يا جماعه الخير ابي افهم شغله تعالو

[حوريه عسل]

السلام عليكم ورحمه الله وبركاته

خواتي انا لاحظت شغله بالذات في ديرتنا

بموضوع ( قدر الله ) يعني القدر او النصيب او اللي كاتبه الله


في ناس وايد مو معبره شي اسمه مشيئة الله اللي اهيا تختلف عن قدر الله اختلاف الشمس عن القمر


انا حاولت اعبر واقووول للناس احاول اوصل لهم المعلومه مادري ليش احس محد فاهمني؟ ولا اخاف انا اللي غلطانه؟؟


يا جماعه الخير القصه ومافيها بدايتها لما كنت بالثنويه .. عطونا درس عن قدر الله ومشيئة الله
وشنو الفرق بينهم
والأهم .. ان ماااا يجوووز و حراااااااااام ان نفكر بطريقه ان العالم يتوجه توجه قدر الله فقط او توجه مشيئه الله فقط .. لان هذي سووها الكفار وعقابها شديد وانا اللي شايفته ان مجتمعنا يتوجه ان الدنيا ماشيه على كتبه الله واللي الله كاتبه بيصير بس

يا جماعه ابيكم تركزون معاااي ركزوو انا اللي ابي اوصله ان الصح اهو قدر الله + المشيئة

المفروض نقول ( قدر الله و مــا شاء فعل )
قدر الله ( مكتوب باللوح المحفوظ )
وما شاء فعل ( على مشيئة الله اهو شنو يشوف من الافضل انه يكون؟ يقوله كن فيكون )




هل انا غلطانه؟؟؟





اللي يفكر بطريقه ان والله اللي الله كاتبه بيصير وو خلاص مو حرام؟؟؟؟
انا اذكر ان هذي صفات قوم من الكفار كانو يفكرون بهالطريقه يعني لو الشخص قاعد حاط ريل على ريل اييله كل شي وبس السلام عليكم .. مو لازم يسوي شي...
مو المفروض احنا نتعب هم ونسوي و مانعتمد على اللي الله كاتبه لان هذا من الغيبييات؟؟
وان الله ماخلاها من الغيبييات الا لان مايبينا نعرفها ويبينا نسوي ونفكر و نبني ونشتغل؟؟؟؟




بقولكم مثال .. وحده دايم تقعد بالبيت مثلا ما يالها نصيب وماحاولت انها تسوي اي شي عشان انهاتفكيرها ان النصيب بييلج واللي الله كاتبه بيصير .
انا اوافق هذا الراي اذا مكتوب باللوح المحفوظ ان فلانه تتزوج تتزوج اوكي بس شدراهم ان زواج البنت مذكور في اللوح المحفوووظ يمكن انها تتزوج او انها ما تتزوج شي مو مذكور باللوح المحفوظ؟؟ يمكن اهو معتمد على المشيئه؟؟
هل انا تفكيري غلط؟؟ يمكن كل شي مكتوب في اللوح المحفوظ بس لو كل شي مكتوب باللوح المحفوظ ليش فيه مشيئه ؟



ياريت بس اللي فاهمه و اللي مركزه بكلامي ترد لان مابي احد يرد واهو مو فاهم
ويعطيكم العافيه :eh_s(17):

 

[sul6ana]

شدني الموضوع وابي افهم اكثرفيه اشياءماقدرت استوعبها..
وآآآب للافاده..

