يا وقت أضحك لي دخيلك خاطري مكسور ..

[برووورة]

بسم الله الرحمن الرحيم

أخواتي الحبيبات صدقوني مو عارفة اكتب مقدمة ولا اشرح ظروفي التعيسة .. أحس اني مومتعودة
بس والله اني مو قادرة انام وتعبانة ومقهورة

انة طول عمري احب الخير للجميع وافرح لفرح الاخرين وان شفت انسان بمشكلة دعيت له من كل قلبي ان ربي يفرجها له

وانة الحين والله محتاجة تدعون لي ان الله يفرج همي ويطيب خاطري

لأن خاطري مكسوووووووووور

وقلبي حزين

واحس اني وحيييييييييييييدة ومقهورة

مقهورة أني اعطي ومالقى مقابل ولا حد يسمعني

اسمع للكل واساعد الكل ومحد يسمعني ولا حد يفكر فيني أو يهتم لأمري ابدا

اليوم انة متوترة وضايقة فيني الوسيعه

لاحول ولا قوة الا بالله العلي العظيم

ادعو لي ربي يفرج همي هاذي اللي اتمناه


يا وقت أضحك لي دخيلك خاطري مكسور ..
دخيــلك مــابــقى فــيني محـــل فـيـه تــطــعني ..





تعبت أداري الـعـالم وحزني داخــلي محفـــور ..
تعبت أسمـــع لشكـــواهم ولابــه منهو يسمعــني..





صبرت وقلت بتحمل ولكن ماهو بالمقدور ..
أخبي دمعه طاحت عــلى جــفني تجرحـــني ..






ابي ابكي ابي اصرخ بفجر من دموعي بحور ..
لان الدنيا ضاقت بي وكثر الصمت يذبحني ..





ابي احكي ابي اشكي بقول اللي ببالي يدور ..
أبيهم كلهم يدرون وش اللي حيل محزني ..





لي قلب امتلأ بالجرح وصار الحزن به معمور ..
وصـــدر يشتعل نيـــران لهبها دوووم يحــرقــني ..





وهموم مالها آخر على راســي تجــي بالــــدور ..
وأمل ضايع وفرج صايـــر أناديـــله ويصد عني ..





ألا يا وقت اضحك لي دخيلك خاطري مكسور ..
دخيلك ما مضى يــكفي ألا يــــا وقــــت ارحمـــني ..


ومشكورين على وقتكم اللي قضيتوه في قراية موضوعي ​

 

[بدويه خشف]

اللـه يفـرج هـمج ان شـاءالله ويـعطيـج علـى قـد نيـتج .. ويـوفقج وتقـبلي مروري ..

 

[اشتياق]

ياحياتي الله يفرج همج يارب
ماتضيق الا تفرج

 

[ام شووووق]

رد : يا وقت أضحك لي دخيلك خاطري مكسور ..

الله يفرج همج يااااااارب

 

[قاهره عذالي]

رد : يا وقت أضحك لي دخيلك خاطري مكسور ..

عسى ما شر ؟؟


فضفضي وارتاحي

يمكن نقدر نهون عليج

 

[ضايعة بدنيتي]

حبيبتي

عسى ربي يفرج همك ويرزقك على قد نيتك ويقلب حزنك لفرح يارب .. نصيحة .. سوي خير وقطيه بحر.. ولا تنتظرين مقابل للي تسوينه للغير. عشان ترتاحين شوي .

 

[الأميرة الحزينة]

لاتقولين ياارب عندي هم كبير .. قولي ياهم عندي رب كبير ... وكل شي يبدي صغير ويكبر الا الهم يبدي كبير ويصغر توكلي على الله ...ان شالله بتنفرج :bye22:

 

[الأميرة جوري]

رد : يا وقت أضحك لي دخيلك خاطري مكسور ..

ساعدى وادعي وانصحي لوجه الله لاتنتظرين مقابل من اي احد انتظري ربح وكرمه وتوفيقه لج عاللي تسوينه والله يكون بعونج

 

[لولو سيتي]

اللهم اجرها في مصيبتها واخلف لها خيرا منها
امين

 

[Smetk 3'lay]

الله يفرج همج حبيبتي

 

[ولهااااانه]

الله يفرج همـــج

 

[شقرا كويتيه]

رد : يا وقت أضحك لي دخيلك خاطري مكسور ..

الله يفرج همج حبيبتي سوي خير وقطيه بحر

 

[_j'aime mon mari_]

رد : يا وقت أضحك لي دخيلك خاطري مكسور ..

الله يفرج همج حبيبتي
كسرتي خاطري

 

[ابدا يالغالي مانساك]

رد : رد: يا وقت أضحك لي دخيلك خاطري مكسور ..

لاتقولين ياارب عندي هم كبير .. قولي ياهم عندي رب كبير ... وكل شي يبدي صغير ويكبر الا الهم يبدي كبير ويصغر توكلي على الله ...ان شالله بتنفرج :bye22:

وياها وازيد فرشي سجااادتج وصلي لج ركعتين وحااافضي علي سورة البقرة والاذكار ورااح تزيل ان شالله كل همومج

 

[* بنت المطر *]

الله اعجبتني القصيده وربي جبتيها على الجرح _ الله يفرج هم كل مهموم ويوسع صدر كل ضايق

تدري ليه الليل يتليه النهار ؟؟؟

لجل تفرج بعض ضيقة صابرين

وتدري ليه الحظ مافيه اختيار ؟؟

لجل نبلا ثم نعين ونستعين

 

[*الشيـــهـانـة*]

رد : يا وقت أضحك لي دخيلك خاطري مكسور ..

الله يفرج همج يااااارب ويشرح صدرج مالج غير ربج

 

[وريف..]

رد : يا وقت أضحك لي دخيلك خاطري مكسور ..

الله يفرج همك ياربي ويسعدك دنيا واخره

 

[سارة ة]

الله يفرج همج

 

[برووورة]

رد : يا وقت أضحك لي دخيلك خاطري مكسور ..

مشكورين حبيباتي على ردودكم الطيبة اللي تدل على طيبة قلبكم وأخلاقكم الحلوة مثل ما عهدتكم دايما بكل مشكلة اقراها واقرا ردودكم اللي تشرح القلب

لاخلا ولا عدم منكم يا كويتيات

 

[!الجادل الصعب!]

رد : يا وقت أضحك لي دخيلك خاطري مكسور ..

آلله يفرج همج يآرب ..!
موفقه ..!