يا بنات طمنوني الله يطمنكم

[رمرم Q8 الحلوه]

السلام عليكم كويتيات انا حامل بالشهر الاول وينزل معاي دم مره مع الافرازات ومره دم لونه احمر رحت الطبيب عطوني مثبتات مع انه ليلحين ما بين النبض وبالليل يزيد عندي الدم وانا نايمه رحت لدكتوره ثانيه قالتلي وقفي المثبتات دام ليلحين مافيه نبض وسوي تحليل هرموني سويت تحليل هرموني الاول طلع نسبته 375 مادري انا خايفه وما اعرف بالنسب تكفين طمنوني منو صار معاها نفس موقفي او عندها خبره بشي ناطره ردودكم طمنوني الله يخليكم *

 

[بنت جنيف]

في حوامل مايبن نبض البيبي الا بالثالث
الله يثبته ان شالله

 

[رمرم Q8 الحلوه]

انا اقصد نتيجه الهرمون زينه والا ضعيفه

 

[اخت خالتهم]

اهو النبض بالثالث
ديري بالج على نفسج وارتاحي
انا صار معاي نفسج وما اهتميت .. و طاح البيبي

 

[عضـــــوه]

والله ماعندي فكره

اسال الله العظيم ان يكتبلج كل مافيه الخير والصالح لج يارب 

 

[رمرم Q8 الحلوه]

الله يعطيكم العافيه انا خايفه ينزل الهرمون اللهكريم

 

[غلا-زوجي]

تو الناس عالنبض واستمري عالمثبتات وطلبي منها ابرة تثبيت

 

[رمرم Q8 الحلوه]

اهي مو راضيه تقول وقفي المثبتات لا تاكلين مثبتات دام مافيه نبض

 

[غلا-زوجي]

قوليلها يا جحا النبض مايبين الا بالشهر الثالث امبيه موصاحيه ..
لاتروحين لها هذي خداي غيريها وانا اختج الزم ماعليج ضناج..
اخذي المثبتات مالج شغل فيها دام اكو حمل اخذي عيل ليش يقولون لج لازم الحامل تاخذ فيتامينات وحديد وكالسيوم باول ثلاث شهور بأنتظام ؟؟ لان اهم اشهر هذي والبقرة تقولج لاتاخذين

 

[ميرمد]

حبيبتي انا بحمالي صار نفسج
عطتني دكتوره حبوب مثبت و قالت لي اسوي تحليل هرموني علشان تقارن بين
هرموناتي اول ماحملت والحين. بس. الحمد لله هرمونات كانت زايده
انتي ودي نتيجت التحليل لدكتوره مع تحليل حملج وراح يبين ان شاء الله
اهم شي لاتعبين نفسج واهتمي باكل وصحتج وقللي جماع ولايكون بقوه

الله يثبته لج يارب وتسمعين اخبار طمنج من دكتوره

 

[@ام يوسف@]

الله يثبته ويطمن قلبج

 

[OM 7SO0ON]

اااااااب لعيونج ماعندي فكره
بس الي اعرفه ان النبض مايبن الحين الي قريب الثالث

 

[سكـــرهـ]

النبض يبين الي الشهر الثالث
والله يثبته وانتي سوي اللي عليك والباقي بيد هالرحمان

 

[Loloki]

الله يثبته لج ان شاءالله

 

[يا عيون سمي]

حبيبتي النتيجه مرتفعه ويبين عندج بالورقه جم عمر البيبي اذا اسبوع او اقل بس اذا انتي بالثاني اتوقع النسبه شويه والله يكتب اللي فيه الخير لج

 

[امواج الكويت]

حبيبتي انا ضد البنات النبض يبين فبداية الشهر الثاني واذا كنتي متعديه ست اسابيع فاسمعي كلام الدكتوره اما انج توج ماوصلتي ست اسابيع لا والله غيريها ولا تقعدين تنطرين البيبي يروح من ايدج

 

[تحبني ولا ...]

الله يعييينج بس ترا لازم النسبه تكون 1000 وفووق الله كرييييم لاتكثرييين اجماااع الله يفرجها عليج حبيبتي

 

[TINA]

حبيبتي النبض يبين بالأسبوع 6 من الحمل نصيحة غيري الدكتورة انا شخصيا جربت 3 أو 4 دكاترة و هلأ انا عند د. عمرو عصام بالسلام أخلاق و محترم و نفسيه كتير حلوة و شاطر ما شاء الله عليه اسالي عنو و كمان انا صار معي نزيف بالثالث و عطاني ابرة و حبوب . و الله يكتبلك إلي فيه الخير يا رب

 

[رمرم Q8 الحلوه]

اهي ما عطتنني حبوب قالت لا تاخذين حبوب تثبيت انا شهر واسبوع تقريبا
الله يكتب اللي فيه الخير مشكورين الله يعطيكم العافيه

 

[sosowaty]

ااااب