يا ناس يخون ساعدووني بادبه

[kbssma]

اشلونكم بنات اناالحين قاعده اكتب وقلبي يتقطع من الالم زوجي العزيز اللي مشكلتي اني حبيته اكتشفت انه يخوني مع اكثر من وحده ولا تقولون ناقصه شي انا ما امدح نفسي بس والله اللي يشوفني معاه يحسب اني بنته اهتم بعمري واعيالي وبيتي ولا بعد جم مره خديت قرض حقه عشان اساعده واخرتها يحط فلوسه علي الخيانه من وحده لي وحده بس والله اللي حرني اني سمعته يحاجي وحده اعرفها من بعيد ودخلت داري بجييت لما مت من البجي لاتقولون تطلقي انا ماابي اهدم بيتي بس ودي اعطيه درس يتادب ودي اخليه يركض وراي مو انا اللي اركض وراه تكفوون الله يجزاها خير ويوفقها دنيا واخره اللي تشوور علي اشلون اتصرف معاه

 

[شمس 20]

حبيبتي احقريه وخري عنه شوي !! اسفهيه خليه يتادب صج !! خليه يحطلج الف اعتبار واعتبار =)

جذيه بيحس ان شالله

 

[نور الكوثر]

حقريه وكثري من الدعاء والاستغفار وسورة البقره تسوي العجائب اهتمي بروحج اكثر ولاتلقينه ويهه راح يتحقرص

 

[الأميرة جوري]

رد : يا ناس يخون ساعدووني بادبه

واشحقه تعطينه <<السبب منج دلعتيه ليمن قام يقط الفلوس عليهم ....لاتبينين واكشخى وحقرينه ولاتواجهينه مثل اي واحد خاين بيقول لا وينكر

 

[.MiNi.]

نفس ماقالوا البـــنــــات

حقري .. راح يحس بالغلط ..!

وراح يرجع لج ..؟ وربي يهديه ان شاء الله ..!

 

[ام^الحلويين]

هلوووووووووووووووو
انا مع رايهم انت عقل وثقل وكثري الاستغفار وحقريه
وعلى قولت امي الغاليه تقول لاتنبشين لا وري زوجج ولا خدامتج لانج راح تلقين شي مايسرج

 

[kbssma]

مشكوريين وا قصرتم بس اشلوون احقره ابي طرق لاني والله ما اعرف مت منه

 

[al-musk]

رد : يا ناس يخون ساعدووني بادبه

يكلم وحده تعرفينها من بعيد وهم ساكته والله ياقو قلبج...الله يعينج

 

[ام دليار]

رد : يا ناس يخون ساعدووني بادبه

انتي يلي خلتيه يخونك
اول شي االثقة العمياء
دلال الزايد
ليش هوا مايهتم فيكي ليش مايدللك
-المرأة كظلك إتبعها تهرب واهرب منها تتبعك
زوجك متبع هذا المثل انتي غيرية

 

[kbssma]

يكلم وحده تعرفينها من بعيد وهم ساكته والله ياقو قلبج...الله يعينج
مشكوره علي الرد من قالج قلبي قوي انا وحده منهاره بس ما ابي يدري اني دريت عن خيانته لان اعرف نوعه يتمرد انا يالغاليه ابي اادبه بس ماني عارفه اشلوون ابي طرق احقره فيها واللهيجازيها الف خير اللي تعلمني اسالييبا لحقران ولا تضحكوون علي ترا صج ما تعلمت احقر

 

[درة أهل الطولات]

رد : يا ناس يخون ساعدووني بادبه

انتي يلي خلتيه يخونك
اول شي االثقة العمياء
دلال الزايد
ليش هوا مايهتم فيكي ليش مايدللك
-المرأة كظلك إتبعها تهرب واهرب منها تتبعك
زوجك متبع هذا المثل انتي غيرية

صاااااااااااااااااااااااجة:lkmnkl:

 

[جــــاذبية]

رد : يا ناس يخون ساعدووني بادبه

طالما إنج تعرفينها من بعيد وتبين زوجج وماتبين الطلاق ديري بالج على زوجج لايروح منج
شوفي يالغالية إذا تقدرين تشوفينها وتقابلينها قابليها وإدبغيها دبغ وعقب ماتبردين جبدج قوليلها سلمي على زوجي وقوليله إني دبغتج ..
وإذا ماتقابلينها دقي عليها من موبايل زوجج أو موبايلج ومسخريها وقوليلها عرفت كل شي يالعفنة وبلغي زوجي إني دريت لا أكثر وسدي الموبايل بوجهه ..
وصدقيني راح تعلم زوجج وإذا جا زوجج قابليه بأحسن مظهر ولا كإنه في شي صاير وإذا كشختي كشخي حق نفسج موحقه ولاتهتمين فيه وخليج قوية قدامة موضعيفة من ناحية حقج وطلباتج ورغباتج وقوليله بمسج أو بكلام عادي وإنتي تضحكين موبعصبية { من خان بك خن به ليا صرت تقواه حقن عليه إن كان أخطا تهينه } وإذا سألج عن المسج أو الكلام إذا قلتيه وجها لوجه قوليله بيت شعر وعاجبني ودايم أردده ..
ولاتبدين بالموضوع طنشي خليه هو إللي يبدي إذا فيه بلا تحسين فيه وتعرفين من تصرفاته ..
إذا سأل جاوبيه باللي صار وقوليله تحرني فيك وتقول خذيت زوجج منج كذبي كذبة خليه يكرهها وإذا ماسأل خليه يدور حول ذيلة لين يخيب ثناه ..
هذول الرياجيل كلاب ملبسين ثياب ..
ماتبيني أدبغها عنج ..

