يبيلي تغيير

[كنوستي]

السلام عليكم انا كلش مالي بالاستثمار والتجارة بس لما دخلت هل قسم تشجعت فودي اتغير واصير نفسكم وانا توني ابداية حياتي فودي تساعدوني بأفكاركم الحلوة شنو اقدر اسوي ب5 الاف ادري مبلغ بسيط بس لو فكرة محتاجة اكثر بشوي عادي ممكن اجمع لين اوصل المبلغ المطلوب وحبيت اقول اني موظفة يعني مرتبطة للصبح

 

[M!SS.LOBY]

الله يوفقج
عندج مشروع صالون خدمة منازل يبي عاملتين وحده هنديه وثانيه فلبينيه وسوي خدمات منزليه شيره+حف+استشوار+نقش حنه+حمامات للجسم+تنظيف بشره+بدكير ومنكير خلطات جسم بالفواكهه والريحه طيبه وصدقيني مشروعج مايتعدا ألف دينار وراح تربحين بأذن الله أدرسي المشروع والحجوزات عن طريقج والأسعار وأنتى وصليهم بنفسج للبيوت وحددى الأسعار وقولي للزبون نطلع خدمة منازل فوق عشرين دينار وأنتى حسبي جم تكسبين بالأسبوع والخدامتين عطيهم راتب بالشهر100دينار والنوم والسكن والأكل عليج مو خسرانه شي والله يوفقج ويزيدج

 

[ام غازي 2012]

موفقه

 

[كنوستي]

تسلمين حبيبتي فكرتج حلوة بس وين القى الايدي العاملة اذا تعرفين بروفشنال شوري علي

جزاج الله خير تعبتج معاي

 

[M!SS.LOBY]

يامعوده خليها عالربج
حطي اعلان بأحدى الجرايد الأعلانيه (مطلوب عاملات صالون) باللغه العربيه والانجليزيه والهنديه كتبي الأعلان راح يتصلون عليج يدورون شغل سوي مقابله وأتفقي معاهم وفهميهم الله يوفقج ولكل مجتهد نصيب

 

[خلطات المذهله]

وايد حلوة فكره الخدمه المنززليه بصراحه التجاره مو هوايتي عشان جذي انا فاشله فيها رغم شطارتي بشغلي

 

[كنوستي]

ماقصرتوا انطر بعد افكار واقرر

 

[(*ام عهــــد *)]

شوفي الخاص

 

[lebanon night]

ادخلي عهل الرابط فيه كتير أفكار مفيدة

وانتظريني قريبا حنزل موضوع عن افكار لمشاريع

 

[كنوستي]

تسلمون حبايبي على الردود ماقصرتوا

 

[كلي لحبيبي]

-اول شغله


تقدرين تييبيلج ٣ فلبن وتسوين شركة تنظيف خدمة منازل ال٥ ساعات ب١٠ دنانير حييييل انتشرت هالشغله وحيل مطلوبه
والافضل انج تييبينهم على حسابج عشان ماتخسرين على كل وحده ٨٠٠


يعني لو عندج ٣ فلبينيات
كل يوم يطلعون مره وحده اقل شي هذي ٣٠

٣٠ x ٣٠ = ٩٠٠ دينار بالشهر مبدئيا بس
لين تكونين لج قاعده عند الزباين
يعني بعد ٣ الى ٦ شهور بالكثير مدخولج يطلع بـ ٢٠٠٠ دينار شيلي منها راتب العاملات كل وحده ١٠٠ الصافي لج ١.٧٠٠٠ دينار .. حلوووين !! تقدرين فيها تييبين لج فيها عامله زياده او سايق خاص


-ثاني شغله

تقدرين تطلبين شغلات من النت تكون غريبه مثل مواعين انتيك او حتى اثاث او كفرات السراير حييل هابين فيهم وتعاملي مع بنت تسويلج موقع لج بسعر مايتعدا ال٨٠ دينار اتوقع واعرضي فيها شغلج


- ثالث شغله

تقدرين تشترين ٣ باصات توصيل طلبه قيمة كل باص بـ ١٢٠٠ تقريباً وتضمنينهم على سواويق وكل شهر يعطونج مبلغ ونفرض انه ٢٠٠

٢٠٠ ب ٣ = ٦٠٠


- رابع شغله


انطري الذهب ينزل ويروحي اشتري جم طقم
ولا ارتفع ردي بيعيه بطلع لج سعره ونص على حسب القرام ..





ان شاء اني فدتج ومابي الا دعاء بظهر الغيب حبيبتي

 

[كنوستي]

حبيبتي الله يوفقج دنيا واخرة ويرزقج باللي اتمنينه افكارج خطيرة ماقصرتي

 

[ماكواسم2]

كلي لحبيبي مشكوره مع اني مو صاحبة الموضوع