يا بنات .. منو أحسن ... الجارالله ولا العجمي؟

[amoona_q8]

السلام عليكم ...

حبيت اسألككم منو أحسن لعمل عملية تحويل المسار .؟؟؟

الجارالله ولا العجمي؟

مشكوووريين واااااايد

 

[كويتيه78]

بصراحه ماعندي فكره بس شوفي الدكتور باسل السميط خوش دكتور ومو مادي كلش وعنده ضمير ويخاف الله واهوا ينصحج شتسوين وذا تبين تسوينها بحكومه عادي يسويها حقج

 

[ii DareeN ii]

باسل السميط والهيفي والدمياط

 

[amoona_q8]

مشكورين حبيباتي...
انا ودي اسويها بالعسكري .... ابرك من الحكومة ....

 

[AL 3la]

ما عندي اي فكره للأسف

 

[حـبـاري]

خالتي سوتها عند العجمي صراحه يجنن و تمدحه
وهي سوتها بالسلام و معرووووووف السلام احس مستشفى للعمليات الصعبه و خالتي سوت تحوير

 

[mimi fawzi]

حبيبتي
نصيحه لله في لله
انا سويت ربط معده عند الجارلله ايام عيادته القديمه و كان بيني وبين الموت شعره و لا تقولين انت حاله خاصه لا والله انا و اختي سويناها بنفس اليوم وكانت معاناة والله احنا قعدنا 3 سنوات بالربط و ما كنا نقدر حتى الماي نشربه و بالاخير شلنا الربط و ليلحين نعاني الاكل يوقف بالمريء
المهم العجمي اذا قصدك اللي بالمستشفى العسكري ترى واااايد يمدحونه
و عالعموم استخيري و سألي عدل بس نصيحه لا تسوين عند الجارلله

 

[ام عبادي 22]

انا بعد انصحج بالعجمي واذا عندج عسكري يسوونها لج بالعسكري انا اخوي سواها عنده بس بالسلام
وانشالله تتوفقين

 

[ام زين العابدين]

حبيبتي انا رحت حق الجار الله الصراحه طلع اركض ما عجبني اسلوبه جنه قاعد يعلن لج شغله او يعرضه لج مو جنها عمليه ويشرح لج جنها خلاص ما في ولا اعراض ولا شي ما عجبني كلش
ورحت حق العجمي الصراحه رووووووووووووعه وكلمت روعه اشوي ينصحج ويقولج ترى ممكن يصير جذي ويصير جذي وانا قالي اذا ضعفتي اسويلج شد وكل شي تبينه ولمه سويت العمليه كل يوم يمر علينا ومعاي وحده طلبته الفير تخيلي كانت مسويه مسار وقاعده تتالم تخيلي يه عندنا وعادي فحصها وكلما ويا حليه بالدشداشه والغتره يقول صج صج حبيته هالانسان