يا بنتا الكويت فزعتكم

[فخر ابوها]

السلام عليكم
لأحلى بنات
انا توني مشتركة جديدة
من جيرانكم من السعودية
مشكلتي اختي بتتخرج من الثانوية
وحبيت اشترك انا واختي اللي اكبر مني انا نهدي لها شي
كل من شافته قالت هذي هديت من خواتي
شي ماتقدر تسكر عليه باب الدولاب
شي تحتار وين تحطه من كبره
دورت لقيت قفص لبغبغاء كبير وله استاند تحته وقافي
لونه ابيض وازرق
حبيته اني اهديها ايها بس شنو احط فيه احترت :0bee2e8d89:
وابي بعد اغير لونه هي تحب الون الاخضر
ابي بركاتكم في افكار تزيينه وتغليفه وتغيير لونه
انا من سمعت عنكم على طوووول سجلت
مشاء الله عليكم صيتكم واصل لعندنا بالسعودية
الله لا يحرمكم من الاجر​

 

[لعبة ايام]

والله يا عيوني ممااعرف


لو قلتي مثلا عطور الخ ساعات كان ساعدتك بس للاسف مااعرف

اب اب

 

[الليلاس]

انشالله البنات يساعدونج
انا بعد داشه استفيد

 

[فخر ابوها]

مشكوووووووووووورين على الاستجابة
لكن ترا هو مثل قفص العصافييييييييربس كبييير
هذا قصدي
يلا همتكم يابنات :q8:النخوة والعزوة​

 

[السهم الصويب]

يالله حياااااا
يالله حيااااا
حياااا الله الجيران السنعين

اولا مبروك التخرج وعقبال الجامعة

ثانيا القفص بتحطون فيه طير ولا لأ ؟

انا اقول صبغوه ذهبي او سلفر او برونز أحلا من الأخضر

وترسوووه حلاو وكاكاو
وحطوه بغرفتها مفاجأة !!
واذا خلص الحلاو والكاكاو
تقدر اتحط فيه طير اذا تبي
هاااااا شرايج ؟

 

[فخر ابوها]

:e3:
:balo:
يعطيك العافية على هذي الفكرة
المشكلة هي تحب اللون الاخضر
تقول احس فيه متعه
وهي بعد تخاف من العصافير
شرايكم نصف لها شوكلاته وشموع
كالتوزيعات
بس الشكلاته يبي لها مكان بااااااااااااارد على طول
وللاسف اشلون القفص في البراد​

 

[انوووشه]

1 رشيه باخضر وبعدين رشي فوقه زري ذهبي او فضي
2 حطي داخله القش البني وسويه مثل عش العصفور
3 حطي بيض على شكل ككاو
4 وحطيلها داخل صناديق ملونه وكل صندوق داخله هديه مثلا ساعه او عطر او شيله ماركه وشنطه بناتيه ماركه وعلبة ميك اب من الالوان اللي تحبها


واخر شي لفي القفص بورق سولفان وحطي ورده كبيره من فوق


وسلامتج

 

[&دلـوعته&]

ارحبي ارحبي يابنت السعوديه اسفرت وانورت واستهلت وامطرت ....
اولا مبروووووووووووووك وعقبال ما تهدينها بزوااجها
بالنسبه للهديه ؛؛؛بضيف شغله لفكرة اختي انوووشه انج تعلقين من داخل القفص سلسال او ميداليا على شكل طيور باللون الذهبي وقلووب تكوون معلقه بداخل القفص وجيبي من بو ريالين اللي عندكم >>> اووووووووخص اعرف بوريالين ماني هينه ههههههههه
المهم اكثر ماعنده الاحرف عاد اشتري احرف اسمها كلها مثل اسمها مها اشتري mوaوhوa طيب وجيبي صمغ الحديد واخذي الحرف الاول وصمغيه ع حديدة الففص او ع الباب القفص من برا لين مايتكون اسمها وع واجهة القفص صمغي احرف كلمة from>>يعني من فلانه وفلانه وطبعا جمب كلمة فروم تصمغون احرف اساميكم كلها
وووووووووووووووبس وسوووووووري ع الاطاله بس خذتني الفزعه وانا اختتسس خخخخخخ>>>>راعية فزعات لبى تسبدي هههههه

 

[يوآش يوآش]

للرفع

 

[&دلـوعته&]

اي لاتنسين تصورين الهديه لذكرى وووووولازم تورينا خخخخخ

 

[بشوره الكويت]

السلام عيكم ورحمة الله وبركاته

دشيت عشان اساعدج علي كثر ما اقدر بس ما ادري من وين يبيعون عندكم شغلات انشاء الله انتي تدلين وانا اعطيج الفكره

بالبدايه عشان اختج تعشق اللون الاخضر اشتري رش بلاستيج عشان يمسك علي القفض ويفضل تاخذين لونين عشان يتداخلون بعض

يعني واد فاااااتح والثاني شوي غامش وعقب الرش تقدرين تزيدين عليه شوي من اللمعه عشان ما يصير باهت يعطي لمعه

وعندج انواع مختلفه من الشرائط تقومين بتلبيس امكاكم معينه فيه شرائك يكو مثل الكشه يعطي حركه حلوه

وبعدين انتي تكونين شاريه نوع من الورود حجمهم تكون مناسبه مع قليل من الفراشات تضع مع الورد وتنزلين منهم شرائط

وانتي وشطارتج في انواع وايد من الشرائط اختاري الضعيفه تكون فيها لونين ليناسب القفص والور

ومن داخل القفص اول شي تضعين القش او الشرائط للزينه اذا مو متوفر يبي الكروشيه وقصيه خطوط ضعيفه

وبعدين فتحيها تلقينها شرايط طويله وظعيها داخل الصندوق

ني حق الكاكاو اشتري الكاكاو اما تزينيه بالورد والشرائط او تشترين علب وتضعينه داخلها وتزينيه بالشرائط

او تلفينه بقطعه شيفون وتزينينه بالشرائط وساعات تلقين بريالين شغلات حلووه بس ضيفي عليها لمساتك الحلوه

وانشاء الله افتك

وشوفي انا مسويه قفص لتخرج بنت اختي بس من الروضه

http://www.q8yat.net/showthread.php?p=17290196&posted=1#post17290196

توني مخلصه منه ونشاء الله تستفيدين منه

مبروك التخرج والفال للجامعه والله يوفقها ويخليها لكم نعم الخوات الله يحفظكم

 

[فخر ابوها]

مراااااااااااااااحب
مشكووووووووووووورين
جعل ربي لايحرمكم من الاجر
افكااااااااااااااار رهييييييييبه
يعطيكم العافية :balo:
وهذي مو غريبة عليكم يابنات الكويت
حسيت اني بين خواتي الله لا يخليني منكم
وشغلك حلووووووووووووووووووووووو
القفص مشابه للقفص اللي عندي بس انا اكبر
الحين الحمد لله تمت الفكرة
واذا على الصورة بشروا لكن احتمال اتأخر
متى ما خلصت الأختبارات عندنا
تنتهي 18 -7 -1431 هـ
ههههههههههههههه بالهجري ما ادري كم بالميلادي
حبيت اشكر الكل على هذا العطاء
والله اني فرحت كثيييييييير
ربي لا يحرمكم من الفرحة
:edbf4317b9:​

 

[بشوره الكويت]

تستاهلين

ما سوينا الا الواجب حبيبتي عزيزه وغاليه