يتحرش اهوا مع مرته

[عاشقه رويشد]

السلام عليكم حبايبي شلونكم عساكم ابخير

انا بدش بالموضوع علي طووول او بالاصح اهو موضوعين ..

امس انا كنت رايحه مجمع واحنا طالعين وهذي ثاني مره اصادف

هنوعيه من الناس ..

واحد ويه مرته حتي والله شكلهم معاريس وريلها عيونه زايغه

ما بقي احد ما خزه اهو وياها ماسك ايدها ويقول حق مرته

شوفي جسم هذي ووشكل هذيج امبيه يعني ويه مرتك

اذا انته مو محترم نفسك احترم مشاعر مرتك

ماادري اذا اهياا جذي ماا دري شلون ترضي ريلها

يتحرش وساكته ...؟؟؟؟



واهي بس تضحك شنو هل قله الادب صراحه

جنه طالع مع واحد من الربع مو مرته تتوقعون ليش اهو جذي

ولا يستعبط ولا شخصيته جذي ...؟


ثاني شغله اللي بتكلم عنها واهياا الخز بالكوويت

ليش خاصه بالكويت يعني اذا شفنا شي غريب او اي شي


لاااازم نخزه ههههههههههههههه ماادري انا احس شي صار فطري

يعني مثلا اذا وحده لابسه لبس شوي عاري نقعد نطالعها وما نوخر

عيننه عنها او واحد شكله غريب وصابغ شعره نقعد نخز


بس لما نسافر براا دول اجنبيه ما نشووف هشغله هاذي كل واحد



بحاله محد يخز احد ...


رايكم يهمني ...​

 

[*girly-pink*]

اي حبوبه هذيلي اللي يخزون ابتلوا امرض العتاويه لازم يخزون لانه فيهم نقص والله معروفه والله ليش الخز محد يخز اله الناقص وانا احسن نصيحه خزي اللي يخزج وشوفيها اذا مانزلت عينها بالقاع ووخرت وله قوليلها خير في شي وشوفي اشلون بتدوده للانه للاسف الناس اللي جذي ماكو حيا والواحد لازم ينزل لمستواهم علشان يتادبون
وبالنسبه حق اللي مع مرته هذا ديوث استغفرالله موريال ولا يخز بالحريم ويعلق واشكره جدام مرته وماتدرين اللحين الحريم يبون الريل مولاقين اتشوفينها وحده منهم وتماشيه بكل شي راح زمن الريايل وزمن المرة اللي تزعل وماترضى على نفسها اللحين زمنه المرة لازم اداري الريال وبس اهي بطقاق مولازم للاسف

 

[PO PO22]

لالا صراحه انا اذا شفت وحده لبسها عاري اخز عادي واطالعها بنظرات يعني استحي ع ويهج وين الحيا وين الاخلاق شهاللبس الفاصخ
احنا عرب ولنا عاداتنا وتقاليدنا واذا شفنا احد مهبب بعمره ولاشي تلاقينا نخز فيه خز ليما يكره روحه خخخخ

 

[تمنيته]

انا طفاااااااارتي اللي يخز .. وانا مومن النوع اللي يخز .. ولما اشووف احد يخزني لازم ازفه ماااااااقدر ((قصدي البنات )) اقولها نعم شتبين

 

[هيونه.المزيونه]

الناس ما تخز ابد الناس تستكشف عادي

كل دول العالم جذي مو بس الكويت بحكم سفراتي فرنسا اكثر شعب يخز

معروووف عنهم لا واليابان غير الخز يصورون

 

[G!RLooNa]

قليلين ادب انا مرتين متحرشين فيني رياييل ويا حريمهم مالت عليهم مره من المرتين كان ويا مرته وعياله بعد بس اهوا ماشي جدام والمره ورا لاهيه ويا اليهال والاخ قاعد يغازل :/

 

[G!RLooNa]

بعدين يقولون بنات ابليس شوفي ريلج اهوا اللي عيونه زايغه ولا من يا صوبه وعلى فكره انا متحجبه و ما اهول بلبسي ولا مكياجي ولا احط ابراج فوق راسي يعني عشان ما تقولون انتي منج مخليته يتحرش فيج :/

 

[طرف دمعه]

اي والله بطت جبد
ماتلاقين غير الي عندهم عياال وحرمه ويتمشى معاها ويقز
استح على ويهك عندك حرمه وعيال
شنو مستقبل عيالك عيل !!
نفس ابووهم حمدالله والشككككر
طالعين لنا بطلعه يديده

 

[شــــــــــــــوقــــه]

الاجانب لان ما عندهم شي اسمه حرام

احنا عندنا اسلام و حيا و خوف من الله

اكيد نستغرب لما نشوف احد فاصخ الحيا مره وحده

واذا على الاشكال و الصبغات اهم الي يهولون بروحهم و بعضهم يسوون جذي عشان يلفتون الانظار والله

 

[روح امها]

اي وايد في من هالاشكال اولهم طليقي اشكره كان يخز البنات جدامي
ناس ما تستحي

 

[ايمان80]

عادي حبيبتي
تعيشين وتشوفيييين

 

[دنيتى زوجي M]

اي والله تعيشين وتشوووفين ..!!

 

[brettey]

الخز اذا وحده شكلها يفشل ولا شكله يفشل قلعتهم اهم الي يابوه حق روحهم يعني وحده لبسها حيل عاااااري وتكون كويتيه صعبه الصراحه اكيد بنطالعها اهم يبون الناس تخزهم
لكن فيه ناس تخز على الفاضي والمليان تشككج ان فيج شي
وسالفه هالي يتحرش جدام مرته واهي عاجبها الردى منها لو هذا ريلي جان ذبحته اصلا افشله جدام الاوادم واخليه بيزه مايسوى

 

[حبـ admant ـك]

اللي يتحرش مع مرته هذي قليل ادب و مرته مافيها ذره غيره

وعن الخز هذي شي فطري في الناس ههههههه

 

[marimor]

قطيييعه مره صارتلي يوم كنا رايحين السعوديه
والله مرته قاعده تمشي يمه واهوا ماشال عينه عني يامال عينه البط
واهيا عادي جنها متعوده عالوضع
قللللت ادب

 

[فاطمة82]

لا انا نظامي اوربي ههههه
ما اخزخز
حده النظره الاولى شي عجبني والا ماعجبني ما اقدعد اخزخز
وادري المرضى الحواليني يخزخزون بالكل حتى انا يخزوني مع انه مافي شي لا لابسه شي غريب ولا فيني شي غريب ولا حتى لامه زوجي ولا طاعه معاه ولا مسويه اي شي اللهم ماشيه بحالي تقولين كائن غريب يمشي وخاصه البنات تخزز وحش وتعيب جنه اهم السنع كله مافي احسن منهم احس خزاتهم حتى لغيري فيها دايما حسد اعوذ بالله

 

[أمواج البحر]

غير هادف