يا بنات بموت من الديوان ووزارة الاعلام :(

[miss89]

قوه بنات شلونكم

والله مادري شسوي بعمري

انا عندي دبلوم اخراج تلفزيوني فوق المتوسطه

وقدمت على الديوان من سنه وشهرين بالظبط والحين رقمي انا 1 راجعت الديوان اليوم عطوني ورقه على اساس رقمي واحد قالولي روحي الاعلام يعطونج كتاب ووتوظفين دام رقمج 1 .. انا قلت حلو

رحت الاعلام وانصدمت دشيت المكتب ولا يقولي الموظف لازم تطلعين كتاب ترشيح من اول ويديد
وانا مطلعته من سنه وشهرين من عندهم وقدمته على الديوان يوم سجلوني الحين يقولون لي لازم مره ثانيه تطلعينه

شالسوالف وما تصدقون انا اول مره طلعت ورقة الترشيح منه سنه والله قعدت اسبوع اروح وارد على الاعلام وطلعت الف ورقه واخر شي عطوني ورقة الترشيح

الحين يبوني اسوي مره جذي مره ثانيه مو حرام

ورفيجاتي اثنينهم متخرجين معاي بنفس الشهاده وانا الاولى على الدفعه مالتنا واهم شغالين الحين وانا قاعده بالبيت عشان ماعندي واسطه

 

[ra8iya 9afra]

الله كريم ان شاء الله وكل تاخيره فيها خيره

 

[miss89]

ان شاء الله

مشكوره حبيبتي

 

[عشق]

رد : يا بنات بموت من الديوان ووزارة الاعلام

قدمي على تلفزيون الوطن والراي والعداله لا تنطرينهم

انا جذي يوم قدمت عالديوان ابوي ياب لي ورقه من وكيل الاعلام علشان اتوظف عندهم
بس الديوان قالوا بالدور ما يصير
وقعدت انطر ورفيجاتي توظفوا الا انا حتى بدل بطاله ما عطوني قالوا انتي محدده المكان وهذا ممنوع
رحت شلت الورقه
وثاني شهر انا متوظفه بالداخليه

 

[miss89]

تلفزيون الوطن والراي يبيلهم واسطه شيخ

والعداله وفنون والقنوات الصغيره مجربتهم والله تكرمون كلهم وصاخه وماكو احترام ولا شي

 

[صب القفشه]

بنات ممكن سؤال ؟

شنو طبيعه الشغل بــ تلفزيون الوطن و العداله و فنون و الراى ؟

 

[miss89]

على حسب تخصصج صب القفشه

انا مثلا عندي دبلوم اخراج تلفزيوني

يخلوني مساعده مخرج ، فيه ناس تصوير يشتغلون فيه ناس مهندسين صوت ، فيه ناس مونتيريه

على حسب التخصص

 

[صب القفشه]

اهآآآ اووكـــي

انزين و شلون تعاملهم قناه فنون ؟ لوول مجرد سؤال و مشكووره