يحبني ..وأنا مااقدر

[jowls]

سلام بنات شلونكم...
بقولكم قصتي وأتمنى تشاركوني وتنصحوني :eh_s(17)::eh_s(17):
بإختصار في واحد من الأهل يقول إنه يحبني من زمان ويبي يتزوجني
من لما كنا صغار كان يقولي هالكلام وأكثر من مره طلب يكلمني وأنا ماارضا
كنت أقوله عيب هالكلام أنا مستحيل أكلم وهالشي خلاه يتعلق فيني أكثر...
بس أنا ماني قادره أتقبله هو حرام مافي شي بس ماأدري ليش ماني قاده أتقبله وهو عباله انا ماأبيه عشان هو جيكر!! بس موهذا السبب أنا عندي الريال موبشكله آخر همي شكل الريال.. والمسكين كل مايشوفني يقعد يخز ويطالعي من تحت التحت ..آخر مره دريت إنه طلب من امه تخطبني وردت عليه :أنته من صجك هي ماتواطنك لوتشوفك ترجع!!! وبصراحه انا إنصدمت حرام مابي ياخذ عني فكره غلط وإني مغروره والله موبيدي ماني قادره أتقبله كزوج (يمكن لأن شخصيته ضعيفه وأنا العكس) والحين انا عمري 27 وماتزوجت كل ماأنخطب تتفركش يمكن حوبته... ابي النصيحه لي خطبني اوافق وإلا لأ يمكن بعد الزواج أحبه؟؟
أرجو الرد...

 

[الشيخة@]

يابنت الحلال استخيري
امكن الله كاتبلش تخذيته

 

[هيبة فتاه]

عمرج 27 اختي شناااطره ترا كل ما كبرت البنت قلت فرصهآ
اذا صااار واخطبج وااافقي وانتي مغمضة وموووفقة

 

[jowls]

مشكورين خواتي على الرد أكيد بأستخير والله كريم

 

[عظيمة الشان]

هلا حبيبتي

جوفي هاي زواج يعني عمر وعشرة عمر بعد

فكررري زين مازين واستخيري

واخذي الي يحبج لاتاخذين الي تحبينه تتعذبين

واذا شاريج وريال زين لاتبيعينه

توكلي على الله

ونادرا ماتلاقين حب في هالزمن

وبالتووووووووفيق حبيبتي

تحياتي​

 

[غلاتي غلا]

ماخاب من استخار ربه

 

[jowls]

إي والله صاجه حبيبتي مشكوره عالنصيحه

 

[Tom ♥ Jerry]

.،


حبيبتي أول شي استخيري مو على بو آنه وصل عمرج 27 و ليلحين مآ تزوجتي تتسرعين
ترا توج صغيره و العمر جدآمج
و بعدين دآم آهوة من الآهل اخذي راي اخوآنج .، و آمج و آبوج فيه .،
و اذا خطبج مره ثانيه . ضروري تنمين شخصيته
ترا كلش مو حلو الريال ضعيف الشخصيه كلش مو شي ديري بآلج
يأثر هالشي عليج و عليه و على بيتج و على عيالكم بالمستقبل اذا الله كتب لكم نصيب
اقري عن شخصيته و توآصلي مع متخصصين عشان يساعدونج
آنه تخلينه ريال ببمعنى الكلمه (=

 

[krkooora]

انا اقول استخيري
يمكن هذا اللي طايح من عينج يهنيج و يسعدج ماتدرين

 

[الغلا كله لبوي]

الله يكتبلج الي فيه الخير تقربي من ربج بالدعاء والاستغفار والصلاه اخر الليل
ودعي اذا كان فيه خير لج يكون من نصيبج واذا لا يبعده الله عنج
صدقيني مافيه احلى من تقرب لرب العالمين فراج الهموم وسامع الاصوات ومجيب الدعوات وربي يوفقج

 

[jowls]

مشكورين خواتي على التواصل والنصائح

 

[عالمي انا غير]

حبييبتي والله بتندمين حب اللي يحبك ولا اللي تحبه

نصيحة لاترددين واذا ع شخصيته ترى المره تقدر تغير الرجال حرام يختي وعمري مو صغير ترى

 

[أم بدر المطيري]

انا قلت فيه شي جايد الريال علشان ماتحبينه والله ماعندج سالفه لاتزعلين يعني اذا الواحد يحبج اشتبين بعد تنطرين واحد يذلج وعصبي وصراخ وتعذبين معاه شوفي استخيري وشوفي شنو ربج كاتبلج والله يهنيج حبيبتي وننطرج تكتبين موضوعج بركن العرايس انج تبين اجهزين فاهمه الله يوفقج ويسخرلج اياه ياااااااااااااااااارب

 

[*الشيـــهـانـة*]

استخيري ياااااابنت

 

[q8dvd2000]

الله يكتب اللي فيه الصالح

 

[أم توتو]

ماكو احسن من الاستخارة استخيري والله يوفقج

 

[fdeet_shosho]

حبيبتى الله يوفقج ويكتبلج اللى فيه الخير
اهم شي اخلاق الرجال ودام تعرفونهم من عمر اكيد تعرفون اخلاقه هل هو راعى سفرات بنات مغازل ؟!! هذا تتعبين وياه
اما اذا الولد زين ومافيه شي ليش الرفض لاتاخذين عالشكل باجر مع العشرة بيصير بعيونج ملك جمال الرجال باخلاقه واسلوبه وتربيته وانه يصونج ويحترمج مو بشكله
والله يوفقج

 

[عاشقة هواك]

اذا انتي شايفة انج مو قادرة تتقبلينه كزوج لا توافقين باجر شلون تجابلينه وانتي مو قادرة ترى هذا زواج

وعادي حتى لو عمرج 27 شنو يعني انا رفيجتي قالت لي عندها وحده من اهلها وصلت بالثلاثينات يلا تزوجت

ويوم تزوجت الله رزقها بريال يحبها ويموت فيها

 

[*ريما*]

اذا مو مرتاحة لة لاتوافقين
اهم شي الراحة
وموفقة

 

[SUCARA]

انا اقول استخيري
يمكن هذا اللي طايح من عينج يهنيج و يسعدج ماتدرين

:eh_s(15)::eh_s(15)::eh_s(15):

وافقي على اللي شاريج ويركض وراج من صغرج
ابشرط ذا شفتي انه امه زينه وتنبلع وافقي غيره لااااااااااااااااا