يتعرف على الفرق بين البنت و الولد!

[جكرونه]

السلام عليكم


ابلاتنا الحلواااات بلييييز ابي مساعده عندي حلقة بكرا عن يتعرف على الفرق بين البنت او الولد وانا تربية عملية موعارفه شقول فيه الله يخليكم ساعدوني شلون ابدأ الدرس وشقووول فيه التعبيري عندي صعب وااااااااااااااايد موعارفه شسووووي تكفوووون طالبتكم ابي افكار ومسابقات

 

[* @ * كرستال * @ *]

أتمنى من المعلمات كتابة الدروس بالصفحة
عشان الكل يستفيد
لا تتبعون طريقة الرد برسائل عالخاص​

 

[جكرونه]

مشكورة حبيبتي على ردج بس ياليت تفيدينا لو عندج اي كلام او افكار للهدف الخاص وشكرا

 

[خضيرة]

المنبة عبارة عن صندوق به فستان ودشداشة يحظرها طفل عن طريق الخطوات وبعدين تسالينهم من يلبس الفستان ومن يلبس الدشداشة ما الفرق بين البنت والولد الولد شعرة قصير والبنت طويل وتلبس حلق وتضع على شعرها شباصة والولد لا مع عمل مسابقة تركيب صورة بنت وولد على اللوحة المغناطيسية

 

[أم مريم2]

ممكن ترسمين دائره
ثم اعيون ثم اتكملين الوجه
وبعدين ادا قالوا هدا ولد قولي اشدراكم انه ولد
لان شعره صغير وبعدين تبدين الحلقة
دعواتج

 

[أم مريم2]

وادا قالوا بنت قولي اشدراكم انها بنت
وارسمي لها شعر

 

[anona79]

من لعبة لظم الخرز سوي قلادة

 

[بقايا همس]

لللللللللللللللللللللرفع

 

[عطري الشوق]

وعليكم السلام والرحمه


موفقه خيتو وعقبال ماتطلعين من ميداني بامتياز وبجداره ذكرتيني بالسنه الي طافت كنت نفس حالتج


المنبه راح يكون من البوربوينت يوصلون منه الي بنت

وهمن هالمنبه سويت له كبي من الموضوع الثابت عن افكار انا الانسان



عندي منبه وااايد حلو يضحك اليهال ويونس المرفه والموجهه سويته واليهال كيفوووووو
المنبه : اتسلمين عليهم وبعدين اتقوليلهم ،،، اطفال بالامس ذهبت الى السوق واشتريت لكم ملابس جميله لتردتدوها في ركن المنزل اتحبون اتشوفين اشريت ؟؟؟

بس اول شي ابي طفلين بقايس الملابس عليهم منو يشاركني ،،، امممممم " اخناري ولد وبنت "
خليهم واقفيه عندج
بعدين طلعي الملابس ،،، دشداشه وقحفيه ، ونفنوف وجنطه وايا شي في بالج
بعدين عطي الولد لبس البنت ،، والعكس ،، عاااااااااااااد شوفي الصدمه
لووووووووووووووول
راح ينصدمون وقوليلهم يلا قايسوهم ،، اشفيك فلان يلا البس ،، اشفيج فلانه ابسي ،،، طبعا ما راح يرضوووون واليهال بيضحكون وسوي روحج ما تدرين
لماذا تضحكووون ،، طبعا بيقولووون ما يصير وجذي اهني عاد صلحي الوضع وناقشيهم بالفرق