يجذبون على بعض وانا الي اتفشل

[PinkY Dreams]

السلام عليكم بنات

بنات ادش بالموضوع على طول

مشكلتي مشكله عويصه مالها حل اهئ اهئ

انا الي يجذب علي من اهلي سواءا بنات خالاتي ولا عماتي بسرعه يطيحون من عيني

واذا شفت ريلي أو أبوي أو خواتي ( امي ولا مره جذب ) يجذبون علي ماأصدقهم بس مايطيحون من عيني لاني احبهم مع انهم لما يجذبون جذبتهم سخيفه ومالها داعي

انا عن نفسي والله ولا مره جذبت على اهلي ماأعرف أجذب اصلن اذا جذبت لازم افكر وافكر قبل ماأجذب واتذكر بيوم ملجتي ضليت يوم كااااااامل ودي اجذب على ريلي واقوله اني تعبانه علشان اتدلع عليه ويقولي كلام حلو لوووول

وأتذكر قبل جم شهر يتلي وحده من اهلي قالتلي اذا سألتج ( غنيمه ) عن بدلتي لاتقولين لها الصج جذبي عليها قوليلها اي شي
جان تيي غنيموه وسألتني عن بدلة الي تصيرلي جان أقولها الصج شرته من الافنيو ههه
و جان غنيمه تدقت على الي تصيرلي وسألتها من وين شريتي بدلتج و عاد الي تصيرلي قالت لها من الرايه جان تقولها غنموه بس بنكي دريمز ( الي اهي انا ) قالتلي من الافنيو جان تتخصبق الي تصيرلي وتتوهق وتقول لااااا اكيد بنكي دريمز عبالها البدله الثانيه خخخخخخخخخخخخ
واااااااااي لا مستحيل مش ممكن نو ويييييييييييييييه ماأعرف اجذب شسويييي لازم أفكر قبل ماأجذب ماأعرف أطلع الجذبه بسرعه




ف وايد بنات كرهتهم بسبت جذبهم وطاحوا من عيني على طول

وفي بعد مشكله ثانيه فيني انا بسرعه احب وبسرعه اكره :eh_s(16):

 

[منو انت]

شوفي لو الجذب له سبب مو مشكله واللي يجذب عليج بدون سبب يعني لو احد يجذب علي علشان ماازعل اقول اوكي لو احد يجذب علي علشان ماانصدم اقول ماشي المصيبه ناس تجذب بدون سبب وهذا اللي يقهررررج صج

 

[رآآحٺ آيآمڪْـ]

نفس كـلآم [منؤ آنت ] !ّ

 

[هيبة الطاووس]

نفسي صراحه ماحب الجذ ب المشكله اللي يجذب يجذب على روحه مو على الناس
آنا حمواتي يجذبون عليْ وبنفس الوقت اصيدهم تخيلي جذبو ان بنتهم حامل بصبي
وقالو بنت وآنا من شهرها الرابع صايده عندها لحاف ازرق هديه من خالتها
بالإمارات وموديه لبنتي لحاف وردي شنو معجزه قلب صبي لا وبعد على سرير
البيبي يقولون لقينه مع تلبيسته ب60 اقص ايدي اذا مو التلبيسه الزرقه مالت الإمارات
بس راح افشلهم اذا صج .

قهر والله قهر ليش يجذبون لا وحماتي لصغيره رايحه لإختها بالإمارات علبو بتسوي عمليه
وشايفها زوجي معاه بالحج وهم فشلها وقال لها وين العمليه وخوفتينا وانتي بالحج

أمانه ما يطيحون من عيونكم عيل آنا شلووون

 

[chanel N22]

انا مايبط جبدي الا اللي يجذبون جذبه مالها داعي شدعوه على طلعه ولا لبس ولاشي سخيف يجذبون امبيه حده يطيحون من عيني
شكلج رجعتي الكويت حمدلله على سلامتج
يارب ارد الكويت بالسلامه

 

[بيتي بوب بس كويتيه]

عادي يا كثر الي يجذبون واصيدهم بس اسكت شسوي فيهم

 

[Babies setter]

أنا لو وحدة جذبت علي ورررر في سلة المهملات على طوووول مهما كان السبب مافي شي يبرر الجذب اليوم تجذب بشي بسيط باااجر تجيب لي المصيبة الباب اللي يجيك منه رييييح سده واسترييييح ختولي طلعيها هي الجذابة وقولي لغنيييمة انج سألتي صاحبة البدلة وقالت لج من الافنيوز وبجذي تطلع هي الجذااابة

 

[هيبة ملك]

الكذب حبلة قصير

 

[عسل سل]

نفس مشكلتي احقتر الجذااابه الي على غير سنع اوكي جذبي بس على الاقل بحدوود ههههه
في اشيااء ماتتصدق اعوذ بالله

 

[moony qtr]

الصراحة ماله داعي الواحد يجذب لانه ما راح يستفيد شي .. حبل الجذب قصير بسرعة راح يكتشفون جذبته
بس ممكن الواحد يضطر للجذب إذا في حل خلاف أو شي من هالقبيل

 

[بدلية]

انا الي لاحظته ان اغلب الي يجذبون هدفهم جلب الانظار وكسب عطف الناس وهذا شي غبي :\

 

[كادى الحب]

ماتسوى على الصدق احسن

 

[رهــKSAــــف]

في بنات عليهم كذب موصاحي ماينصدق ابد
موزين الوحده تكون كذابه

 

[ونـــة خفوووق]

واللــــه في بنات تعطيج الجذبـــه من تحت لي تحـــت جنهــا العيـــد

 

[ام الدرر]

واذا مرة كبيرة شتسوين
والله ماودي اسولف وياها عشان ما تجذب ويصيرعليها ذنوب
والمشكلة تنكشف بلسانها
تحلف لج تعبانة ماطلعت مارحت مكان
وتطيح بلسانها عقب شوي
مرني فلان ومالقاني
انا وين اروح الطبيب ومريت الجمعية شوي
ولا ما ادري عن فلانة (بنتها )ما كلمتها يومين
وتدق فلانه بروحها ومع السوالف تقول اليوم الظهر مكلمه امي
المشكلة اني ما اسال ولاأحب انبش وراهم بس هم فاضحين روحهم
عسى الله يهديهم​

 

[miss_jamsheer]

انا مااعرف اجذب احس بسرعه انصاد واكره شي بالدنيا لما اتكلم واكون صاجه اللي جدامي يجذبني ودي انتفه مااحب احد يجذبني ولا عنده اني قاعده اجذب

 

[زهرة ديسمبر]

الله المستعان في هالزمان ما تعرفين الكاذب من الصادق ..

 

[عيون ابوها]

انا مره وحده جذبت على تقول شريت لي بلوزه من استبس خخخخخخخخخخخخخخخ < فضيحه


عادي ياكثر اللي يجذبون احس فيهم نقص استغفر الله

 

[عيون الشيخ جابر]

خخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخ


انااللي يجذب ويسالني يصير وجهي علم البحرين هههههههههههههههههههههه اما اذا طحت علىوحده تجذب افصل ضحك