يا تعطيني بطاقة الصرف يا تقدمين استقالتج !!

[هب العطر]

السلام عليكم و رحمة الله و بركاته


اخواتي المتزوجات .... ودي أسألكم سؤال محيرني


اسمع رفيجاتي وايد و اشوف مشاكلهم مع رياييلهم , كلها تقريبا بسبه المعاش و راتب المره ... :eh_s(10):



وحدة قالت لي ان ريلها خيرها بين اثنين , يا ياخذ بطاقتها و يسحب راتبها و يتحكم بالصرف

او تقدم استقالتها !!


على بو انه الريال و كرامته ما تسمح له يشوف مرته تصرف و الفلوس بيدها

!!


شسالفه ؟؟


انا بسأل خواتي المتزوجات عسى الله يبارك لهم ويهنيهم


اشلون طريقتكم مع رياييلكم ؟


هل هم ملتزمين بكل شيء ؟


و اذا كانت الاجابة لا


انتو شنو دوركم بالضبط و شنو عليكم ؟؟


و اشلون تفاهمتموا مع رياييلكم على المسائل المادية ؟؟؟

 

[بتبوتااا]

المفروض ماله شغل بمعاشهاا !

يعني شغلها وتعبهاا وبالاخير الكرت له خير ان شاء الله :/

اذا كان الزوجين متفقين براحتهم بس غصبا عليهاا لاا

 

[* ملكني الخوف *]

مو ملزومه تصرف عليه هاذا شقاها الله مايرضى والرجال قوامون على النساء بس حسافه راح زمن يدي ويدج

 

[كتكوته ورديه]

صراحه[ ظلم المفروض مالها لها ولس تساعد ميخخالف بس ياخذ المصروف تكلم ابوها احسن

 

[ScarletteO'Hara]

الي يطلب من مرته هذا الشي اسمحيلي مو ريال
و الصرف بالبيت كله على اتفاق الزوجين
ما كو قانون و لا شي كيفكم

 

[ام شووووق]

ماله شغل بتعبها وشقاها


واذا لزم الامر تدخل اهلها بالموضوع

 

[حلوه ولمآحه]

انا مايد ان الزوج ياخذ كرت زوجته ابدا ماله شغل ،،
واغلب الي اعرفهم الكرت معاها وزوجها يصرف ع البيت وعليها ،، بس هم هي تشيل معاه بس بتفاهم ماكو شي غصب ،،
ريايل ه الزمن همهم الفلوس طمع ،،
يتزوجون الموظفه عشان معاشها ،،

 

[coralia]

اب اب اب

 

[زهراء الركابي]

اكره الريال اللي ياخذ فلوس من ايد زوجته

 

[Tulips]

مايشوف شر

ماله شغل ببطاقتها اهي يوميا تداوم وتتعب اخر شي كرت البنك عنده ليش ان شالله وين عايشين ؟؟

اهو يتحجج بسالفة انه هالشي يجرح كرامته كرجل بس بالواقع اهو يبي يقط عليها جم فلس كل شهر على بو ينظم مصرفها والباجي يصير عنده ويسحب متى مابغى

وانا اشوف اللي تعطي ريلها كرت البنك اكبر غبيه وصيده

انا كل يوم اتعب واشقى واهو بارده مبرده ياخذ الكرت ... هزلت

 

[zaina alotibi]

المفروووض ما يسألني عن راتبي ولا وين اصرفه ولا شلون اتصرف فيه ؟
ان حبيت وعن طيب خاطر اساعده اعطيه وانا صراحة اشجع مساعدة الزوجة لزوجها .
والزوجة ان حست ان زوجها يستاهل والله تعطيه عيونها

 

[*peace*]

من اول الزواج المفروض الوحده تقط نغزات عن هالموضوع عشان يتعود

ان ماله شغل بفلوسها كلش ملش

 

[_ظل الياسمين _]

رياييل اخر زمن..........................الريال اللى جذيه غسلى ايدج منه.

 

[kuwaitya_zoGaa]

ماكو شغل ؟؟
وليش وين كرامته واهو يصرف من تعب زوجته ؟؟
من رايي خل تستقيل ابرك لها وخل تشوفه اشلون بيدور حوالين نفسه
كله كلام على الفاضي

 

[هب العطر]

هلا و الله خواتي

وايد سعيدة بردودكم


صحيح اني من حزب الطماشه ,, بس هالسالفة خلتي افكر اشلون اتصرف لما انحط بموقفها


يمكن يتحجج لي مثل ما يتحجج لها ان الحياة أخذ و عطا و ان الحياة صارت صعبة و تبي تعاون


و الحل يعني ؟

 

[ليلو جبريت]

انا اقول اذا لزم خل تقدم استقالتها خل تأدبه وتربيه
اووووف من هالريايل اوووف بس

 

[حـنـيـن 83]

من صجه كرامته ما تسمح له يشوف مرته تصرف و الفلوس بيدها... يعني جذي قنعها
اي فلوسها ومن حقها تكون بايدها تعبها اهو مايستحي ياخذ فلوسها قطيعه شينه قوات عينه ... تبي اعطيك ماقصر بس البطاقه لا وان كلش تقوله تستقيل ولا تعطيه البطاقه احسن لها علشان بعدين لاتنقهر ومشاكل

وبما اني ما اشتغل فاكيد كل شي عليه*

 

[انا لحبيبي .]

حلو الازوااج يساعدو بعض ، بس مو بالغصب ولا بالتسلط ولا انه الزوج يخير زوجته بين البطاقه او تقدم الاستقاله ، بشوفه نوعا ما ظلم ، لانه مو من حق المره تصرف على الرجال ، بس ازا كان الزوج مو قادر يعطي مصروف كافي لان راتبه قليل فلازم الزوجه تكون العون اله ، بس اسمحيلي احكي ان في بعض الازواج بعتمدوا على راتب الزوجه
بشكل رسمي وهاد خطأ ، فالزوج هو المسؤول على بيته واسرته ، بس ما بمنع انه الزوجه تعين وتساعد زوجها ، لانه هي شريكت حياته والفلوس الهم وللبيت ،

بالنسبه الي ، انا رح اساعد زوجى وابو اولادي حتى وان كان راتبه اضعاف اضعاف راتبى فهاد مو عيب او حرام ،
على كل الاحوال انا بحب المساعده يمكن لانه زوجي مثالي واخدنا بعض عن حب الحمدلله ،

تسلمي حبيبتي

 

[احلى بنت بالدنيا]

برايي احسن حل يتفقون من الاول كللللش ..

معاشها يكون لمصاريفها الشخصية كلها .. سيارتها اقساطها ميكياجها لبسها أي شي تبييه على حسابها ..

اغراض البيت والايجار والماجلة ومصاريف الياهال كلها على الزوج .. ولو اهي تبي تييب شي يكون من كيفها موغصب ، ولما تييب شي بالبيت خل دايما تقوله .. هذا أبوي عطاني اياه اهلي يابولي هذا.. عشان ينسى فلوسها ويشيلها من حساباته

وانا لومكانها استقيل احسن .. وتخلييه يعيش دور سي السيد أبو كرامة اللي يبي كرت البنك

 

[بيتي بوب بس كويتيه]

أكيد ماله شغل بمعاشي
أنا اقعد من الصبح علشان معاشي عند ريلي
أنا الصراحه لو يقولي جذي اقوله حبيبي أنا بستقيل وأبيك تصرف علي
وإدري ما راح تقصر