 

[حوريه عسل]

مشكوووره حبيبتي على رفع الموضوع
وشدعوه من امس انا حاطه الموضوع مافي احد رد علي؟


واحب اذكركم بالحديث : من كتم علماً ألجمه الله بلجام من نار

فياريت اللي قرت الموضوع وعارفه شنو الصح تقول عشان الكل يستفيد
وشكرا

 

[غلااى]

يعطييييج آلعـآفييييه حححيلـآت ححلو آلمووضوع

 

[CUTIE-THUG]

حبيبتي حتى انا افكر مثل تفكيرج بس احنا ندري بعد ان لازم الاخذ بالاسباب يعني مايصير مثلا تسرعين بالسيارة على سرعة 100 و تقولين اذا الله كاتبلي اسوي حادث بسوي حتى لو ماشية بطيء ؟ اتمنى وصلت الفكرة مابي افتي اكثر من جذي عشان ماعندي علم وايد بالموضوع

 

[khawla&tito]

اب

اب
اب

 

[تالا]

هلا بنـآت .,

حبيبتي بغيت أبين لج صحة الحديث قبل كل ششي
من كتم علماً ألجمه الله بلجام من نار

هذا حديث مكذوب لا أصل فيـه,

.. .. .. .. .. .. .. .. .. ..


معروف عن قول الرسول أن : الدعآء يغير القدر
فأكثروا من الدعاء


أوكي ربي كتب لج تسقطين بالسنه هذي
بس مع كثر الدعاء ربي يغير القدر و تنجحين


همن ., الصدقه اتطول بالعمر
قدرج تتوفين بالتاريخ الفلاني ولما تعطين الصدقه بنية دفع البلاء
راح يتغير القدر .,

ربي جل شآنه .. يسعى مع العبد ,





ثاني شي ..
مثل مآقالت اختي لما امشي 100 واقول اذا ربي كاتب حادث بموت
هذا الشي إسمه توآكل .. والتواكل يفرق عن التوكل
والتواكل لآيجوز ..
والا لما اقعد مآأدرس واقول مآراح ادرس و بتوكل على الله
هذا ايضا يعتبر تواكل ..

التوكل لما يكون عندج اختبار راح تدرسين و تشدين على عمرج
وتقولين توكلت على الله ..



الفرق بينهم:
التواكل لما ماتسوين شي و تتوكلين على الله
التوكل لما تسوين شي وتبذلين مجهود ثم تتوكلين على الله

انشاءالله فهمتي معاي !!


نروح لنقطه ثانيه بالنسبه لـ القضاء و مشيئة الله ..
انا مآعندي أي خلفيه عن الموضوع و أعتقد انه كلهم بمعنى واحد
بس استاذتج ماوصلت المعلومه صح
واهي اغلب الظن شرحت لكم التوكل و التواكل على اساس انهم المشيئه و القدر ..




هذا اللي عندي و الله ..
و منكم نستفيد


.

 

[** باربي **]

صح...

 

[ريما و رهوفه]

اب اب

 

[بطلع لاتدفون]

اب اب​

 

[دلوعة العائلة]

اب

اب
اب​

 

[حوريه عسل]

هلا بنـآت .,

حبيبتي بغيت أبين لج صحة الحديث قبل كل ششي
من كتم علماً ألجمه الله بلجام من نار

هذا حديث مكذوب لا أصل فيـه,

.. .. .. .. .. .. .. .. .. ..


معروف عن قول الرسول أن : الدعآء يغير القدر
فأكثروا من الدعاء


أوكي ربي كتب لج تسقطين بالسنه هذي
بس مع كثر الدعاء ربي يغير القدر و تنجحين


همن ., الصدقه اتطول بالعمر
قدرج تتوفين بالتاريخ الفلاني ولما تعطين الصدقه بنية دفع البلاء
راح يتغير القدر .,

ربي جل شآنه .. يسعى مع العبد ,





ثاني شي ..
مثل مآقالت اختي لما امشي 100 واقول اذا ربي كاتب حادث بموت
هذا الشي إسمه توآكل .. والتواكل يفرق عن التوكل
والتواكل لآيجوز ..
والا لما اقعد مآأدرس واقول مآراح ادرس و بتوكل على الله
هذا ايضا يعتبر تواكل ..

التوكل لما يكون عندج اختبار راح تدرسين و تشدين على عمرج
وتقولين توكلت على الله ..



