يا ويل قلبي عليك يا اخوي

[انا بطة]

السلام عليكم بنات شلونكم ممم عندي مشكلة وهوه اخوي طبعا البجر و ودنا يوم الي انجوفة معرس و من نفتح معاه موضوع الزواج يهيج و يعصب و يقول مالكم خاص فيني مابتزوج و نرد نفتح الموضوع بين فترة و فتره و نفس الحالة لين ما هلي تعبو و سكتو عنه انا قلت يمكن فية عين ولا احد ساحرة بس كلمت شيخ قالي لتفكرين بهل الطريقة اهوه مشاءالله طيب و الكل يمدح فية زين ليش ماتزوج مادري المهم من فترة قلت له اعرف وحده حليوة و مستورة اخلاق و جمال انت بس جوفها عقب 3 اسابيع تقريبا قالي اوكي بزوور و شافها و قالي اوكي عجبتني طبعا احنا طرنا من الفرحة و عشنا علي امل يوم ثاني قلت خلاص اكلم الوالده قالي لالالا ليش بس غيرت رايي انزين ليش شفيها يقول مافيها شي كاملة و الكامل الله بس ماابي يعني بطت جبدي :eh_s(4): انت معترف لانها عجبتك و جفتها شتبي بعد وايد متعب و اهوه طاف ال عمرة بدايت ال 30 و هلي معورين قلبي يعني شنسوي و شلون اعرف اذا مسحور ولا عين تعبت نفسيا انا احس شي جنه ميودة من رقبته يبي بس مادري الصراحة

 

[عمرها السعودية]

خذوة عند شيخ يقرى علية وشربوة ماي مقري فية من غير مايدري وبيتضح لكم

ان كان مسحور .. وان شاء الله تفرحون فية وتشوفون عيالة

 

[MoRhAfat a7sas]

أمممم مو شرط يكون مسحور يمكن حاط في باله وحده و حابها
خلوه ع راحته لا تضغطون عليه
مثل اخوي خليناه لين قال دورولي وحده
و اخوي كان وحدينا و كان ودنا بس يتزوج و الحمدلله
كاهو الحين متزوج و فرحنا فيه

ان شاء الله ايي اليوم و تشوفونه معرس

 

[وردة الحياة]

اخوج يحب..وشكله متعلق بوحده...او ناطر وحده


قعدي معاه قوليله منو؟؟ راح نوافق عليها

 

[انا بطة]

امين ايي معانا او يروح بنفسة حق يقرون علية مستحيل مايحب هل الاشية و حب لالا ابدا مو مال حب جان بقول و بيفكنا حتي قلنا له اذا تحب قول بنخطب لك الي تحبها لالا مافي

 

[كتكوته عسوله]

خلوه على راحته لين ما يهدى واهو يقولكم ابي اتزوج شوفي اختي الريال ما تقدرين تقنعينه بسهوله او تضغطين عليه ويوافق لا مستحيل اهو طول ما اهو حاس انه عليه ضغوط صدقيني ماراح يوافق لأنه يحس انه مجبور رغم انه له الاختيار وسالفه السحر لا ابد مو شرط شيلي هالافكار من مخج يمعوده الحين بهالزمن البنت ما تقدرين تضغطين عليها عالزواج هالمره ريال ؟؟؟؟ لا لا انسي ولا توسوسين وبعدين يمعوده لاحقين على شقا الجنه وعوار الراس ويا الجنه لاحقين خير اصبرو وانتي هدي اهلج لا تشيشينهم زياده بالركاده والهدوء كل شي بيتم ان شاء الله

 

[انا بطة]

محد يكلمة عن هل موضوع مافي الا انا بعد معورني قلبي علية الله يلوم الي يلومني الله يوفقة و يوفق شباب المسلمين عل خير و الطاعة

 

[MiSsY HottY]

عادي خليه على راحته لا تضغطين عليه

 

[طيش سكر]

ان شاءالله تفرحون فيه قريب ..


يمكن في باله وحده او علييه ديوون


لاتضغطون علييييه

خلوه براحته ..

 

[ام الافيهات]

انا عندي تخلوونة ع راحته ومتى مابغى الزوااج بيقول

 

[& شرطان الذهب &]

عااااادي انا اخوي خمس سنين نحن عليه ويقول مابي اتزوج
والحين يقولنا اخطبوا لي ...؟

 

[الأميرة جوري]

كلميه اذا بخاطره وحده مو قايل لكم ...

 

[نور مغليها]

أول شي شوفوآ يمكن حآط عينه ع وحده ويحبها .. اذا لاء اقروا عليه وارققوه يمكن فيه حسد او نفس
الله يعييين

 

[معزوفة عشق&]

امممممم خلوة براحته الزواج لازم يكون بقناااعه تامه من كلا الطرفين
والا مايجي اليوم اللي بنفسه يقول اخطبولي ابي اتزوج ^_^

والله يوفقه ويستر عليه

 

[لولو برونزاج]

ترا الريال ماراح يعنس !
كيفه متى ما بغى يتزوج راح ايي يقولكم
شدعوه ماهو صغير
اتوقع يعرف مصلحته عدل
خل يكو راضي رضى تاااااام 100%

عشان لا تزوجونه وتصير مشاكل ويحط الغلط عليكم ويلومكم !!!!!!
انتو بغنى عن هالسوالف
فـ متى ما بغى راح يقول

لآ تضغطون عليه !

 

[شذى2007]

لا اكـــــــــــــــيد فيه شي حاولي تعرفين السبب غريبه يعتي قادر على الزواااج الى الان ماتزوج خلي امج تطلبه ان ودها تشوف عياااله اذا راااافض كلش ماعنده مشكله ولا شي قوليله يرقي نفسه بنفسه الله يوووفقه

 

[عطر الحروف]

الرجال مايعنس

 

[عاشقة هواك]

أمممم مو شرط يكون مسحور يمكن حاط في باله وحده و حابها
خلوه ع راحته لا تضغطون عليه
مثل اخوي خليناه لين قال دورولي وحده
و اخوي كان وحدينا و كان ودنا بس يتزوج و الحمدلله
كاهو الحين متزوج و فرحنا فيه

ان شاء الله ايي اليوم و تشوفونه معرس

صح كلامها

الله يرزقه ابنت الحلال وتكون الي اباله

 

[* بنت المطر *]

يعني بتغصبونه وباجر ياخذ بنت الناس ويرد يطلقها ؟؟ ترا بالغصب مافيه شي بيمشي صح

خلوه ع راحته شغلو جدامه قران شوفوا ردة فعله ! شوفيه اذا ملتزم بصلاته والا لا ؟؟

وخلوه براحته لاتخافين البنات طحيح حتى لو وصل الاربعين يبونه

 

[الغاليه ام احمد]

حبيبتي بخاطره وحده واكيد عارف انكم ما راح توافقون عليها ولا جان قال لكم