقول متزوجها عرفي متزوجها عرفي

القصه طويله بختصار اشلون اكشفته بوجود واقي واشياء اخرى بالسياره
وبعد .........والله استحي اقول............ ورقمها وكلمتها وهي تشتغل بمحل وراحت وشافتها وواجهتها تقو ماتعرف انه متزوج...........الخ


المهم هو اعترف وقال الشيطان شاطر وحلف مايكلمها بعد ويقطع علاقته وغير رقمه


الحين هي سكتت عشان عيالها وبيتها لاكن الوسواس والشك والله تشوفونها يابنات ماشا الله قمروسنعه مافيها عيب واحد



المشكله وينهي يابنات هذي الانسانه كانت بشوشه تضحك وتسولف وتغشمر اما الحين انسانه ثانيه بسرعه تزعل وبسرعه تعصب حتى كل اللي معانا بالدوام حاسين بهالشي لاتروح ولا تجيي بختصار أحس انها انكسرت ( لاتزعلين)


باختصار يابنات دايما احي فيها عقلها وصبرها وفوق هذا سترت عليه ومحد درا الا خواتها وانا


لما تتكلم تقطع القلب كل صبح لما تكلم عنه وشلون انها موقادره حتى تشوفه قدامها احس تعرفون اللي صوتها مخنوق حابسه دموعها وكئيبه




باختصار انا كل يوم اهديها لاكن تعور قلبي لما تقارن نفسها بهذيك مو كافي عليها فقدت الثقه بزوجها وفقدتها بنفسها مع انها حلووووه وعااااقل الله يثبتها


هي مالها بسوالف النت بس ناطره نصايحكم لها وراح اوريها ردودكم :friends:



عسى انشاء الله تستفيد وتريح بالها وتطيب جروحها



كل عام وانتم بخير

 

[ZOHOR]

لازم تكلم وتحط حد لي قاعد يصير والله يصبر قلبه واغلب الحريم يفقدون ثقة بزوج

 

[أحب الصدق وأعمل به]

الله يسخر زوجها لها ويريح قلبها ولازم تشوف تصرفات زوجها وتراقبه ولا ترضي بسرعة عليه عشان لا يقول تزعل شويه وترجع وتحطله حد تهدده ان تعلم اهلها والله يهديه انشالله علا فكرة الريال اذا انعطا ويه ياكل المرة ولا يهتم لها انشالله الله يبرد قلبها

 

[ضايعة بدنيتي]

لاحول ولا قوة االا بالله

صحيح ان وضعها حييل حيل صعب

ربي يلوم الي يلومها المسكينة ...


الي صار صار .. ما راح تقدر تمحيه ولكنها تقدر انها تتحكم بمدى تأثيره على حياتها وعلى نفسها ... كل الي اقدر اقوله لها ان رب العالمين ما يرد عبده لا لجأ له .. انصحها ومن كل قلبي وانا واثقة كثر ما انا واثقة من اسمي انه هالشي راح يهون عليها 100% ... خليها تستغفر باليوم 1000 مرة . صدقيني ساعة ما تاخذ منها وانا مجربة . سبحان الله كل شي يتغير وللأفضل بإذن الله

خليها تقوم الليل ... تبكي لربها .. وتدعي من كل قلبها .. وتقول ( يااااااااااااااااارب ) من كل قلبها . سورة البقرة الي سبحان الله لها اثر عظيم عظييييم عظيم . تقراها كل يوم ما راح تاخذ من وقتها الا ساعة بالكثير ساعتين ...

بالاخير . ما نقدر الا ندعي لها

عسى ربي يفرج همها ويمسح على قلبها وياجرها في مصيبتها ويجازيها كل الخير على صبرها وتحملها .. ويارب يهدي زوجها لها ويسخره لها ويجملها بعينه و لا يشوف غيرها ... اللهم آمين

 

[*peace*]

رد : يخونها..........؟؟؟؟؟؟؟؟؟؟؟

مالومها والله

ان شاء الله مع الوقت تنسى وبتعرف ان مايسوى كل هالزعل عشانه !

اهم ماعليها نفسيتها وعيالها واهم شي اهم شي ثقتها بنفسها

لاتبين لزوجها انها موواثقه بنفسها ومن هالحجي

خلها تبين له ان تحمد ربك ليل نهار انك متزوجني وماتلقى نفسي لوتموت !!

الله يعينها

 

[قلبي سلومي]

رد : يخونها..........؟؟؟؟؟؟؟؟؟؟؟

الخيانة تكسر الظهر

وتكسر كل شي زين فيج ااسأيني انا
والرجال مايصبر مع حرمة وحدة لازم يخون
قوليها الاستغفار وخلها على طول الخط مع زوجها
ولا تتركه له فرصة وحدة وخل تغير معاملتها معاه عشان يحس بقيمة الجوهرة اللي عنده

واخيرا الاستغفار والدعاء
الله يهدي لها زوجها

 

[Tulips]

رد : يخونها..........؟؟؟؟؟؟؟؟؟؟؟

الله يعينها ويصبر قلبها

 

[زوجة عزيز]

الله يسخر زوجها لها ويريح قلبها ولازم تشوف تصرفات زوجها وتراقبه ولا ترضي بسرعة عليه عشان لا يقول تزعل شويه وترجع وتحطله حد تهدده ان تعلم اهلها والله يهديه انشالله علا فكرة الريال اذا انعطا ويه ياكل المرة ولا يهتم لها انشالله الله يبرد قلبها

معاها حسبي الله عليه قهرني

 

[عادت ذكرياتي]

الله يمسح على قلبها يارب ويهدي ريلها ويبعد عنهم هالأشكال .....

