يا عروس شنو برنامجج للعناية للدورة الشهرية ؟

[still there]

السلام عليكم


مبروك جميعا و الله يتمم علينا و عليكم و يوفق الجميع


طبعا العرايس اكثرهم باقيلهم كم شهر علي الزواج والوقت ضيق ومع الانشغال يصير صعب تلقي وقت تعتني بنفسها ايام الدورة و تبي شي بسيط و عملي يعني مو خلطات معقدة و بنفس الوقت تجيب النتيجة المطلوبة

اتمني كل عروس تدخل و تقول شنو تاخذ ادوية للعناية اثناء الدورة الشهرية

ويا ليت بعد تذكرون أسماء حريم خبرة بالادوية و شغلهم مجرب و نظيف ... خل نستفيد كلنا و خصوصا هالموضوع يهم كل عروس

ويا ليت المتزوجات يفيدونا بخبراتهم بعد

وشكرا :eh_s(7):​

 

[منـآل]

وعليكم السلام ورحمة الله وبركاته
والله يبارك لنا ولج ولجميع البنات

وبخصوص العناية ماأفضل ان (البنت) تأخذ ادويه من الحريم
لأن يمكن فيها شي لو تركتها يخربني

فإهتمامي كل دورة اتدفا عدل
وابتعد عن المشروبات الغازيه والبارده

واذا كان لي خلق واهتميت
عالريق اخذ ملعقة رشاد واشرب بعدها ماي

واشرب حليب بالدارسين

والعصاري اسوي مطاره فيها زنجبيل ودارسين
وثالث يوم لاخر يوم مطاره فيها زعتر وكمون ومرميه

وهالعنايه خذيتها من المنتدى
ويعطيج العافيه

 

[قاهره عذالي]

انا مو عروس

بس عندي خبره بسيطه بسوالف الاهتمام بالدوريه الشهريه

اول شي في ممنوعات لازم الواحد يتجنبها وقت الدوره

- الرياضه العنيفه
-ممنوع الجوع
-ممنوع اكل اي شي حامض مثل العصاير والليمون واي شي لزج مثل الباميه والمعكرونه والموز والسبانخ وهم ممنوع البيبسي وربعه من الغازات
- ممنوع السباحه اول 3 ايام على الاقل او اول يومين


لازم وقت الدوره تدفين نفسج

يعني البسي دلاغ او دلاغين وسروال طويل ودراعه طويله كم كامل وبعدي عن البرد وتيارات الهوا يعني اقعدي بمكان مسكر ودافي

وقت الدوره لازم تاكلين ال3 وجبات باليوم
اكلي لو شوي لان الوحده وقت الدوره تنسد نفسها

سوي لج مطارات او اعشاب تشربينها


من الاعشاب اللي تهدي وقت الدوره هي البابونج موجوده على شكل اكياس شاي بالجمعيات

الدارسين وقت الدوره حطيه بمطاره حافظه للحراره وصبي عليه ماي حار وخليه ساعه بتلقين الماي صار برتقالي
ان برد الماي سخنيه ورديه للمطاره وشربي طول اليوم دارسين حتى الدكاتره يمدحون الدارسين وقت الدوره


خلطة التمر مهمه وقت الدوره

اشتري تمر معجون وخالص بدون نوى

وجيبي صحن له غطا

واشتري من العطار سمن غنم ورشاد وكمون وحبة سمره وحبة حلوه وسمسم وحلبه مطحونه

اخذ مقدار ملعقه متوسطه من كل من الرشاد والكمون المطحون وحبة الحلوه وحبة سمره وسمسم وحلبه مطحونه واحطهم مع التمر المعجون واحط شوي سمن غنم واعجن التمربالسمن مع الاضافات اللي حطيتها واكل منها طول الوقت

الزنجبيل وقت الدوره مع الحليب حلو

يعني حليب حطيه على النار وتكون هاديه وحطي زنجبيل مطحون او فرش وعقب اشخلي الحليب وحليه بسكر

واشربيه لو مره باليوم

من الاعشاب الحلوه وقت الدوره واللي تلقينها على شكل اكياس شاي بالجمعيه
- النعناع او شاي نعناع والافضل كوب نعناع تشربينه مع الريوق يساعد ان جسمج تكون ريحته حلوه وقت الدوره
- الدارسين حلو تشترينه اعواد خشب واطبخيه مع حليب او ماي نفس الطريقه السابقه
- البابونج على شكل اكياس شاي بالجمعيات ويفضل تسوين منه كوب وقت الم الدوره وتشربينه+ القرنفل المسمار لما يضاف للقهوه زين لعوار الدوره
- اكليل الجبل و الزعتر هذي اعشاب تساعد على التدفئه
- الكمون زين اذا حسيتي انه فيج هوا او زين يدفي الجسم ويساعد تنزل الدوره ومايجمد الدم الفاسد بالرحم
طريقتها سهله جيبي ملعقه كمون حب مقدار ملعقتين وحطيه بغووري الماي واطبخيه على النار ليمه يصير الماي برتقالي

