يا اهل الماركات ابي جنطة:)

[مالي شغل]

مرحبا بناات شلونكم
بناات انا ميمعه مبلغ حروة ال 400 دينار
و ان شاالله ودي اشتري جنطة ماركة ابيها كشخة و بنفس الوقت عملية
شنو ترشحون لي ماركات انا عجبتني كلوي هذي

http://www.net-a-porter.com/product/98126

ما عرف احط صورة فشوفوا الرابط شرايكم فيها؟؟
او قولولي رايكم شنو اشتري؟؟

 

[zain-alq8]

شفتها بس حرام هذا ب 400 مثلا ....تلاقين بهلسعر ماركات احلا بوايد وارز ...طقبلج فره بالصالحيه والرايه راح تشوفين شغلات تعجبج

 

[al7lwa` `]

لآلآ موو شي الصرااحه

اخذيلج من ch واايد حلووين واسعاارهم واايد زييينه

 

[مالي شغل]

ووااااي صج حبطتوني اوكي عيل شنو ترشحون لي؟؟

 

[<miss botamba>]

كلش مو حلوة

شوفي مارك جيكيبز

كارولينا هيريرا

فندي الجناط الكلاسيك

 

[jojowa]

بالعكس انا اشوف الجنطه حلوة و عمليه و هاللون وايد موضه ,,,وعندج بعد ماركه فرزاجي بالصالحيه تحصلين عندهم جناط شيك و بس خام لان الجلد ماتحصلين اقل من 500 ,,,وانا احب ماركه ال في عمليه و شيك و بنفس الوقت موديلها مايروح و راح تحصلين وايد موديلات بحدود ال 400 دينار ,,,واذا تبين شي حلو و اسعاره زينه عندج مارك بي مارك جاكوبس و كارولينا هيريرا هذيلي جناطهم عمليه و اسعارهم حلوة ,,,

 

[qa6wa_q8]

شوفي هلجنطه عندي وبالامانه كلش موعمليه ومسكتها غثيثه روحي الصالحين مري لوي او فندي خصيصا فندي منزل جنط وايد حلوه اما لوي بعد مانزل شي يزيد ونقي *

 

[Ṧђę5άţ 7ɭάά]

رد : يا اهل الماركات ابي جنطة

اسمحيلي حبيبتي الجنطه حدها عاديه

انا ارشح لج فرساتشي زووووغه,’

 

[بوسيcat]

انا ماخذه ال في من الصالحيه 400 الا شوي عمليه وحلوه بنفس الوقت وتمشي مع كل شي واحب قوتشي هم شي شي ناوية عليها من زمان انشالله تكون من نصيبي

 

[krkosha]

تبين كشخه وعمليه ال في من امه واسعارهم تبدي من 200 وشي وطالع انا حاطه عيني على وحده نشالله هالاسبوع باخذها والله تمشي مع كل شي وبصراحه ترز اللبس

 

[shai5at al3arab]

ما شا الله ذوقج حلو

تهبل الكلوي وايد اعجبتني وعملية ما شا الله

 

[احب الكاكاو]

حلوووووووووووة وايد عليج بالعافية بس دوري بعد بالنت تلاقينها ارخص

 

[krkooora]

حبوبه اول شي هالجنطه اكثر من 400 دينار
و ثاني شي ما شاء الله ذويقه كلوي من ارقى الماركات وما يلبسها اي ناس مثل lv و ch
اذا تبينها يمعيلج بعد و روحي الثريا البوتيك مالها و اخذيها عليج بالعافيه مقدما

 

[krkooora]

شوفي هاذي مو جنه احلى :wqedqw: هم كلوي ترا

 

[توووووووتا]

رد : يا اهل الماركات ابي جنطة

ماعجبني لا لون ولا شكل وباجر تقليدها نازل اخذي شوبارد حيل راقية وماشفت لها تقليد

او ماركو جاكوبز شوفي بالافنيو فاتح حيل راقية هالماركة وبهالاسعار

 

[j.style]

رد : يا اهل الماركات ابي جنطة

حلوه عليجبالعافيه

 

[om.7madiiin]

رد : يا اهل الماركات ابي جنطة

حبووبة الاسبوع اللي طاف خذيت versus
من الافينيوز ب 350 روحي جناطهم مو صج و روعه ,,

 

[كـــنـــزي]

شوفي يا قلبي انا عندي سياسة

الجنطه الي في منها تقليد ما اشتريها.. لا تقولون التقليد مبين .. في جناط ما تبين وما تفرق عن الاصلية..

في ماركة بجشنمال اسمها mcm مستواها بره نفس مستوى ال في

ونفس الجوده بس اسعارها ارخص.. انا اخذت منهم جنطه جلد سوده حدها رزه .. ب200 دينار

تلاقينهم بالمطار وبمجمع الكوت.. عسى تلاقين منهم لانه ما شاءالله اهني البنات ما يخلون شي

هالماركة يمكن اول مره تسمعين فيها بس اهي قديمه وانا من شفتها حيل حبيتها وقبل لا اشتريها سويت عليها سيرج وكانو الكل يمدحون فيها طبعا مواقع اجنبية..

اطرش لج صورتها على الخاص

 

[فوفه 82]

رد : يا اهل الماركات ابي جنطة

آنا برايي تاخذين جنطه تحللين فلوسها والكل يدري انها ماركه الصغير والكبير ولاشي يعلى علي louis vuitton
او Dior
آنا شريت جنطه من lv ب280 مع كل بدله لايقه لان لونها ماشي مع البني و الاحمر و الاسود و الاصفر

 

[مالي شغل]

مشكورين بنات ما قصرتوا
صح كلامكم اللي قالوا ال في حلوة ما ليلحين ما شفت الموديل اللي صج دش خاطري اللي عندها صور خل تحط
و كركورة هذي تينن صراحة بس فوق ميزانيتي
يالله بعد همتكم معاي