 

[الدلوعه2008]

الله يصبرها يا ربي

وقولي لها لا تنسين ربج اذا لجيتي لربج بتشوفين كل شيء يتغير مالج لا ربج

 

[فاقده ابوهاااا]

رد : يخونها..........؟؟؟؟؟؟؟؟؟؟؟

والله تكسر الخاطر عاد الوحده تنكسر لي اكتشفت ان ريلها خانها ومع منو مع .... بعد زواج عرفي الله يعني داق الشرف وايد الله يستر عليها ويهدي بالها وتحط بالها منه وعادي حبيبتي تقدر تذله على هالشغله ولا تحاول تبين له ان سامحته خلاص واهي فعلا ما تقدر تسامحه بسهوله او تنسى الي صار بس تحط بالها ولا تخليه يطلع او يبات بره ولا سفرات ولا هم يحزنون ويبوس ايده ويه وظهر ان زوجته للحين باقيه عليه وما هزأته بالمحاكم

 

[أم حوور]

الله يعينهااااااااااااااا


الخيااانه تذبح


وصعبه الخيانه تنسي مهما كان ...

 

[لمسه حزن]

رد : يخونها..........؟؟؟؟؟؟؟؟؟؟؟

حبيبتي

قولي لها الكلام هذا

لو كل انسان ينهزم من اول لحظة انكسار

ماعشنا و لاصارت عندنا تجارب بالحياه

ومافي انسان معصوم عن الخطا و مافي حياه مثاليه

بالايام هذي

ان الله غفور رحيم

تسامحه و تنسى لكن

تكون حذره و تتلافى اي خطآ

حصل في الماضي

تراجع نفسها شنو في بالانسانه هذي

ممكن تعطيه لزوجها مو فيها

ماقول انها مو سنعه ولا غيره

لكن قد يختلف الاسلوب

بس

مو اكثر

خليها تكون رقيقه و دلوعه وصبوره

ترا الصبر

يخليها تتحمل وتروق و تطول بالها

لان الناس

مالها علاقه في مشاكلها الاسرية

عشان ماتخسر صدقات

ولا تخسر اشخاص

ممكن يكونون عون لها في يوم من الايام

وبس

ربي يوفقها و يسخر زوجها لها

 

[ريماس77]

رد : يخونها..........؟؟؟؟؟؟؟؟؟؟؟

اكو ريال مايخون0000نادر جدا ينعدون عالاصابع ويحلف ويحلف مايعيدها ويطلع جذاب ماكو فايده

 

[مشكلتي حبك]

رد : يخونها..........؟؟؟؟؟؟؟؟؟؟؟

والله ما ألومها...اذا الوحده عطت كل شي وادور رضاه ادوره ويخون ويعني مرقعها متزوجها ...اكيد بتنصدم...
انتي رفيجتها حااااولي اتطلعينها من جو الكأبه... ولا تفتحون مواضيع الخيانه قدامها تقعد تتذكر كل شوي..والمرأه تبي تنسى
ولا تصير نفس اول بتعاملها ودلالها..عااااااااااااااادي ..خلي الوضع عادي خالي من المششاعر لين يحس علدمه ويراضيها ويداريها... اللالل

 

[a7la_7b]

الله يصبر قلبها ويهدي زوجها حسبنا الله ونعم الوكيل

 

[صمت المرافئ]

رد : يخونها..........؟؟؟؟؟؟؟؟؟؟؟

الله يعينها
عسى الله يمسح على قلبها بردا وسلاما
تصبر علشان عيالها
وتحاول تتناسى
والزمن كفيل ينسيها الجراح
وتدعي الله سبحانه يهدي زوجها
دعواتي لها ​

 

[كادى 40000]

رد : يخونها..........؟؟؟؟؟؟؟؟؟؟؟


لاحول ولا قوة االا بالله

 

[miss_jamsheer]

بعد عمري والله الخيانه صعبه على قولت فوزيه الدريع نفس سجين غارسها بقلبج اكيد الحين السالفه حاره وراح تفقد الثقه وتشك بس شتسوي دامها تحملت واصبرت شتسوي بعد تنطر عليه وتشوفه اذا صاج ولا لا وتحاول تعطيه الثقه مع الايام انشالله جرحها يبرا

 

[دلال الكويتيه]

كل وحدة ردت على الموضوع جزاها الله خير


ماقصرتوا وياليت تنصحونها بعد اشلون تلفت انتباهه أو تنقده على نفسه لان ماعندها الا البجي والتحسر