صفي الماي واشخليه وحطيه بمطاره واشربي

هم في ناس يضيفون مع القهوه مره + يحطون بقاع الفنجال حق القهوه كم عود قرنفل ويصبون عليه القهوه الحاره اللي مذوب فيها مره

هم يضاف للاكل فلفل اسود مطحون

وهم يضاف ملقعه منه اذا طبختي الدارسين على نار هاديه مع الحليب تضيفين ملعقه صغيره فلفل اسود مطحون

وهم اكلج سواء العيش او الشوربه

ضيفي لها فلفل اسود وشوي زنجبيل مطحون او تشترين مردود جاهز من العطار وترشينه على اي اكل تاكلين منه شوي وتاكلين

مثل المرقوق او العيش او مثل ماقلت الشوربه او الحمسات نفس البيض المقلي مثلا

وفي بعد معلومه خذيتها من وحده تداوي الحريم تقول وقت الدوره لازم ع الريج اكل تمره مع سمسم وممنوع الماي على الريج وقت الدوره ولازم مثل ما اذكرت اللي فوقي ابعد عن كل شي بارد حتى الماي ما اشربه بارد

 

[#الخشف#]

الله يجزاكم خير

 

[ضنـآني الشوق]

اااب

 

[معزوفة عشق&]

استفدت كثير جزاك الله خير

 

[Jolyan]

اب اب اب
❤❤❤❤❤❤

 

[بنت الكويت90]

انا عنايتي بسيييييييطة



ما اشرب مشروبات غازية نهاااائيا ولا شي باارد




واشرب دارسين بس واهو حار لانه ينظف الرحم على قول امي ويخليج نظيييفه



وترا اللي يخرب البنت بوقت الدوا واصوات الهوا كله من البيبسي والمشروبات الثانيه نصييحه ابتعدو عنها انا الحمدلله قااطعه البيبسي والمشروبات الغازيه حتى بلايام العاديه بس اشرب اذا رحت مطعم





والله لاهوا ولاااهم يحزنوون الحمدلله

 

[~ بنت الغوالي ~]

ممممممم مش عارفه ارد بصراحه

لاني ما فهمت معنى كلمة اهتمام

يعني عادي بكل صراحه بحكيلكم ( لاااا شيئ )

عادي بس بتحمم كل يوم اكيد مش عشان الدوره لكن لانه هيك متعوده
وبسسسسسسس

اه صحيح وبتدفى لانه رجليي بكونوا يوجعوني وبحس انه الدفا بريحهم

عنجد صدمتوني بكلمة اهتمام
طيب عيب اطلع من الموضوع وانا بحكي لا شيئ
طيب ممكن اعتبر اني ما اكلت الا وجبه وحده اهتمام !!!
او ممكن اعتبر اني بحياتي ما عملت شي سخن اهتمام !!!
او يمكن اني ما استعمل اي ادويه والحمدلله اهتمام !!!


هههههههـ بس مع زالك انا حاسه انه وضعي طبيعي جداااا

 

[قاهره عذالي]

ممممممم مش عارفه ارد بصراحه

لاني ما فهمت معنى كلمة اهتمام

يعني عادي بكل صراحه بحكيلكم ( لاااا شيئ )

عادي بس بتحمم كل يوم اكيد مش عشان الدوره لكن لانه هيك متعوده
وبسسسسسسس

اه صحيح وبتدفى لانه رجليي بكونوا يوجعوني وبحس انه الدفا بريحهم

عنجد صدمتوني بكلمة اهتمام
طيب عيب اطلع من الموضوع وانا بحكي لا شيئ
طيب ممكن اعتبر اني ما اكلت الا وجبه وحده اهتمام !!!
او ممكن اعتبر اني بحياتي ما عملت شي سخن اهتمام !!!
او يمكن اني ما استعمل اي ادويه والحمدلله اهتمام !!!


