يا متزوجات وين اسافر

[رمضانه]

السلام عليكم



انا وريلي ولا مره سافرنا صارلنا4 سنين متزوجين ولدنا عمره 3 سنين
وتدرون كل شي غالي فقررنا نيمع ونروح مكان حلو
وين تنصحوني اسافر وجم يكلف مع الفندق والمصروف ؟:bbbiu:

والاماكن الحلوه بالدوله :eh_s(10):


اهوه ما سافر الا عمره وحج وانا كنت كله مع اهلي يعني انشالله مانضيع :eh_s(9):


يلا اقتراحاتكم

 

[سنبلة]

اذا اول مره انا انصحج بلندن هناك ماتضيعين وكل شي متوفر عندج وجوها يهبل والاحسن تحجزين فندق باكسفورد بوسط السوق اكيد راح تستمتعين وبالتوفيق

 

[ستوب انا التوب]

روحو جزر المالديف5 ايام او4 ايام انا بروحه بعد اسبوعين كل في الجزيره مافي سيارات او شوارع بس يقولون ماتصلح حق اليهال مالت رومنسيه ودلع بس غاليه

 

[فطووومة]

تركيا لليهال والكبار وناسها طيبين وبحالهم
وفيها البراد والمطر ولشلالات والخضرة وكل شي حلوووووو

وبالعافيه مقدما

 

[عيون مبارك]

فيينا او ماليزيا

 

[Om_Ksha]

روحو ميونخ اجرو منها سياره فيها قارمن وطلعو علا زلمسي


صدقيني محد يضيع ،، ودشو المسافرون العرب بتستفيدين طبعي البرامج والتقارير

 

[هنـــد]

فيينا وانتي مغمضه

 

[دلوعة أبوهآ]

ميونخ + زيلآمسي
أو
لندن

 

[لمن اكون]

لندن
ميونخ اجرو سياره رووحوو كاببرون حلووه و زازبورق

 

[ورده عنابيه]

ليالي الانس في فيينا

 

[فواكه الموسم]

اذا دولة اورربية لندن واذا عربيه لبنان
لان الثنتين متتتتتتتتتتتعه واجواء رومانسية ​

 

[الاسكريم]

يااااااااااااااااازين
مكـــــــــــــــــة المكرمة
و
المدينـــــــــة المنورة

 

[رمضانه]

لي الحين محتاره
مشكورين عالردود

 

[رجـــاوي .. }]

روحي دبي او قطر عجيييبه

 

[<miss botamba>]

الرخيص

تايلاند - ماليزيا - مصر - تركيا - المانيا - النمسا

الوسط

لبنان - المغرب - بريطانيا - ايطاليا - فرنسا - اسبانيا





ليش ماتروحون كروز؟

شوي غالي بس يسوا تجربه حلوه اذا انتوا من زمان مو مسافرين وتشوفون اكثر من مكان


مثلا


عندج حق شهر 4 الياي 6 ليالي تطلع ممن برشلونه و تروح فرنسا و ايطاليا

الغرفه مع بلكونه الشخص 420 تقريبا طبعا شامل ريوق و غدا و عشا غير الفعاليات الي تتم بالباخره نفسها

 

[عزاااه]

روحي سويسرا النمسا او روحي قروب ارخص بس ماايد القروب

 

[أم سيف وسلطان]

لندن

او تايلند وماليزيا

 

[AVE.NJ]

انه كله انصح اللي يروح اول مره يروح قروبات يمعه ووناسه ويحطون بالجرايد الاماكن والاسعار
واذا ماتبون قروبات تبون برافت
مدامج اول مره تسافرين انصحج بماليزيا يستانس ولدج واذا تزيدين شوي روحي سنغفورا
واذا تبين وناسه حق ولدج روحي استراليا حلوه وكلها رحلات
بس اوربا بروحج واول مره ماانصحج الا اذا قروبات
هذي نصيحتي

 

[AVE.NJ]

انه اول مره اسافر بحياتي قروب
رحت سويسرا باريس لندن
ماانسى السفره بحياتي
من سنه 95 تخيلو كنت صغيره
ولين الحين تزوجت وربعنا نتزاور وصرنا اهل ماشفت احلى من هل السفره
واذا ماتبون تطلعون ترا محد يلزمكم
وناسه اخ على ذيك الايام

 

[ام مهاوش]

متع ناظريك بالنمسا
ليالي الانس في فيينا
شوفي اشلون تغزلو بهالديره انصحج وبقوه النمسا روحي مع قروب فيينا زلمسي وميونيخ
او لندن ماراح تضيعين بالمره مايبيلها شي وكله بالعرب وكله عربي
و اي استفسار انا حاظره راسليني بالخاص اذا تبين