الفرق بينهم:
التواكل لما ماتسوين شي و تتوكلين على الله
التوكل لما تسوين شي وتبذلين مجهود ثم تتوكلين على الله

انشاءالله فهمتي معاي !!


نروح لنقطه ثانيه بالنسبه لـ القضاء و مشيئة الله ..
انا مآعندي أي خلفيه عن الموضوع و أعتقد انه كلهم بمعنى واحد
بس استاذتج ماوصلت المعلومه صح
واهي اغلب الظن شرحت لكم التوكل و التواكل على اساس انهم المشيئه و القدر ..




هذا اللي عندي و الله ..
و منكم نستفيد


.

مشكوووره حبيبتي على المعلومات اللي ذكرتيها
وانا هم ماعندي خلفيه بموضوع التواكل والتوكل بس مثل ماقلتي هم يشبهون موضوع القدر والمشيئة



وياريت اللي عنده مععلومات اكثر يفيدنا وشكرا

 

[فديت الريم]

حبيبتي تالا منو قالج ان حديث من كتم علماً الجمه الله بلجام من نار يوم القيامه حديث لا اصل فيه حبيبتي هذا حديث صحيح بس مو هذي صيغته اللي احنا ماخذينه بدار القرآن((من سئل عن علماً فكتمه الجمه الله بلجام من نار يوم القيامه)) نسأل الله العافيه هذي نقطه
النقطه الثانيه صح ان كل شي مكتوب ومقدر بس الرسول صلى الله عليه وسلم بين لنا ان القضاء لايرد الا بالدعاء يعني ينزل القضاء ويصعد الدعاء فيتعاركان في السما وقال عليه الصلاة والسلام لايرد القضاء الا بالدعاء
والدليل ع هالشي ماجاء في الاثر عن المرأه التي جاءت لموسى عليه السلام فقالت ادعوا الله لي بالذريه فدعا موسى ربه فقال الله له يموسى اني كتبت عليها انها عقيم فولت المرأه وهي تبكي وبعد فتره مرت من عند موسى وهي تحمل طفلها فقال موسى يارب انك قلت وقولك الحق انك كتبت عليها انها عقيم فقال الرب جل في علاه وعزتي وجلالي يموسى اني استحييت من كثرة دعائها لي))
سبحانك يارب
ولاتنسون بنات ((اسعى ياعبدي وانا اسعى معك))والله يوفق الجميع

 

[فديت الريم]

بنات بس بغيت اعدل شغله كتبتها واهي مقولة اسعى ياعبدي وانا اسعى معك )) الاولى ان نقول اسعى ياعبدي وتوكل علي ابارك لك سعيك)) لان كلمة اسعى معك تعني المعيه وهذا لايليق بالله عز وجل وع فكره ترا هذي مقوله يعني لا هي ايه ولا حديث وجزاكم الله خير يااخواتي ع مجهودكم الطيب في طلب العلم

 

[جورجيت]

للرفع ..
مسأله عقائدية تحتاج لفهم شامل ..

 

[حوريه عسل]

اخت فديت الريم
انتي قلتي ان كل شيء مكتوب ومقدر <<< وليس كل شيء مكتوب ومقدر وعشان جذي انا حطيت هالموضوع

كل شيء يكون اما مشيئه او قدر من الله , المعنى ان فيه اشياء في الدنيا واقفه على المشيئة

وانتي ذكرتي معلومات عن القضاء ( القدر ) ورد القضاء بالدعاء

بس انا موضوعي عن الفرق بين القضاء والمشيئة وليس بكيفيه رد ما كتب في اللوح المحفوظ


وشكرا

 

[miss.one]

