يا مدرسات العربي ابي منكم استفساااار لو سمحتو

[شيــوخه]

اشلونكم شخبااااااااارك
اول شي انا حالي حال الامهات الي ماتلحق على الدراااااااااااااااااااااسه مع اعيالها

عندي اسم الله عليهم عندي3 بلابتدائي وكل وحده تيج عندها واجباااااااااااات من غير الاملاااااااااء من غير التسميع من غير الرياضيات :eh_s(14):

المهم مابي اطول عليكم من اول امس اطلعت مدرسه النغليزي من بنتي هصوب استلمت انا البنت هصوب عربي ورياضيات وجذيه المهم قطعه اشطولها اشعرضها تكتبها 3 مراااااااااااااااات :0bee2e8d89:

قلت للبنت انا اكتبيها الحين مرتين نبي نلحق على الوقت لانه خلاااااص مخها قفل من الصبح هذي قعدتها ومن يت من المدرسه دراسه ووجباات المهم ثاني يوم راحت

المدرسه <<<< الي ادرس عربي اموقفه البنتت ليش ماكتبت الواجب 3 مرات هذي وحده ثانيه شغله الجمله الاملائيه تخيلي حتى لو صح تحط عليها اكسس طول ويهااا المهم صراحه سكت بيما فيه الكفااااااايه انا ماني عارفه ادرس البنت عدل ولا المدرسه الي مو عارفه ادرس عدل ولا البنت مو راضيه تستوعب
على العموم البنت كارها الماده من قبل والحين اكرهت المدرسه ابكبرها من هذا الاسلوب!!!!! انتو اتسون جذيه مع البنات الي مايكتبون الواجب اتوقفونهم وتخلون رفيجاتهم تضحك عليهم ؟؟؟؟؟؟ هذا طريقت التعامل مع الي ماتحل ؟؟؟؟:0bee2e8d89: بس ابي اعرف انتو يامدرسات اتسون جذذذيه ؟؟؟؟ ورايحه المدرسه للاخصائيه وقايله لها اانها مو كاتبه الواجب تسمع كلام امها قالت لها ااكتبيه مرتين وخلاص والاخصائيه تقول لبنتي اعتذري للمدرسه يلااااااااااااااااااا بسرعه وبنتي تعتذر والمدرسه تقول لها يلاااااااااا روحي بس يلاااااا اشدعوااااااااااااااااااااااااا من صج جذيه هذي
امس انا قاعده على اعصااااااااااااااااااااااااااابي اليوم رحت لهم وكلمت الوكيله وكلمت الاخصائييييييييييييه وكنت ناويه ادش على الناضره بس كانت الناضره تتريق ماكلمتها

 

[شيــوخه]

مشكورين وجزاكم الله خير 15 وحده داشه ومافي ولا رد واحد :0bee2e8d89:

انا مااغصب احد انه يرد على سؤالي

بس كلامي لكم اقول مشكورين وجزاكم الله الف خير :0bee2e8d89:

انسووووووو الموضوع

 

[الصابرة المحتسبة]

أول شي ياهلا ومرحبا فيج أخت عزيزة والسموحة بس موضوعج عن المدرسات يعني تقدرين تحطينه بقسم المعلمات يفيدونج أكثر بس ولا يهمج برد عليج ولا تزعلين أفا والله
- حطي في بالج ان أصابعج مو سوا
- ولا تضغطين على بنتج بالدراسة علشان لا تكرها نظمي وقتج يعني ساعة راحة وساعة دراسة والواجب تكتبه اهي بنفسها أحسن لها واذا عن أسلوب الأبلة معاها تقدرين تقعدين مع الأبلة وبهداوة والكلمه الطيبة والهون راح تستجيب لج وتسمع منج انتي هدي بالج ووسعي صدرج وربي بعينج انشالله
- والبنت خليها تتشوق للمدرسة اشلون؟ يعني دفترها زينيه بالإستكرات الحلوة والتسطير اللي يونس وجددي الدفتر من جديد ونبهي بنيتج انها تحافظ عليه ولها مكافأة أو شغلة بسيطة بس مو كل مرة
ويه جني طولت عليج
المهم السلام عليكم وانشالله ساعدتج ولو بشي بسيط