هههههههـ بس مع زالك انا حاسه انه وضعي طبيعي جداااا

هو في اهتمام وقت الدوره

عشان امراض ممكن تصيب الرحم بسبب عدم الاهتمام وقت الدوره واهم مرض هو خراب الرحم

يعني خروج هواء من الرحم

والسبب الرئيسي لهالشي هو الجوع وقت الدوره

اما الاعشاب وتدفئة الجسم وتجنب الاشياء البارده هذي اشياء تخفف الم الدوره وتساعد الرحم انه ينظف الرحم من الدم الفاسد ومايجمد الدم الفاسد فيه وتصير امراض مثل السدد اللي من علاماته يكون الدم اللي ينزل منك متجلط وهالاشياء ممكن تأخر الحمل وحتى تأثر على العلاقه الزوجيه بعدين خاصه مرض خراب الرحم


انتم بفلسطين يمكن مايحتاج تهتمون وقت الدوره لان رب العالمين معطيكم نعمه وهي انه الاخصاب عندكم مرتفع غصبن عن اسرائيل مهما حطت لكم في الاكل والشرب مواد للعقم
:eh_s(7):

 

[~ بنت الغوالي ~]

هو في اهتمام وقت الدوره

عشان امراض ممكن تصيب الرحم بسبب عدم الاهتمام وقت الدوره واهم مرض هو خراب الرحم

يعني خروج هواء من الرحم

والسبب الرئيسي لهالشي هو الجوع وقت الدوره

اما الاعشاب وتدفئة الجسم وتجنب الاشياء البارده هذي اشياء تخفف الم الدوره وتساعد الرحم انه ينظف الرحم من الدم الفاسد ومايجمد الدم الفاسد فيه وتصير امراض مثل السدد اللي من علاماته يكون الدم اللي ينزل منك متجلط وهالاشياء ممكن تأخر الحمل وحتى تأثر على العلاقه الزوجيه بعدين خاصه مرض خراب الرحم


انتم بفلسطين يمكن مايحتاج تهتمون وقت الدوره لان رب العالمين معطيكم نعمه وهي انه الاخصاب عندكم مرتفع غصبن عن اسرائيل مهما حطت لكم في الاكل والشرب مواد للعقم
:eh_s(7):

شكراااااااا عالرد
طيب هواء الرحم عادي ما بسبب مشاكل ؟؟ شو يعني هواء الرحم
لا الحمدلله انا ما عندي اي الام نهاااااائي ماشاالله تبارك الله
ان شاالله غصب عنهم منزيد ومنقهرهم يااارب

 

[قاهره عذالي]

شكراااااااا عالرد
طيب هواء الرحم عادي ما بسبب مشاكل ؟؟ شو يعني هواء الرحم
لا الحمدلله انا ما عندي اي الام نهاااااائي ماشاالله تبارك الله
ان شاالله غصب عنهم منزيد ومنقهرهم يااارب

http://www.q8yat.com/t131024.html

http://www.q8yat.com/t334886.html

هذي صفحات مواضيع تشرح خراب الرحم وهو يوضح حيل مع المتزوجه ويبين بالعلاقه

وهم اضيف لج شغله

شرب الاعشاب وقت الدوره يساعد على تخفيف الم الدوره

مثل البابونج واكليل الجبل والنعناع والدراسين ( القرفه ) والزنجبيل وكذلك الحلبه

فلما تلبسين جوارب وسروال طويل تحت الملابس وتدفين نفسج بالملابس

وتشربين كل شي ساخن

هالاشياء تساعد انه تخف الالام الدوره ويمكن تمر عليك الدوره بدون الم

 

[M!SS.LOBY]

مووووفقة يارب

 

[شطانه طفله]

تحاول اول 3 ايام ما تتسبح وبس تغسل منطقه الابط
وتغسل عدل المنطقه الحساسه بالماي والصابون لما تتشطف وبعد الانتاء منها والغسل تستخدم من القرشي مسك الطهاره

وشكرا وانشاله افدتج بجم معلومه عندي

 

[still there]

مشكورين كل اللى ردوا يعطيكم العافية :eh_s(7):

منال انا كنت ابي مثل ام خالد لاني جربت مرة اعشابها خفيفة و مافيها ضرر عقب ما خلصت منها و بعدين اذا حصلتلي وحدة موثوقة تعطيني كورس كامل توفر علي روحة الحواج و الجمعية ما عندى وقت لهم ,, بس المشكلة ما اعرف غير ام خالد و ما ترد ومشكورة على الرد


قاهرة عذالي مشكورة علي افادتج و مساعدتج للبنات دايما بكل موضوع وان شاء الله نشوفج عروس يا رب و يرزقج الزوج الصالح :eh_s(7):