)"]الايمان بالقضاء و القدر عقيدة من عقائد التي اسسها الاسلام على الايمان بالله و بناها على المعرفة الصحيحة لذاته العليا .. والقصد بالايمان بالقضاء و القدر في خيره و شره و حلوه و مره و الايمان بقدرة الله و الايمان بمشيئة الله و الايمان بان الله هو الخالق وكل ما سواه مخلوق و الايمان بان ما اراده الله وقدره و قضاه مكتوب في اللوح المحفوظ ..القضاء[ بالقضاء والقدر ركن من اركان الايمان .. بس للاسف المفروض لما الانسان يبتلي ابتلاء من رب العالمين انه يذكر ربه و يتقرب منه بس احنا قاعدين انشوف بعض الناس لما يبتلون ابتلاء يكفرون و ينسون الله بيده كل شي .. وشكرا عالموضوع الروعة/

 

[el7ob Klah]

كلامج صحيح

في فرق بين قدر الله وكتبه علي قدر

وبين اشاء الله وشائه ان يكون لي

فرق بين لي اختيار و علي امر

الشي الي يكون عليج هذا قدر ومكتوب

والشي الي يكون لج هذا مشيئه الله

يعني مثلاً

الله اشاء اني اروح ذاك المكان واتفآجأء اكون فاعله خير في حدث معين

او اني اختار شيء وسبحان الله يطلع لي شي ثانيه << هذي مشيئه الرب اختياره لي

يعني اختيار الله لي


القدر لما اقول قدر الله

القدر اهو الموقف او الامر الرباني الي اصيب به ولا اقدر اغير منه شيئ

ولا اقدر ابعده عني قدره ونزلت علي سواء حسنه او سيئه لانه امر من الله




من الناحيه الدينيه والنصوص الصحيحه


أن القدر الذي هو القضاء المبرم الذي علم الله أنه سيقع لا يغيره شيء لا دعاء ولا غيره، ولكن هنالك ما يسميه العلماء بالقضاء المعلق، وهو ما علق وقوعه على شيء، مثل الزيادة في العمر إذا وصل الإنسان رحمه، كأن يقدر له إن وصل رحمه أربعين سنة، وإن لم يصل رحمه ثلاثين سنة، وهذا بالنسبة إلى غير الله معلق. أما بالنسبة إلى الله تعالى فهو مبرم، أي لا يغيَّر فيه شيء.
أما بالنسبة للملك الموكل بقبض الأرواح، أو كتابة الآجال، أو الأرزاق، فيمكن تغييره، وهذا مأخوذ من قوله تعالى: يَمْحُوا اللَّهُ مَا يَشَاءُ وَيُثْبِتُ وَعِنْدَهُ أُمُّ الْكِتَابِ[الرعد:39].

 

[جمبلو جمبليله]

صح في فرق والدليل احنا نقول لما يصيب احد شي : ​

قدر الله وماشاء فعل ،،،​

طبعا الايمان بالقضاء والقدر من أركان العقيدة الاسلامية ​

لكن مشيئة الله احسها مرتبطه بالكلمه لان كل امر يكون بإذن الله ​

]انما اَمُرهُ اِذَا ارادَ شيئاً اَن يقولَ لهُ كُنْ فيكون ^ فسُبْحان الذي بيده ملكوتُ كلِّ شيءٍ واليهِ تُرجعون[ (يس: 82 ـ 83)​

بصراحه انا ما احب افتي في شي لا افهم في وهناك الاخوات

لان اجراكم الى الفتية أجراكم إلى النار​

الافهم مني في أمور الدين بس حبيت اشارك بمعلوماتي البيسطه ​

انشاءالله ترانيم القصيم الرائعة تجيب على تساؤلاتنا ​

 

[حوريه عسل]

el7ob kelah
جمبلو جمبليله


مشكووورين حبايبي على الردود استفدت من المعلومات اللي ذكرتوها عن المشيئه والقدر



وياريت اللي عنده معلومات اكثر مايبخل علينا


وياريت الكل يوصل هالمعلومه للناس لان اغلب الناس تفكيرها متوجه للقدر فقط وليس المشيئه اللي اهي ( القضاء المعلق ) مثل ما ذكر من وحده من الخوات