 

[BiiShOoO]

الله يهدييه

 

[أميره الدوسري]

رد : يا ناس يخون ساعدووني بادبه

http://www.q8yat.net/showthread.php?t=726678

يمكن هالموضوع يفيدك بس خليك قده مو تطبقين شي وتخلين شي وانتي تعرفين إذآ كآن ينآسبك أو لأ

 

[مملكة الحب12]

كثري الاستغفــــــــــــــار بنيه ان زوجج يترك هالخرابيط

وكلهم جـــــــــــــــــــــــذي

 

[brettey]

رد : يا ناس يخون ساعدووني بادبه

من رايي تواجهينه وتهددينه بالفضيحه وتزعلين وتخلينه يحاول كذا مره انه يراضيج وقولي له لا تحدني اسويها وحده بوحده
طبعا مو صج بس تهديد
بس هذه طالما انج تعرفينها روحي شرشحيها وفضحيها عند اهلها خلها تتادب

 

[M!sS_D!oR]

واجهيه حبيبتي ولاتخلينها بقلبج واذا حقرتيه بيزيد خيانه ورا الثانيه
يمكن مجرد نزوه ان سكتي عنه بيزيد وعباله انج ماتدرين قطيها بويهها ولا تتمشكلين ويا البنت ابدى ماعليج زوجج
ولاتعطينها مجال تاخذه منج وبالكلام والحجي السنع وحطي النقط ع الحروف ويا ريلج يعني خليها محفوفه بينكم السالفه اذا شفتي مامنه رجا دخلي اهلج بالموضوع واهل البنت اللى ماشي وياهاا وعلى البنت اذا محتره منها دقي عليها هدديها وان ما وخرت عن زوجج بتفضحينها عند اهلها وبجذي بتخاف وبتوخر عنه بس بالنسبه للباجي اللى ماتدرين عنهم بهذي ريلج لازم يتعاقب فيها عن طريقج بس شلون انا مو عارفه وضعكم وشنو الاشياء اللى تمسك ريلج فـ انتي ابخص حبيبتي ما احب اكوون وصلة شر بحياتج هذي حياتج قلب وانتي ادرى مني والله يهدي سركم ان شاء الله

 

[afesa]

شوفي انا صارت فيني نفس قصتك بس خليته يمشي عالصراط المستقيم ....ادبته عدل
اول شي بينتله اني عرفت وثاني شي حقرته وانا معاه بالبيت ..يعني ما اقعد معاه عالغدا ولا العشا ولا اجابله كلش وخذيت اغراضي ورحت غرفه فاضيه عندي بالبيت ..وقمت اطلع وادخل على كيفي ويت تقريبا اسبوع لين خليته يستوي و اي شي يبونه اليهال اقولهم روحوا عند ابوكم وتميت على هالحال واذا حاول يسوي شي اهدده اني باروح بيت اهلي واخلي اليهال عنده..
بس خليته يستوي عدل ويه يتعذر ويتاسف ..بس قلت له ان عدتها مره ثانيه مالي شغل فيك ولا بعيالك
شوفي خليك قويه وحازمه ولا تسمحيله يتمادى

 

[~LiBrA~]

رد : يا ناس يخون ساعدووني بادبه

حقريه خليه اهو والطوفه واحد ... ساعتها بيخاف ويفكر ليش تغيريتي عليه

والله يهديه انشالله

مادري شسالفة هالرياييل ... ابي ادش مره هالقسم بدون مالقى وحده حاطه مشكله ان ريلها يخونها

الله لا يخسف فينا بسبة هالرياييل حسبي الله عليهم

مو قاعدين يحسبون حساب ربهم وان الي يسوونه حرام

 

[atoootta]

رد : يا ناس يخون ساعدووني بادبه

انا اقول واجهيه

ماكو احسن من المصارحه

خليه يدري انج عرفتي بلاويه وخياناته وبعدين بيدج تأدبينه براحتج

بس انج تعرفين وتحقرين ؟ لا انتي بتتعبين جذي !!