شوفي يا حياتي كل شي على الحمسه ، حمسة القهوه اللي شريتيها اكيد مو مضبوطه
فنجانين قهوه على بطل ماي صحه صغيره جربي .
انا بالنظر ما اعرف بقلاص ومادري شنو
يعني مثلا بالوري لو تترسينه تحطين سبع قفاش اكل فل عالماي المغلي وتوطين النار وتخلينها تطبخ وايد حول ريع ساعه او اكثر لان كل ما تطبخ كل ما تطلع نكهتها احلى
اقولج طريقتي اللي الكل يحبها ويشربها
انا احط بقوري الماي حول 6 7 قفاش اكل قهوة واخليها تطبخ ربع ساعه او اكثر لان انا احبها ثقيله وغامجه شوي خبرج هذي قهوة الشمر
واحط بالدله حبتين مسمار وهيل تقريبا قفشتين اكل وكل ما تكثرين كل ما احسن واحط شويه زعفران وقفشه جاي كوفي ميت (المبيض) وخليها تخدر وبالعافيه
سمعيني ياقلبي روحي مطحنة سمراء عدن واشتري القهوه اليمنيه المحوجه
اخذي الكيتلي وحطي فيه المااااااااااااي وحطي فنجانين متروسين قهوه ونص فنجان هيل مطحون خشن وخليها تطبخ القهوه لي شفتي القهوه غلت قصري عالجوله وخليها تقلب علي كيفها
اتييبيين مطاارتج مالت القهوه وتحطين فيها نتيفة زعفران ايراني من اللي قلبج يحبه وعقب ماتخلين القهوه تطبخ عدل بوربع ساعه عالجووله شخليها بالمطاره واخذي قفشه من القهوه اللي بالكيتلي وقطيها بالمطاره وصكي مطاارتج وروحي الصاله وقدمي الحلووو وصبي قهيوتج بالعفو والعافيه علي قلووبكم"
في بعض الحريم يحطوون حليب كارنيشن وبعضهم يحطون كوفي ميت وبعضهم يحطوون كريم كرميلا هههههههههههه وحوووسه حوستهم بس انا مااحط غير مااذكرته لج سابقا <<<<< متأثره في بو الاسود الدؤلي هههههههه