 

[أحلى عيون]

مثل بنتي والله

تقول لها الابله اكتبي الدرس 3 مرات والبنت يالله تحل وتخلص الا تبي تنام فقلت لها سوي مرتين ويوم الثاني الابله تقول لها والله وايد متعبه نفسج ومريحتها بس اثنين

والله الابلات ماادري شفيهم يعني ما يخففون على البنات والله حرام

الله يعينا

 

[شيــوخه]

الله كريم الواحد شنو يسوي صراحه انا اسطر واسكراااااااااااااااات بس المدرسه مانبي تعطي ويييييييه

على العموم انا كلمت الاخصائيه بلهموضوع وقلت لهااا يعني مايصير جذيه قالت انه المنهج ومامنهج وخلوها على الله

 

[* قلبــ أنا ــك *]

بعض المعلمات الله يهداهم " تحبك " الامور شوية ...مرتين من ثلاث كفاية ...يعني المفروض ما تعقد البنية جذي
او توجهها بطريقة احسن من جذي ...
وبعدين علامة ط الاكس " محبطة شلون بعد تكبرها ؟؟
الله يهداها كلميها بالهون وان شاء الله تستجيب..

 

[m.a.m154]

انا اشوف لو تنظمين لها وقت دراستها يكون افضل وبعدين صج واجبات العربي وايد بس منه استفاده انها تحسن الخط وتعود البنت على الكتابه والتكرار يعلم الشطار وباقي المواد ما تاخذ وقت لانج بتراجعين اللي خذته لكن اذا اهي ما حلت بالصف اكيد بتتراكم عليها الواجبات في البيت وبعدين مثل ما قالت الاخت الصابره المحتسبه كشخي دفترها لانه الابله بتكتب لها كلمات تشجيع وتستانس البنت ولا تعودينها تكتبين لها اكبر غلط انا عندي تنزف اهون من اني اكتب لها واعودها عالكسل وبالنسبه لاسلوب الابله غلط الكفروض انها تعالج الموضوع مو تسبب عقده للبنت يعني لو اتنا بكلم البنت وبحاول اشجعها واحمسها لكتابه الواجب بس عندي لج فكره انا اسويها مع بنتي ليش ما انتي تشجعينها وتحمسينها انا احط لها انجوم وباخر الاسبوع اكافئها حتى لو تودينها الجمعيه وتشتري كاكاو

 

[78MariMar78]

المشكلة للي عندي أكثر من ولدين في المدرسة
الوقت يمر بسرعة بدون انجاز يذكر
والأولاد ماشاءالله عليهم يتحججون باي شيء علشان ما يذاكرون....

الله يعينا...

 

[شيــوخه]

مشكورين حبايب قلبيييييييييي

انا تفاهمت مع الاخصائيه لانه بمدرستنا ماعندنا المدرسه انكلمها بسنه حسنه نشوف المدرسه

هذي وحده ثاني شي انا مااكتب لها كلششششششششششششششش وليش الواجبات الثانيه ماتاخذ وقت الا والله تاخذ وقت ولا الرياضيااااااااات

ماشين بلقسمه الحين ويلا يلا تفهمها وتحفض جدول الضرب وخليها على الله

وماشيه معها على المكافه اذا درستي ونجحتي وجذيه راح ايب لج واسوي لج كاكاو وحلاو واستكرااااااااات وشبصات من هسوالف الي يحبونها هلبنات

وعلى الله وان شاء الله اتعبي مايروح جذيه

وانا قلت للاخصائيه البنت نوعيتها من الي اتشجعين يطلع منها فا شنو خلي المدرسه اشوي اتشجع ولا دقر فيها وعلى الله