بالنسبة لي فيه اشياء اسويها علي طول بالدورة او غيرها : ما اشرب الغازيات و لا احبهم _ ما احب البرد عامة حتى بالصيف اقصر على المكيف _ ما اشرب شى بارد كله بحرارة الغرفة ماي عصير اى شي و بالصيف الماي يكون بارد شوية


واثناء الدورة ما فيه شي خاص لاني عنايتي طول الشهر و الاكثر هو شرب الاعشاب و شاريه منهم انواع من الجمعية و الحواج,, فيه اشياء اشربها اثناء الدورة مثل القرفة و الزنجبيل و مرات حلبة وفيه اشياء يوميا اشربهم بدورة و لا غيرها مثل النعناع , الزعتر , الميرامية , البردقوش , بابونج , مليسا , اكليل الجبل , شاى أخضر << يعني اي اعشاب اشربهم لاني اصلا ما اشرب لا شاي و لا قهوة و لا حليب

بس مشكلتي بالاكل ما كنت اكل بمعني الكلمة و كل شي تاثر بجسمي بما فيهم دورتى تكون جافة اول الايام ما فيه دم الا يوم يومين و خلاص و لا فيه عوار و هذا مو دليل عافية معناته فيه شي غلط عكس منتوا فاهمين العوار,, بس مو يعني العوار القوي جدا حتى هذا يدل علي وجود مشكلة هذا الكلام اللى فهمته من جسمي بعد سنين من سوء التغذية ,, و تخيلوا يا بنات شصار فيني بس خلال شهرين عدلت اكلي و اخذت فيتامينات اذكروا الله ماشاء الله اخيرا نزلت الدورة والدم من البداية و حسيت بعوار كنت فاقدة احساسه من فترة طويلة و حتى رموشي و شعري بدوا ينبتون و انا كنت كاتبة موضوع قبل تقريبا شهرين اطلب حل او دوا ينبت رموش ما عندي ,,, الخلاصة ان التغذية مهمة جداااااا والله ان مثل السحر على الجسم

بس الدورة يبلها ادوية خاصة بعد غير الاعشاب معروفة عند العطارين بس ابي من مرة ثقة او اذا مالقيت ادور عطار ثقة لاني ابي زيادة تنظيف و شد من الداخل
عطونا افاداتكم عن الحريم او الحواجين اللى يعرفون فيدونا جزاكم الله خير و مشكورين مرة ثانية كل اللى ردوا [/center​

 

[قاهره عذالي]

هو الاهتمام وقت الدوره


بس انج تشربين اعشاب طول اليوم وتاكلين عجينة التمر اللي وصفتها

وتشربين حليب بزنجبيل وحليب بحلبه وحليب الحلبه زين حق اول 3 ايام وحليب بدارسين وشوي فلفل اسود

العطار عنده مردود ينرش ع الاكل وعنده الطبيخه اللي هي اعشاب مجمعه وطعمها مر تطبيخينها مع ماي وتصفينها وتشربينها

والحريم عندهم بالاضافه لهالشغلات خلطة القهوه اللي من مكونات المره والقرنفل ويمكن يضيفون اشياء ثانية للخلطة ما اعرفها


وعجينة التمر اللي حطيت لج طريقتها ترا حيييييييل ممتازه خاصة الرشاد مع التمر حيل زين لتنظيف الرحم


وتلتزمين بالممنوعات وقت الدوره مع اللبس وتدفئة الجسم

وان شاء الله ينظف رحمج من الاوساخ بس يبيلج 3 دورات ورا بعض عشان ينظف تماما ان التزمتي بالاهتمام

 

[still there]

مشكورة اختي انا بسوي عجينة التمر ,, اما القهوة و الحليب ما اشربهم بس ممكن احط المردود مع الشوربة او المرق

وشريت تونى من الحواج خلطة لهوم مطحون خشن يعني تقدرين تشوفين محتوياته احسن من البودرة ما تعرفين شنو حاطين .. المهم محتوياته حلبة , رشاد , فلفل اسود , كركم , حبة البركة ... وعجبتني المحتويات بس لما رديت و فتحت العلبة لقيت وياهم مرة و انا اللى اعرفه ان المرة ما تنشرب ايام الدورة .. والحين برجعه له فى حواجين ما يعرفون او يغشون اذا الوحدة ما تنتبه​

 

[قاهره عذالي]

لا عادي المره وقت الدوره والنفاس

في ناس تشربها وتسوي منها نقوعه

 

[F-o0oz]

روووووعه ماقصرتو
والله يعطيكم العافيييييييييييييه

 

[lferj]

اب
اب